الجزء 63 من واش طيبتي اليوم تزامنا مع عيد المراة

[إلهام07]

وصفة معجون التشوينة

كيلو تشوينة غسلتو مليح ونقيتو من الريش و ساعات نلقى حبات فاسدين نرميهم
ونحكم كل حبة نثقبها 3 او 4 ثقوب بـالكيردان ( عود الأسنان ) ونحطهم في إناء ونصب عليهم ماء ونخليها تبات وكل عدة ساعات نبدللها الماء باش نتخلص من المرارة نتاع القشرة


في الغد نصفيها من الماء ونوزنها ( لانو الباعة ساعات يغشو في الميزان العام اللي فات شريت كيلو كي روحت وزنتو لقيتو 800غ فقط )
لكل 1كغ نستعمل 800غ سكر عادي
نحط التشوينة في كوكوط مع 1 لتر ماء ونغلق الكوكوط ونخليها طيب راهي ماطولش منين دور السفارة نحسب حوالي 15د المهم حتان تطرى القشرة ماشي ترجع روينة
نحل الكوكوط ونحط السكر ونحرك برفق حتان يذوب السكر ونزيد شوية فاني وممكن اللي يحب ينكه ببذور anis ( نجم الارض ) كل واحد واش يحب
ونخليها تغلي على نار متوسطة حتان تعقد
كيفاش نعرفها طابت :
نهز شوية سيرو ونحطو في صحن صغير ونحطها في المجمد تبرد مليح ونشوف إذا عملت خط في وسط السيرو بإصبعي والخط هذاك ماتغلقش بسرعة معناها راهي واجدة نطفي النار
راهي ماتديش وقت بزاف ثم ثم يوجد راهو أسهل معجون درتو في حياتي مايطلب لا جهد لا وقت

كل ماطول وهي تغلي يتحول اللون من أصفر فاتح إلى عسلي أنا نحب اللون العسلي وأيضا كي تخليوها تعقد بزاف ترجع القشرة نتاع التشوينة مكرملة
هذا المعجون راهو بنين وحامض بالنسبة ليا هو المفضل في كل الانواع نستنى التشوينة من العام للعام باش نديرو وناكلو
* ملاحظة : إذا تحبو السيرو يجيكم ثقيل بزاف كي يبرد وقوامو كيما لا جولي زيدو 1شريحة او 2 نتاع ليمون ولازم الليمون يكون فيه بذور
في هذه الحالة ممكن تحتفظو بالمعجون خارج الثلاجة ومايصرالو والو لانو بذور الليمون فيها مادة حافظة تحفظ المعجون من التعفن



بصحتكم مسبقا

[نخله.]

تعيشي لههوووووووووووووووووووووومه بصح باه نبات نبدل فالما ما تساعدنيش نرقد و الصباح رباح هههههههههههههه

[إلهام07]

لهنى هاكي نصائح زلابية البنان نتاع م رامي :

1- تقليها في زيت غزير
2- درجة الحرارة متوسطة ماشي قاوية بزاف باش طيب مليح وماشي قاوية بزاف تتحرق
3- حمريها مليح باش جيك مقرمشة من برا وجي كيما اللي تتباع وخير منها في الخفة والبنة ، لوكان ماتحمريهاش مليح ترجعلك طرية بصح كي تتحمر مليح مليح تبقى مقرمشة حتى لو تبات
4- المحق استعملي نتاع لا بوش أدوي يعني رقيق ماشي محقن نتاع قاطو المحقن ، لو كان ديري محقن خشين رايحة جيك طرية ولينة ماتخافيش راهي تنتفخ 3 أضغاف في المقلاة يعني كي ديريها بمحقن رقييييق جيك مقرمشة وفارغة من داخل
5- حتى تخلصي قليان باش تعسليها ماشي وهي سخون طول تحطيها في العسل باش تيقالك مدة طويلة مقرمشة
6- العسل يكون ثقييييييل ودافي فقط
7- رشي كمية زاكية نتاع جلجلانية راهي تزيدها في البنة

والله جي خير من الليي تتباع سواء في البنة او الخفة أو النظافي اللي يجربها يرجع مدمن عليها خاصة انها ساهلة
حقة الكيمة اللي في الوصفة ديرلك 2 صحون ( صحن نتاع قاطو ماشي نتاع شربة :d)

كي ديريها ذوقيني :d:d

[إلهام07]

المشاركة الأصلية كتبت بواسطة نخله.

تعيشي لههوووووووووووووووووووووومه بصح باه نبات نبدل فالما ما تساعدنيش نرقد و الصباح رباح هههههههههههههه

هههههههههههه يعطيك الربح لالا نخلة مافهمتيش :
انا حطيتها في الماء لعشية وفي الليل قبل مانرقد بدلتلها الماء وفي الغد صباحا بدلت الماء ولعشية كي روحت طيبتها فهمتي ؟:d
2 او 3 مرات تكفي

[lamia zina]

لهنا شفتي جوابي...................

[lahna moka]

لامية حبيبتي شفتو ربي يبارك فيك مواااااااح
لهلوبة شكراااااا و بارك الله فيك على وصفة المعجون ممممممممم
كل الأخوات اللي ساعدوني ربي يحفظكم و يكمللكم واش في بالكم حليتو عليا البيبان ربي يفتحها في وجهكم يا رب

[نخله.]

الهام شكرا هكا نتفاهمو مليح ههههههههه

[ام نوردين]

مساء الخير عليكم وبصحتكم الغدا والطيابات
هادا واش خرجلي من ليفوطو تاع الوليمة زعمة درت المسال مفورة والعقودة تاع الامنيات ودرت اجنحة الدجاج في كيس الشواء وليخرجولى غير لتورت تاع السلق وزلابية البنان


lfup.com/t9ZKn.jpg[/img]

m66.gulfup.com/ymHgO.jpg[/img]


تقطعتلي لبوش وليت خدمتها البوش تاع البوتى فور ومن بعد كسلتها بيدى باش تجى رقيقة فسدلها الشكل شوية

[إلهام07]

أنا تغديت اليوم تليتلي جا بنين يقتل دارو الطباخ نتاعنا بالداند والله كليت حتان راحلي النفس :d:d:d

بنات تحبة نحطلكم وصفة العجينة بريزي بالزيت قبل ولا تحبو نحطلكم وصفة البيتزا اللي بالدجاج المشوي والفطر ولا تارت الموز ؟

راني نخمم في ام ماجد واش تغدات فيرت ولا بيض وفرماج ولا كاشير وزيتون :d:d:d:d

[fatimoncton]

alah ya3tik w ymanik ya ilham fra7ni radak bezaf
kol labnat machalah li nchofha tnasini fi lokhra

[نخله.]

خبز الفقاس نضن تع القبايل يديروه بزيت الزيتون و الزيتون مقطع؟؟؟


جاوبونا يالقبايليات راني حابه نتعلمو؟؟؟

[ام نوردين]

[/QUOTE]
نخلة يا الشعنونة كيفاه عطاك قلبك وكليتيه مسكين وزدتى صورتيه بهديك الطريقة


بصحتك البطاطا والروز بصح الارنب
وبصحتك المعجون خرج يسخف

[إلهام07]

ام نورالدين غيرتني بالوليمة نتاعك خاصة الزلاية مايهمش الشكل المهم البنة
شوفي انا زعمة كنت نتعلم في الزلابية العادية ماشي نتاع زلابية البنان ( نخلط من راسي الوصفة ماهيش تطبيق ) جاتني عليها في الليل ومالقيتش باش نديرها درتها بشكارة الحليب مع عجينتها سائلة واش نقولك مرمدت الدنيا
حطيتلك الصورة باش تشوفي باللي زلابيتك راهي تحفة فنية





اهلا بيك في كل وقت اختي fatimoncton واش كليتي علينا اليوم ؟

[إلهام07]

المشاركة الأصلية كتبت بواسطة روضة 88

الهام حطي تارت الموز
و مادلان السميد كاين انتاع ام اماني هايل و خفيييييييييييف
ضرك شوي نوض نديرو

روضة تزيدي تقوليلي مادلان السميد نعضك قتلك هاتي الوصفة او الرابط ماعرفتوش هذا اللي تحكي عليه
ياخي ماكيش تتوحمي ؟ لوكان منزربش نحطها تخرج في البيبي

[أم ياسين الزهراء]

الهام يعطيك الصحة وصيت زوجي ع يجيبلي التشوينة وان شاء الله نجربها

نخلة يجعلك ربي كالنخلة ساسك في الارض وراسك في السماء هههههههههههههه زعمى عجوزة كيفاش دراي معجةذون الطباسة هايل