جزء 55من واش طيبتو اليوم تفضلو

lyzzabel · 2014-01-31, 16:26

بنات كاين واحد الطريقة تاع دجاج فالفرن ويجي تاني محمر من كل جهة و البنة رووووعة أحسن من التوابل لي يتباعو إذا بغيتو نحطها لكم حبيباتي

بريق الامل& · 2014-01-31, 16:34

اقتباس:

المشاركة الأصلية كتبت بواسطة lyzzabel

بنات كاين واحد الطريقة تاع دجاج فالفرن ويجي تاني محمر من كل جهة و البنة رووووعة أحسن من التوابل لي يتباعو إذا بغيتو نحطها لكم حبيباتي

حطي حطي مول الخير ما يشاور

lyzzabel · 2014-01-31, 17:14

اقتباس:

المشاركة الأصلية كتبت بواسطة بريق الامل&

حطي حطي مول الخير ما يشاور

ههههه ok حبيبتي ما يكون غير خاطرك

نقي دجاجة و قطعيها أو اشري قطع الدجاج لي تبغي و خليهم يقطرو
ديري في وعاء نص م ص كركب أو كركم نص م ص راس الحانوت نص م ص فلفل اسود ملح حسب الرغبة م ك قصبر مقطع زوج م ك عسل عصير نصف ليمونة ثوم مهروس م ص فلفل احمر حار كأس ماء
اثقبي بالموس أطراف الدجاج فرغي فوقهم لاماغيناد ( la marinade) و حطيهم فالثلاجة يتشربو على الأقل 4 سوايع
في صينية الفرن ستفي أطراف الدجاج و فرغي عليهم لاماغيناد تاعهم ضيفي شوية ماء إذا يخص و شوية مارغرين باش تعطيه لمعة غطي بورق الألمنيوم و إلى الفرن على 200 د وقبل لا تخرجيه ب 15 دقيقة نحي الألمنيوم و خليه يتحمر و ما تنسيش ساعة ساعة تسقيه بلاصوص تاعه مممممم
ملاحظة : تقدري توجديه فالليل و الغدوة من ذاك ديريه ولا توجديه الصباح و طيبيه للعشا والله بنة لا تقاوم ولون راااااءع جربوه ما تندموووووش و شهية طيبة

lyzzabel · 2014-01-31, 17:29

بناااااات مارديتوش على الاقتراح لي حطيته الصباح ولا ما عجبكمششششش