الجزء60 من واش طيبتي اليوم - الصفحة 13

assinet · 2014-02-22, 13:38

URL=https://forums.a7bk-a.com/][/url
هذا غايا
URL=https://forums.a7bk-a.com/][/url
و هذه كيلة القارص تع نهال تقهواو بيها

ام الهضاب · 2014-02-22, 13:38

الله يبارك اعلى البريوش و الله ما قعدت باش انديرو هذيك المبرجة صبحة كاملة و انا عقابها
ماشاء الله اعليكم ليزابال و ام اناس عندكم نفس الحس الديكوري أتقول تخرجتو من مدرسة واحدة انتاع الديكور

assinet · 2014-02-22, 13:40

يعطيكم الصحة كل وحدة باسمها عمرتولي الكزينا بالاكلات لي تشهي وتسلم كل الأيادي

oum anas 69 · 2014-02-22, 13:41

اقتباس:

المشاركة الأصلية كتبت بواسطة parfumdor1

اهلا بيك ام انس ومرحبا بالحامبل والمحمول
ماكولاتك تشهي كالعادة وسيرتو طاجين الزيتون ياخي ليبول بالدجاج مش بالفيونداشي وقداش درتي زيت زيتون فيه

و بيك حنونتي عطورة
إيه لي بول بالدجاج و كمية الزيت درت ملعقتين أكل

عطرالذهب · 2014-02-22, 13:42

اسينات بصحتك البيتزا والكيكة خرجتلك هايلة

ام الهضاب · 2014-02-22, 13:44

صح ليكم اسينات اممممممم
حنان هذيك البقلاوة انتاع لابات فيلو اتهببببل اسخفت انديرها و خفت ما تخرجليش امليح قوليلي ساهلة و إلا ،،،،،،،،،
ام أنوس طبيخك ايهبل ، ههههههه في الصيف جابلي راجلي المهراس انتاع الزفيطي من عند خالتوو زوجها مسيلي و قاتلو سمانة و رجعهولي هههه جبتها سمانة و احنا نتعشاو بيه ايهبلللل و خفييييف

assinet · 2014-02-22, 13:46

سامحوني خليتكم وحدكم اليوم راني عندي كونترول عند الطبيب اليوم وراني متحمسة بلاك اليوم يشوف جنس الجنين تههلاو في رواحكم و الدار داركم تقهواو حتى نجي

ام الهضاب · 2014-02-22, 13:50

دائمة الحمد هذاك المعمول انتاع ام رامي لازمك الغرس يكون طريييييييي و مخدوووم امليح و القوام انتاعو كما العجينة لان العجينة هشوشة بزاف هكذا باش ما يبقاش يابس في النص

أم ماجد · 2014-02-22, 13:50

السلام عليكم وصح غداواتكم
اسمحيلي بنتي اسينات
اصبري عليا نجيب الباروك والله مشغولة لشوشتي تعرفي نهاية الاسبوع
المهم واش تفاهمتوا على التطبيقات ؟

ايمان25 · 2014-02-22, 13:51

ماشاء الله تبارك الرحمن دارك روعة اسينات انشاء الله عامرة بالخيرات

lyzzabel · 2014-02-22, 13:52

صح فطوركم كلكم حبيباتي دون استثنااااااء
ام انااااس لعزيزة بارك الله فيك على الكلام الجميييييل و صح فطورك حبيبتي
لهنا راكي سبيييييد ماشاء الله درتي البريوش وصح فطورك يا كنتنا العزيزة مهما يكون خصك توريه لنا نشوفوووووه و شكرااااا على وصفة الكيك هذي هي الوصفة الكلاسيكية تاعه و كاين تاني بالياوورت يجي رووووووعة و مشي ناشف
ام انس طاطايا الغالية توحشششششتك و الله يعطيك الصحة طياباتك كلها رووووعة بصحتك
نتقبل بصحتك البواكاسي و لي تارتولات مممممم يشهو شفتهم في الكوزينة لي فاتت
ام هديل صح فطورك و شكرا على المجاملة حبيبة
رياض و عطورة و افروديت و ام الهضاب بصحتكم واش طيبتو و واش كليتو ما خرجليش مشاركاتكم عندي ناقصة صفحة راني عارفتكم كل أصبع بصنعة الله يبارك

lahna moka · 2014-02-22, 13:53

أم انس طياباتك ممممممممم يعطيك الصحة
ليزابيل صح غذاك حبوبة كلشي يشهي مممممم
بشورتي البريوش رووووعة سلمت يداك غاليتي
آسينات فحلة بنت الغالية يعطيك الصحة و ربي يفرحك يا رب
أم الهضاب, عطورة, زهرة صح غذاكم حبيباتي

عطرالذهب · 2014-02-22, 13:53

اسينات السماح حبيبة رانا نستناو في احلى الاخبار واللي من عند ربي الكل مليح المهم الخلقة الكاملة والتربية الصالحة
نروح نطيب براد تاي منعنع نلهيهم بيه حتى ترجعي

lahna moka · 2014-02-22, 13:57

ليزابيل حبيبتي كلامك كي لعسل موااااااااح
ام ماجد فرحت من قلبي كي شفتك مرحبا بالغالية رانا تفاهمنا نطبقو بريوش و تاعي راه فالفور خخخخخ كيما قالت ليزابيل سبيد خخخخخ حوحو يشكر روحو

إلهام07 · 2014-02-22, 13:58

ماتضحكوش راكم بزاف باش ماننساش راني نرقمكم

1- لهنة ألف شكر على وصفة الكيك بصح مافهمتينيش ماشي قصدي على الكيك نفسو يجي ناشف قصدي لو كان الكايك ما نسقيهش ونزينو بالشانتيي ماياكلوهوليش مانقدرش ندير كيكة حاف كيما نتوما ونحطها في الصينية على العموم شكرا على وصفة الكيك عندي ثقة والله تعجبيني فحلة ماشاء الله شكون قالك مانامنكش

2- حنان ، لو كان نحكمك تعرفي رقبتك هذيك ........عععععععع نقتلك سقسيتك هذاك النهار وزدت راسلتك على الكرام فراش ماجاوبتينيش ومن فوق حطيتي اليوم القاطوات وما قلتيش واش هذو علاه نديرو في الفوازير نتاع رمضان ؟
الأولى بقلاوة أم أماني77؟
والثانية لي بابا ولا واش ؟

3- تسمحلي الأخت راقم 3 نسيتها شكون

4- واااااااااااااااي وأخيرا عيشني ربي وشفت طياب أم انس كنت خايفة نموت ومانشوفوش وقشلا منين ديرتي نيولوك وليتي ماطيبيش
حقة فهميني العفسة نتاع طاجين الزيتون غير زيت الزيتون ولا كاين حوايج أخرين ؟
هيه وزيدي فهميني هذيك لياجوا كاراميل نتاعك ماشي وصفة جديدة ياخي ؟

5- أم إيناس حبيبتي أي نوع نتاع لي كيسات يدخل للفرن جربت نتاع القاطو الصغار عادي بصح الكيسات اللي يتباعو خاصين بالمادلان كبار يجيو قد المول نتاع المادلان فهمتي ؟

6- ليزابال ماتزعفيش بصح الحوت جا يضحك مسكين في الصحن خخخخخخخخخ درتيلو النظام بصحتكم

7- بشرى السؤال الذي يطرح نفسه البريوش شكون كلاه

8- أسينات الميني بيتزا حابة نديرهم بصح والله تكاسلت عليهم كل مرة نقول نديرهم ومن بعد نرجع ندير قرصة كبيرة ونحي عليا يعطيك الصحة

9- أم الهضاب ربي يعينك حبيبتي المبرجة تعب بزاف فاش رايحة طيبيها في طاجين الحديد ولا في طاجين الحديد فوق طاجين الطين ؟