لكل استفساراتكم حول الرقية و الرقاة و المس و السحر [نحن في الخدمة ]

[نجوى لحلوة]

السلام عليكم ورحمة الله وبركاته
عمتي عندها شهر كامل وهي تتعذب قالونا طاحت فوق البالوعة وفي يدها القاطو من تم حست روحها مش نورمال دارتلها السخانة بعد يومين وطلعلها السكر تاعها حتى ل 6 غرامات و44 مبعد كي راحت لوحد العرس عيطتلها عمتي الاخرى تسقسي عليها قالتلها او عطاني الراجل الاكحل وحد الحاجة وكليتها خلاص المهم جرينا بيها وجبنالها شحال من راقي بصح كل واحد وش كانت تدير معاه واحد ترقد خلاص كي تشوفو والتاني هو يهدر وهي تسمط فيه مبعد هو ناض وهي قالتلنا ازربو هزو عليا الكرسي -لي كان قاعد فوقو الراقي - مبعد ديناها لعنابة درنالها lirm
قالونا عندها مينانجيت يعني التهاب في المخ بصح البارح وهي في السبيطار حطينالها سورة البقرة في التيليفون قالتلنا طفيو عليا الزبل هذا -يا رب اغفرلنا- ومبعد قالتلنا جيبولي واحد نظيف صفيوه وجيبوه وكامل لي يشوفو فيها تم قالو راهي تع رقية والاطباء قالونا عندها مينانجيت بصح حيرتهم مناه ما عندهاش السخانة قالونا اول مرة جاتنا حالة هك فهموني هي تحتاج يعني لرقية او لا
وكنت واقفة انا وابنها قدامها ونحكيو قلتلو ممكن يكون لي ساكنها هو لي راهو يخدم فيها هك وهي دارت لينا وقالتلنا خليوه سر بيناتنا ما تقولو لحتى حد

واجر الجميع على الله تعالى