جلسات مع orthophoniste لمساعدة ابنك على التكلم

[mereyoucef]

السلام عليكم
لما تكوني مع وليدك اياك و الضغط عليه باش يهدر يعني تقوليلو اهدر قول لاخاطر رايح يفقد الرغبة في التواصل و الكلام و كاين ادراري الي طبعهم عنيد (كيما وليدي ادا قوتلو كحلة يقول بيضة ) يعني ماتحسيهش بلي لازم يهدر
ولما تسالي فيه ماتخليش خاوتو يجاوبو في بلاصتو و فهميهم هكدا و لما ما يجاوبكش خليه رايح يجاوب
دايما لما تساليه مثلا واش حاب ياكل دايما اعطيلو الحرية في الاختيار و الجواب مثلا تاكل بنان ولا تفاح malgréراكي عارفة واش راهو يحوس
حاولي دايما ما تسالهش اسئلة الي جوابها نعم او لا يعني اسئلة انتاع وعلاش وقتاش وين كانت شكون باش يتعلم يركب جمل
و عمرك ما تحكي المشكل انتاعو قدام الجارة او احد لاخاطر راهو يفهم و يسمع و يقدر يتعقد و لا انتي تضحكي من طريقة كلامو صحيلو دايما
بطلي من استعمال كلمات مثل حاحا ددي مياو همي دودو لازم و هو صغير يرفد كلمات صحيحة