كيفية التعامل مع أهل الزوج

[ام ملاك.]

كل ماذكرتيه صحيح نظريا
لكن عمليا من سابع المستحيلات
لوكان تنوضي وانت تضحكي وترقدي وانت تضحكي وتخدمي وتديري كلشي وماتفوتيش دايما يشوفوك برانية ومقصرة في حقهم واذا كنتي عيانة يقولو نهار طول وهي عيانة واذا مرضتي جات من دارهم مريضة واذا ماكنتيش في مورال مليح يقولو نهار طول وهي مشنفة اذا دخلتي لشمبرتك يقولو نهار طول وهي راقدة
هاذ النظريات ممكن تنطبق على الاوروبيين والامريكان بصح علينا حنا ابدا ماشي يشوفو الحاجة المليحة اللي تديريها يعسولك الغلطات هات برك اغلطي غلطة يالوكان صغيرة شعتي في الفاميلية
يعني الواحدة درك وفي وقتنا هذا تقول رضى زوجي وخلاص المهم زوجك يكون راضي عليك وماتخليهش وقومي بيه لانو زوجك مهما كان مايقبلش عليك اي حاجة لانو يضرو اللي يضرك
هذا بعد تجربتي الصغيرة يعني ماحكيتش من الفراغ
شكرا على الموضوع عزيزتي وتقبلي مروري غاليتي