جزء 55من واش طيبتو اليوم تفضلو - الصفحة 32

سميحة 01 · 2014-02-01, 16:06

اقتباس:

المشاركة الأصلية كتبت بواسطة lahna moka

أم انس بارك الله فيك حبوبة
ريهام مواضيعك روعة روعة يعطيك الصحة
تفضلو تتقهواو هاذا القاطو درتو لبارح نسيت باش نحطو

يعطيك العافية حبيبتي لهنا ربي يهنيك خرجو يشهووووووووووو

ryhem 16 · 2014-02-01, 16:09

اقتباس:

المشاركة الأصلية كتبت بواسطة lahna moka

أم انس بارك الله فيك حبوبة
ريهام مواضيعك روعة روعة يعطيك الصحة
تفضلو تتقهواو هاذا القاطو درتو لبارح نسيت باش نحطو

الله اسلمك على حلاوة كلامك لهنة حبيبتي شاطرة و حنينة صح قهوتك
أكيد حلوة بنينة و راني أديت منها و أدعتلك ربي احلي كل أيامك يا الزينة

أختي الهام يعطيك الصحة على حيلة تاع الكاوكاو يا الفحلة جزاك الله كل خير

assinet · 2014-02-01, 16:10

لهنة راني هزية حبتي و حبة دائمة الحمد يسلمو. بروقة راني تمكنت من وضع الصور وقتاه تحبي نشارك بكوزينتي وشكرا على الاهتمام عزيزتي

om mita · 2014-02-01, 16:12

مساء الخيرات على الجميع
اسمحولي راني نبروفيتي علا الهام مدامها هنا قبل ما تهربيلي
قوليلي الصينية الي درتي فيها شحال
والكيلات الي كيلتي بيهم
وكي نشمخوه يجي كي المقروط لما نبسوه
ارجوك كشما نصائح كيما متعوداقوليهملي حابة نديروا غدوا ك
والله يعطيك ما تتمناي

أم محمد تاج · 2014-02-01, 16:13

حبيباتي ماشاء الله عليكم من المبدعة ريهاام الحلوة يعطيك الصحة نشالله والله فحلة خدامة لبرا وفيالدار ربي يحفظك نشالله ولعقوبة ليك ولوالديك العمرة يارب
ام انووس مممممممم هبااال كالعادة واسينات بصحتكم ولهنة روعة القاطو حطيلي الوصفة حنونتي
دائمة الحمد حنونتي شكرا والف شكر ولعقوبة ليك يارب
منووولة افكااار رووووووعة
لهاليبووو قلتي عندي افكارمسروووقة مالا قتلك حطيلنا نتقاسمووو الاجراااام (^.<) (^.<)
حبيباتي صح قهيوتكم وراني حابة ندير قاطو تاع لحليب وراني نمخمخ واشمن وصفة ？♥

om mita · 2014-02-01, 16:14

وقوليلي تاني انتي علاه جاك في الوسط بني وش درتيلوا
بحث ههههههههههههه

ryhem 16 · 2014-02-01, 16:15

اقتباس:

المشاركة الأصلية كتبت بواسطة assinet

ريهام الله يسلمك حنونة وصفاته راءعة

شكراااااااااااااا أسينات و فرحت كي عجبوك حبيبتي الوصفات و نتمنى بالمثل لماماك لعزيزة ربي يحفظكم لبعضكم

ryhem 16 · 2014-02-01, 16:16

اقتباس:

المشاركة الأصلية كتبت بواسطة assinet

هذا تطبيقي لعصيدة الزقوقي للغالية دائمة الحمد

يميييييييييييييي تبان تشهيييي
سلمت أناملكي حبيبتي

assinet · 2014-02-01, 16:19

https://forums.a7bk-a.com/][/url]. لي تارتولات بالقرص تقهواو بيهم

ryhem 16 · 2014-02-01, 16:20

اقتباس:

المشاركة الأصلية كتبت بواسطة أم محمد تاج

حبيباتي ماشاء الله عليكم من المبدعة ريهاام الحلوة يعطيك الصحة نشالله والله فحلة خدامة لبرا وفيالدار ربي يحفظك نشالله ولعقوبة ليك ولوالديك العمرة يارب

اقتباس:

المشاركة الأصلية كتبت بواسطة أم محمد تاج

ام انووس مممممممم هبااال كالعادة واسينات بصحتكم ولهنة روعة القاطو حطيلي الوصفة حنونتي
دائمة الحمد حنونتي شكرا والف شكر ولعقوبة ليك يارب
منووولة افكااار رووووووعة
لهاليبووو قلتي عندي افكارمسروووقة مالا قتلك حطيلنا نتقاسمووو الاجراااام (^.<) (^.<)
حبيباتي صح قهيوتكم وراني حابة ندير قاطو تاع لحليب وراني نمخمخ واشمن وصفة ？♥

يعيشك و ألفففففف شكر ليك أختي و الله كلامك على عيني و راسي يا عالية الشأن
الله يحفظك و يسرك يا حبيبتي أم محمد تاج
و ديما تبشرينا بأخبارك الحلوة

ryhem 16 · 2014-02-01, 16:22

اقتباس:

المشاركة الأصلية كتبت بواسطة assinet

https://forums.a7bk-a.com/]

[/url]. لي تارتولات بالقرص تقهواو بيهم

ما شاء الله عليك اسينات و يعطيك الصحة و العافية

assinet · 2014-02-01, 16:26

يعشك عزيزتي ريهام

lahna moka · 2014-02-01, 16:29

سميحة حنونة عينيك الشابين
ريهام حبيبتي شكرااا على الدعوة و الله محتاجة بزاف دعوات
أسينات أنت و ماماك على عيني و راسي طياباتك و حلوياتك مممممممم رائعة حنونة
أم تاجو بارك الله فيك و تفضلي الوصفة:
125غ مرغرين_ 1 بيض_ 3 ملاعق كبيرة نواد كوكو_ 2 ملاعق كبيرة سكر عادي_ ملعقة صغيرة خميرة الحلوى_ 1 ملعقة كبيرة ماء الزهر_ فرينة
التحضير:
اضربي مليح المرغرين مع السكر ثم زيديلها البيضة و النواد كوكو و ماء الزهر و اخلطي ثم زيدي الخميرة و الفرينة للحصول على عجينة مثل الصابلي ديريها كرات صغيرة اضغطي بيها في مول السيليكون(فالليل نصورلك المول تاعو) و ديريها فالفرن حتى تنضج
كي تطيب قلبيها و رشيها بالسكر الناعم و هنا زينتها بمعجون السفرجل الملون بالأحمر.

دائمة الحمد · 2014-02-01, 16:29

اقتباس:

المشاركة الأصلية كتبت بواسطة ryhem 16

مساء الأنوار الى أحلى و أغلى بنات
واش راكم ياك راكم كامل لأباس حبيباتي

نتمنى تكون مولاة الكوزينة عهد الله بخير انشاء الله

هاهي وصفة المنقوش لكل غالية طلبتها

"حلوة المنقوش"

المقادير

3 كيلات فرينة(كيلة=250 مل)

1كيلة نشاء (مايزينة)

1كيلة سمن طرية + 2 ملاعق زيت

قرصة ملح

لافاني

1كيلة سكر غلاص ناقصة 2 أصبع و نكملو الكيلة يالقزوز الأبيض الشفاف (ماشي ألي عندو لون)

2 ملاعق أكل ماء الزهر

الحشوة

500 غ غرس(عجينة التمر)

200 غ لوز مرحي و نسخنون(يتحمص) باش يدخل مليح في التمر و يطريه(تقدري تعرضيه بالجلجلان لمرحي)

شوية قرفة

لافاني

قطرات من ماء الزهر(كل حلوة تاع تمر وتطيب في الكوشة نضيفلها ماء الزهر باش يبقى التمر طري )

قرنفل(اختياري) أناو أعوذ بالله من كلمة أنا مانحطوش خاطرش قاطع

للتزيين

عسل ثقيلة(أو معجون المشماش و نضيفولو شوية عصير البرتقال ) للدهن

جلجلان محمص

القازوز من هذا النوع

التحضير

في وعاء نخلط الفرينة+مايزينة+قرصة ملح+لافاني
ثم نضيف السمن + زيت و نبسس مليح
و في الأخير نضيف السكر غلاص الممزوج مع القزوز و دائما الخلط بأطراف الأصابع بدون عجن (القزوز كملاحظة بفعل الغازات ألي فيه تعمل كمادة رافعة للعجينة كما خميرة الحلوى)
و نضيف ماء الزهر

نترك العجينة ترتاح لمدة ساعة تقريبا

في هذا الأثناء نخلط مكونات الحشو و نشكل حرابش تكون أغلض من حرابش تاع كعك النقاش (نستعين بشوية فرينة )

نأخذ العجينة و نشكل حرابش ثم نحط الحشوة في الوسط و نغلق الحربوش باحكام (كما نديرو في المقروط غير الحربوش هنا اكون رقيق)

نقطع على شكل أصابع بالميل

ثم ننقشو كل حبه حسب الرغبة(أسمحلو حبيباتي نقشي مراهش كما ماما الخبيرة هههههههه)

كما تقدرو ديرو شكل ثاني للحلوة لكن الأصابع هم الشكل الأصلي لحلوة المنقوش و هو
تقطعو دوائر و تحطو الحشو في وسط دائرة

تغطى بدائرة ثانية تكون فيها حشو

و تنقش من تحت و نطلع للفوق
كما راه موضح في الصور

ندخلو الحلوة للفرن

وكي تطيب ندهن الوجه نتاع كل حبة بشوية عسل ثم نرش الجلجلان لمحمص من فوق

و هذا شكلها النهائي حبيباتي

شهية طيبة و نتمنى تكون الوصفة واضحة مع أخلص تحياتي لكن حبيباتي

اقتباس:

المشاركة الأصلية كتبت بواسطة ryhem 16

الى أخواتي العزيزات دائمة الحمد و بشرى و الى كل ألي طلبت وصفة الوردة المنقوشة تفضلنا

اسمحلولي ما عنديش صور مراحل التحضير لكن راني درت الطرافيك بعجينة فيها غير فرينة + ماء للشرح فقط (ههههههه أختي دائمة الحمد ياك تشفاي حكاية البيتزا

)

المكونات

العجينة
هذه المقادير تقطع كمية كبيرة و اذا حبيتي أقسمي على 2 أو 4 المكونات

المقادير

400 غ مارغرين طرية (ماما أديرها بالسمن و جي روعة)

2 كيسان سكر غلاص(كأس= 250 مل)

كأس مايزينة (نشاء)

2 باكي خميرة حلوة

لافاني

قرصة ملح

8 صفار بيض

فرينة حسب ما تتلملك لعجينة

الحشوة

الحشوة اختيارية تقدري ما ديريهاش(شخصيا أغلب الحلات ما نديرهاش) و مكونتها هي حلوة الترك أو مكسرات (حبات جوز مثلا)

للتزيين

عندك اختيارين

الأول سكر الغلاص + معجون الفراولة (أو معجون المشماش + عطر الفراولة + ملون أحمر)*

الثاني أنصاف حبات الكرز المصبر(les cerises confites )

التحضير

خلطي في صحن صفار البيض + خميرة الحلوة (خلط الخميرة مع سائل يفقدها نصف وظيفتها و هذا المطلوب باش ما تطلعش الحلوة بزاف و تحافظ على شكلها الجميل)

في وعاء ضربي المارغرين بالباتور + سكر غلاص(يمكن هذه العملية أديريها غير باليد )
زيدي قرصة الملح + لافاني
ضفي خليط الصفار مع الخميرة
و في الأخير ضعي المايزينة مع الفرينة حتى تتحصلي على عجينة تكون طرية شوية و ماشي يابسة

أدهني قوالب الديزيات و رشيهم بالفرينة (كاين عدة أنواع من القوالب لكي الاختيار المهم تكون عالية في الارتفاع )

أعملي كور كما تاع لمشوك
اذا حطيتي الحشو ألي هو حلوة الترك أو حبة من المكسرات أغلقي جيدا عليها و عاودي كوريها

ثم حطيها في المول ألي يكون مدهون و مرشوش بالفرينة و سوي السطح مليح باش اتكوت الحلوى على مستوى واحد(زعمة خبيت صبعي و وريتلكم بيد الملعقة هههههه)

ثم أغطسي أصبعك في الفرينة و أعملي حفرة في وسط الحلوى(ما تضغطيش حتى قاع المول حتى وسط حبة الحلوة فقط)

أحكمي النقاش و نقشي ساير داير (tout autour)تبعي حسب براج المول

عاودي أضغطي في الحفرة بواسطة الأصبع باش تأخد الشكل الجميل

أدخليها للفرن المسخن مسبقا

كي أطيب رشي على الحلوة السكر غلاص بواسطة المصفاة
بعدها ضعي حوالي ½ ملعقة قهوة من معجون الفراولة في وسط الحبة(مكان الحفرة)

و تقدم

بالنسبة للنوع الثاني

أنقشي و تركي الوسط دون نقش(أملس)

و حطي في الأخير نصف الكرزة المصبرة ألي تكوني غطستي أسفلها في بياض البيض باش يثبت خلال الطهي

بعد الطهي حطيها في des caissettes و قدميها (بلا ما ترشيها بالسكر غلاص)

هنا خلاص الترافيك ههههههههههههههههههههههههههههههه خسارة عندي غير صور نهائية للنوع الأول

نتمنى الوصفة راهي واضحة للجميع

شهية طيبة للكل

ريهام ربي يكملك بكل لي تتمنيه في الدنيا
في موازين حسناتك ان شاءالله

ryhem 16 · 2014-02-01, 16:30

اقتباس:

المشاركة الأصلية كتبت بواسطة oum anas 69

حبيباتي هاني جبت لي تارت تاوعي مازالو سخونين

عزيزاتي لهنى و ريهام ومنال و كل لي رحبو بيا شكرا غالياتي
إلهام يايما الحنانة كنتي أديري كل هذا في صغرك كبرتي روحك قبل الوقت ...... ههههههههههه و الله غيرصح ي تارت خدمتهم فوق القلب في الليل وزيد هبلوني أولادي يتهاوشو بزااااف .....طريق السلامة حنونة
ريهام هزي هاذو الوصفات و دريهم مواضيع في قسم الحلويات باش جميع الأخوات يستفادو و يعطيك الصحة حلويات فوووووووووور
أم ياسو أم ماجد أم كوثر أم رامي ساندي أم يسرى و جميع المغتربات إنشاء الله يكونو بخير

حبيبتي أم أنس الله يخليك و الله أكبر عليك و ألفففففففففف شكر ليك أختي
و التهليل و الترحاب تاع الدنيا الكل قلال عليك
يهبلوووووووو تارتاتك تاع التفاح
الله اسلم يديك