الجزء 50 منواش طيبتي اليوم نعم للريجيم - الصفحة 45

oum ibrahim · 2014-01-12, 09:37

صباح الورد على الملتحقات ام محمد ام امنية ام ماجد روضة ام ياسين زهرة نهاركم مبروك
ام محمد ربي يحفظلك الوالد من كل شر يا رب و يرجعهولكم بالسلامة
انا رايحة نسخن محجوبة بقاتلي و نروح نوجد واحد الحاجة للمولد كي توجد نجيبهالكم
ام ياسين انا تاني مانديرش العشا يحبو غير الخفيف بصح في الغدا نتاع المولد نديرو كسكس باللحم

nihale89 · 2014-01-12, 09:38

صباح الانوار حبيباتي واش راكم
راني حايرة مع الغداء مانعرف واش ندير
اللوبيا والعدس درتهم مافهمتش

Oum yousra · 2014-01-12, 09:39

صباحكم عسل يا أحلى عسولات

omomnia15 · 2014-01-12, 09:44

رايحة ندير صبيعات الجاج بالروز والصوص حمرا ندور دورة شويييييييييية طويلة ونولي

tokio hotel · 2014-01-12, 09:49

[SIZE

zfصباح الخير عليكم كامل انشاء الله تكونو بخير و بصحتكم واش طيبتو رانى معولة على المقرونة بشكل جديد و عندى راس شفلور ما صبش الكريمة باش نجرب انتاع ام محمد تاج

[/SIZE]

قطيطوشة · 2014-01-12, 09:54

مبروك الكوزينة الجديدة ربي يجعلخا عامرة

أم إناس · 2014-01-12, 10:02

صباح الفل و النور اخواتي ونهارك مبارك

Oum yousra · 2014-01-12, 10:09

اقتباس:

المشاركة الأصلية كتبت بواسطة المعتزة بديني

الله يمسيكم بالخير
توووحشتكم حنوناتي
كنت شوية مريضة والحمد لله
إن شاء الله كامل تكونو ملاااح
هاني جبتلكم شوية مادلان وقاطو
بااروك

وبصحتكم

اممممممم يعطيك الصحة هايلين

اقتباس:

المشاركة الأصلية كتبت بواسطة awladi

ana jadida makoum rani frhana

مرحباً بيك معانا أختي

اقتباس:

المشاركة الأصلية كتبت بواسطة zahra30

يعطيك الصحة و بصحتكم حنونة

اقتباس:

المشاركة الأصلية كتبت بواسطة ام الهضاب

دائمة الحمد هاهو البعطوش

امممممممم القرنينة هادا شحال 11 سنة ماكليتهاش إحنا نحيوها من الأرض نقشروها و نغسلوها و نأكلها هاكاك يعني بلى ما نطيبها وبنتها تشبه شويا القرنون

اقتباس:

المشاركة الأصلية كتبت بواسطة أم محمد تاج

أحلى صباح غالياتي ونهاركم مبرووك وتسلم الأيادي
حنونتي وسوومة روووعة عشاك وبصحتكم والكيك الملفوف راه تاع سلطانة مايش تاع أم نور الدين راه وقع لبس هههههههههههههههههه وربي يعاونكم في على العرس
لهاليبووو ولبنات راهي حطت مرت خويا الرولي لي قلتلكم شوفوه هباااال وراني ذقتوووووو مممممممممممممممممم

وااااو خرج لها روعة يعطيها الصحة

اقتباس:

المشاركة الأصلية كتبت بواسطة أم ياسين الزهراء

ام محمد ماشمختاهش في الليل وزيد راح يجيبلي هدو اليومين الذيل تاع العجل نديرها بيها تعرفيه بنين بزاف

يميم ام ياسين الزهراء قولو يجيب زوج وفليكسيلي واحد نموت اعليه مع البربوشة الكسكس

ام نوردين · 2014-01-12, 10:11

صباح الخير عليكم كامل وربي يدوم علينا الصحة انشاء الله
صباح الفل ام ايناس

أم إناس · 2014-01-12, 10:14

صباح الفل والعسل ام نوردين حنونة
ام يسرا وشراكي صباحك نور
راني درت عجينة الرشته وراه ترتاح

ام نوردين · 2014-01-12, 10:17

اقتباس:

المشاركة الأصلية كتبت بواسطة ام الهضاب

دائمة الحمد هاهو البعطوش

صباح الخير ام الهضاب القرنينة شريتيها ولا انت النحيتيها
والله سخفتينا بيها

ryhem 16 · 2014-01-12, 10:23

صباح الخير يا وجوه الربح
عام سعيد بمناسية يناير و كل عام و أنتم بمليييييييون خير
كيف أحوالكم يا الغاليات و شراه السبع تاع حبيبتي المازة
راح ديما يتبربر في التتبيله راه قرب المولود هههههههه

ندبر عليك ديري بيه منتوج جديد و سميه "جامبو سبع" ههههههه
حبيبتي راني غير نضحك برك الله يسعدلي صباحك

أختي العزيزة أم الهضاب واشراكي نتمنى تكوني ديما بخير
راني جبت الوصفةتاع "حلوة النقاش"

المقادير

1 كغ فرينة(أقسميها على 3كيلات)

1كيلة سمن طري ناقصة 2 أصابع و كملي الكيلة بالزيت

1باكي خميرة كميائية(نوارة)

100غ نشاء

250غ سكر عادي

لافاني
قرصة ملح

1كأس ماء زهر

قشور القارس

الحشوة

التمر

شوية سمن

ماء الزهر (يعطي ريحة زكية و خاصتا يعطي طراوة للتمر و ما يخيه ييبس في الفرن)

التحضير

في اناء حطي السكر العادي+ماء الزهر+قشور القارس و خلطي بالملعقة ثم أتركيه على جنب....(1)
حضري الحشوة و شكلي حرابش صغار
في وعاء أو قصعة ديري الفرينة المغربلة+ملح+لافاني+النشاء+الخميرة الكيميائية و خلطي باليد
أضيفي ليدام و خلطي مليح

و في الأخير أبدي ترشي الخليط ب المزيج رقم (1) ألي هو السكر+ماء الزهر مع القارس بدون عجن استعملي غير أطراف الأصابع sinon العجينة راح توليلك ماشي هشوشة بل elastique ..شوفي نحي من العجينة و أضيفيها من الفوق هكداك راح تتشربلك السائل ألي راكي أضيفي فيه كما في الصورة
ما شي شرط أتكملي كل الخليط رقم(1) هذا حسب نوعية الفرينة المستعملة

شوفي كيفاش أتكون العجينة

شكلها كور ثم خليها ترتاح في كيس بلاستيكي لبعض الدقائق هذا قانون العجائن ألي فيهم ماء هههههههههههههه

حلي لعجينة و تكون رقيقة ثم ضعي الحربوش الرقيق و لوي أو دوري عدة مرات حتى تتحصلي على الحجم ألي حبيتيه لكن ما دريهش عريص بزاف خطارش راه فيه خميرة تاع الحلوة+ كمية مليحة تاع ليدام

الغلقة ديما أتكون من التحت كيما السكندرانيات
قطعي الزوائد تاع الحربوش ثم شكلي اساور و ديري فتحة في كل طرف من الحربوش ديلك

لاقيهم مع بعضاهم و أغلقي مليح كيما في الصورة

ثم أبدي النقش حسب الرغبة..أنا عن نفسي كيما راكم أتشوفو ما نعرفش مليح لكن ماما ربي يحفضها professionnelle ..
بالنسبة للنقاش كاين أنواع كثيرة ..أستعملي تاع الحديد..و أستعملي ألي حجمو صغير هو الأفضل..الكبير حنا نستعملوه مثلا للمشكلة و و صفات أخرى انشاء الله نشارككم بيها في اللأيام المقيلة

اذا خفتي من الأحسن متنقشيش غير أتكملي الحبة بل حتى أتكملي قيس سنيوة تاع الفرن ثم أبدي تنقشي
و أيضا رمدي النقاش نتاعك في شوية فرينة باش ميلصقلكش في لعجينة (أنا عن نفسي مندرهاش لكن هدي نصيحة فقط)

والله متعة كي تكوني تخدميه و خاصة كي تكوني تكلي فيه هههههههههههههههههههههههههههههه

حطي الحبات في صحن الفرن المدهون ولا ديري ورق الطهي
سقمي الحبات باش أجي شكلها دائري و جميل يعني شوية trafic هههههههههه

الفرن يكون مسخن مسبقا على درجة حرارة متوسطة 180ْ

هاهو شكلو النهائي

نتمنى تكون الوصفة واضحة و أيضا النصائح مع تحباتي لكي أختي أم الهضاب و لكن أيتها الغاليات
نهاركم مبروك

ام نوردين · 2014-01-12, 10:26

لبنات تعيشو كانت وحدة نسيت اسمها حطت كيفية تاع ماقارون تاع الارقام عندى باكي وحبيت نطيبوا ومنالصباح وانا نبحث ومالقيتهاش وماتفكرتش اسم الاخت العلابلها تقولي بليييييز

lahna moka · 2014-01-12, 10:26

صباحكم مبارك حبيباتي
اليوم يناير و حنا عادة القبائل في بجاية عندنا يديرو كسكسي بالفول و بغرير
راني رايحة نعاون ماما و ندير بغرير تاع ام تاجو يا ربي يصدقلي

lahna moka · 2014-01-12, 10:31

أم تاج تعيشي حبوبة الخليط نخليه يخمر و لاّ لالا