الجزء 50 منواش طيبتي اليوم نعم للريجيم - الصفحة 13

أم ماجد · 2014-01-10, 21:55

الهام قوليلي لماماك اديررلنا رفيس قسنطينة موضوع ونعطيها عضويتي ادير بيها ماكانش مشكل من بكري نحبها

ام الهضاب · 2014-01-10, 21:57

المازة مبرووووك الكوزينة و الرجيم ليك برك احنا حطيلنا البناااني نوكلووووو و إلا امبعد انقطعو فيك و انقولولو ما قمتيش بنا

ام نوردين · 2014-01-10, 21:57

اقتباس:

المشاركة الأصلية كتبت بواسطة دائمة الحمد

مساء الخيرات ام نورالدين حطيتلك الوصفة في الصفحة1 شفتيها

مساء النور عيونى صحيتى لككن اليشفتها عند هديك المخلوقة كويرات ومحشىة شييكولا المفهمتوش هو العجينة بانتلى مختلفة

lyzzabel · 2014-01-10, 21:59

اقتباس:

المشاركة الأصلية كتبت بواسطة دائمة الحمد

بصحتك ليزابل المقلي
مانطيبوش دائما سي السيد كي نعملوا يحسبني
سقدتوا

والله حتى أنا ما نبغيش بزاف القلي غير مين تبحر لي برك

omhadil · 2014-01-10, 22:00

الهام رفيس باين مليح دريه موضوع

omomnia15 · 2014-01-10, 22:06

يعطيك الصحة الهام اعطيني غسات لكراب

ام الهضاب · 2014-01-10, 22:08

قراتان بطاطا مع جاج محمر و سوفلي نينا فرات

دائمة الحمد · 2014-01-10, 22:12

اقتباس:

المشاركة الأصلية كتبت بواسطة lyzzabel

والله حتى أنا ما نبغيش بزاف القلي غير مين تبحر لي برك

راهي نص الكتيبة ما فاتتش راني قلتك نموت على المقلي غيرالله غالب حكم القوي

دائمة الحمد · 2014-01-10, 22:13

اقتباس:

المشاركة الأصلية كتبت بواسطة ام الهضاب

قراتان بطاطا مع جاج محمر و سوفلي نينا فرات

تسلم ايديك ام الهضاب طيابك روعة

دائمة الحمد · 2014-01-10, 22:14

ام نورالدين اسفة ممكن وصفة اخرى لكن نفس الشكل

إلهام07 · 2014-01-10, 22:14

أولا : شكرا حبيباتي هذا من ذوقكن
والله غير نجرب الحاجة ويجيني تانيب ضمير نحبكم تعرفوها إذا كانت مليحة باش جربوها وإذا كاين نصائح باش ماتغلطوش كيفي نقوللكم
هذيك القهوة عندي من الصيف وانا نلبز في جدها هههههههههههههه وبصراحة ماكنتش رايحة نقول عليها بصح جاني تانيب ضمير قلت لازم يذوقو البنة حتى هوما

الرفيس راهو اختصاص ماما بدون منازع وعدتني الصباح قاتلي المرة الجاية ديريه انت راهو في القائمة ووعدتني تعطيني سر المهنة صح واحد مايديرو كيفها مايجيش معجن يجي هشوش والبنة ثاني واحد مايديرو كيفها

ام ماجد حببيتي مافهمتش علاه جاتك ماكلتي صامطة وععععععععععععع واش درتلك ولا كي ماحطيتش بربوشة الحليب هههههههههههههه؟
حقة ماما خاطيها الطوايش نتاع الميكرو ماتعرفش

الاخت اللي شفتها حارت في المطلوع كي يدخل للثلاجة ( لامية ) عزيزتي انا عجينة البيتزا نحطها في الثلاجة عادي ماتخافيش خي تخرجيها وتدفى تطلع نورمال

ام نوراليدن شفتك تسقسي على الياوورت ماكانش أتفه منو انا نديرو ملي كنت مراهقة شوفي وصفة بسيطة جدا وفي دقيقة وانت من بعد تحبي تغيري في الاذواق ولا تزيدي فواكه او عطور او ملونات هذيك حاجتك :
انا ندير لتر حليب من الاحسن بقري وغذا تحبيه ثقيل زيدي ذوبي فيه زوج ولا ثلاث ملاعق حليب بودرة وفيضيه ومن بعد خليه يبرد كي يرجع دافي خلطي فيه علبة ياوورت أي ذوق هذيك العلبة الطويلة ماشي الممزوج وديري السكر حسب الذوق وحركيه مليح حتان يذوب وديريه في علبة واغلقي عليه وحطيه في مكان دافي يبات الصباح تلقايه بلاكة وحدة وتمتعي
تحبي تقطعي فيه فواكه أو تغير كيما تحبي واللله ولا أسهل من الياوورت

omomnia15 · 2014-01-10, 22:19

تعيشي الهام غسات هذوك لكراب

ام نوردين · 2014-01-10, 22:23

اقتباس:

المشاركة الأصلية كتبت بواسطة ام الهضاب

قراتان بطاطا مع جاج محمر و سوفلي نينا فرات

بصحتك واش طيبتى كلشى يشهى ما شاء الله

إلهام07 · 2014-01-10, 22:31

حبيباتي هذا رابط الشفلور :
https://www.djelfa.info/vb/showthread...362108&page=30

وهذا رابط الكراب :
https://www.djelfa.info/vb/showthread.php?t=1227014

هههههههههههههههه ام عبودة تحبي نفليكسيلك شوية شحمة ؟ ههههههههههههه راهو الخير بزاف والحمد لله

حبيباتي كنت نراجع في الأرشيف ماشاء الله عليكم بصح تبانلي راكم دورتوها غير حلويات
واهلا بالوافدات الجدد معانا
بصحتكم واش طيبتو كاااااااااااااااااااامل

ام ماجد قوليلي واش من سميد درتي بيه المحاجب وعععععععععععع عندنا ةقريب عام السميد اللي نجيبوه حاشى النعمة كي الرمل

ام نوردين · 2014-01-10, 22:33

ميرسى الهام والله علبالي بلى وصفة ساهلة لانى خدمت ال اصعب منها والحمدلله نجحت فيهم ولكن الشىء البسيط يخوفنى لانى مانامنش بلى ساهل لهده الدرجة نحس بلى فيه غدعة على هدي نخاف نجرب الشء الساهل
مثلا كىكة قدرة قادر اول مرة شفتها خدمتها ونجحت فيها من اول مرة هي و الميلفاي وحوايج بزاف