الجزء 57 من واش طيبتي عودة المعتمرين - الصفحة 13

lahna moka · 2014-02-09, 19:39

أم ماجد رايحة نطبق معاكم بلا صور معليش؟؟؟؟
لبارح للعشاء درت طاجين الزيتون يعني تطبيقات الكوزينة اللي فاتت وفّيت بيهم, راكي فرحانة بياّ أكيد ههههههه ضحكة ثقة

islam1aya · 2014-02-09, 19:40

سلام حبيباتي
اختي هدهد مبروك الافتتاح
مطبخك هايل ومرتب والمهم انه نظييييييييييييف تتهناي بيه

مبروك رجوع الوالدين من العمرة ان شاء الله عمرة مقبولة والعقوبة الوالدينا ولينا
لاباس على البنوتة ربي يحفظهالك

وبصحتكم الماكولات والمطبوخات

ليدي اممم عجبني كل شيء شكون كولومبو عرفينا بيه هههه
اليسون الصور لاتضهر

مقدسية حبيبتي على سلامتك وين غطست التورت راه بين عيسنيا طحي بالوصفة يا الزينة امووووووووووووووووووووواح

ميمينة اممم على الاطباق ولا التريدة والمطلوع فحححححححححححححححححححححلة

برقوشتي امممم كل حاجة بالطبع

ام طيري حبيبتي هايلة الجلجلانية اي وصفة خدمت قري ههههه

oum ibrahim · 2014-02-09, 19:42

صح عشاكم يا الفحلات ربي يوم النعم عليكم ماشاء الله عمرتو الكوزينة بكل خير يعطيكم الصحة

oum ibrahim · 2014-02-09, 19:45

ام اسلام وشراكي حنونة اسمحيلي ماشركتش في كوزينتك لكن اكيد مخلوفة كانت خفيفة ظريفة كي مولاتها قوليلي من فضلك القاتو الي حطيتيه مع رولي الموكا و مغلف بالشوكولا واش من وصفة ؟الله يبارك خرجلك تحفة خاصة الشوكولا تبرق واش من ماركة استعملتي ؟؟؟

islam1aya · 2014-02-09, 19:46

السلام عليكن

كتبت رد طويل وبحححححححححححححح

lahna moka · 2014-02-09, 19:50

أم ماجد راني حابة نقترح وصفة بالقرنون لأنو الموسم تاعو طبعا بعد اذن أخواتي

ام احمد وصال · 2014-02-09, 19:51

أم ماجد · 2014-02-09, 19:52

اكيد لهنا شابعة بيك فرح
وانا طبقت كيكة الكسكاس وخبز دائمة الحمد شفتيهم ؟
طبقي ولو دون صور هههههههههههه

فاطمةع · 2014-02-09, 19:53

المهم تصبحو على خيرغدوا انشا

islam1aya · 2014-02-09, 19:54

سلام حبيباتي
ام برهومي حبيبتي توحشتك معليش راكي معذورة انا كنولي نتوحم مانوضش 3اشهر نمرض بزاف المهم حبيبتي
الوصفة نحاول نحطها اليوم رووووووووووووووووووووووووعة المذاق كما نحبوهم انا وياك شوكولا في شوكولا وبعض الاستيسات نحطهم يزيدو البنة بنتين هههه زوجي قالي هذا قاطو تع لامبورتاسيون ههههههههههههههه
ان شاء الله تقعد النات مليحة نعشي الاولاد ونحط الوصفة خص نص لعيونك

ladymillion · 2014-02-09, 19:55

أم ريمة وفيوزة هاهو ليكم البراج وكيما تقولولا المبرجة

هي 3 كيلات سميد نوع ممتاز + كيلة زبدة ذايبة + ملح + شوي من جلجلانية ،،، عجينة عادية كيما نتاع مقروض الكوشة
حطي المكونات الجافة + الزبدة ذايبة لــــكن صبي الزبدة بالشوي باش مايفوتش هذاك الحليب لي يبقى لتحت وبسسية وحكيه بيدك ملييح تدخل الزبدة في السميد ،،، وأبداي تصبي الماء بارد بالشوي وحركي العجين برؤوس الاصابع برك ماتعجنيهش إذا تعجنيه وتضغطي عليه بكف اليد مايجيكش مبسس من بعد ،،، استمري في تحريك العجين وإضافة الماء حتى تتكون عندك عجينة لــكن ماشي عجينة ذات كتلة واحدة خليها مشروحة على القصعة لي خدمتي فيها وخطيها خليها تبات ليلة كاملة

الغرس داويه كيما تحبي كل واحد وذوقوا أنا ندير (( قرفة ، جلجلانية محمصة ومطحونة ،ولوز مطحون ، شوووووي برك من القرنفل مطحون ،ماء زهر يساعدني على عجنه مع المكونات ، زيت باش نرطب الغرس ))

أقسمي العجين إلى قسمين متساويين
على طاولة العمل رشي شوي سميد وحطي قسم الاول من العجين وقرصيه بيدك دائرة قطرها حوالى 35سم ماشي كبيرة
زيدي قرصي الغرس في مكان آخر فوق كيس بلاستيكي على قد العجينة الاولى وحطيه فوقها بالمهل
مرة أخيرة قرصي الطبقة الفوقانية نتاع العجين فوق UN PLAT يكون مدور أو كيس بلاستيكي وكملي حطيها فوق الغرس وتكتمل عندنا الطبقات

جيبي الحلال وحلي غييير بالشوي لازم تسايسيه باش تحاولي تخلي الطبقة التحتانية كيما لفوق وتكملي تحلي قرصة البراج والسمك كل واحد كيما يجبو رقيق ولا متوسط
في الاخير رشي السميد من فوق و وسعيه على القرصة بيدك بالشوي وملسي بيه القرصة باش كي يطيب البراج يجي كامل نفس اللون ،،،،،، خليها ترتاح نصف ساعة وقطعيها

كي تقطعيها حطيها في بلا وخليها ساعتين هكاك من الاحسن تكون في مكان بارد باش كي طيبيها طاوعك وتكون سهلة

أم ريمة طيبتها في طاجين نتاع الشخشوخة لكن لي عندنا خشيييييييين ،،، بصح راهم يتباعو هايلين

نتمنى يكون الشرح وافي وفهمتوه واش قلتي أم ريمة نعرف نشرح هههههه