ساعدوني: 3 مسابقات في يوم واحد ماذا أفعل

فرناس وهران · 2014-01-09, 07:50

سبحان الله حدث معي نفس الامر في مارس 2012
ثلاث مسابقات 2 على اساس الشهادة وواحدة اختبار هل تثدق انني دخلت اليهم كلهم :
مركز الامتحان الكتابي دائما يبدأ على 09:00 تركته الثاني :
دخلت مسابقة مفتش رئيسي للضرائب على الساعة 08:40 دقيقة و خرجت حكمت طاكسي وصلت على 09:20 كان مر من الوقت 20 دقيقة بصعوبة قبلوني دخلت و كان الموضوع ثقافة عامة جوزت بسرعة و خرجت على 10:30 حكمت طاكسي و صلت على 10:55 دقيقة دخلت جوزت المسابقة تع ملحق ادارة عادي
لكن المشكل عندما رجعت للاختبار تع التخصص ما خلاونيش ندخل دخلت روطار بـ 20 دقيقة و قالولي ماخلصتش الصباح و المحاسب راح.
و النتيجة لم انجح و لا في واحدة ههههههههههههههه
مكتوب الله الانسان يسعى و يتسبب .

elsaker · 2014-01-10, 19:41

اقتباس:

المشاركة الأصلية كتبت بواسطة فرناس وهران

سبحان الله حدث معي نفس الامر في مارس 2012
ثلاث مسابقات 2 على اساس الشهادة وواحدة اختبار هل تثدق انني دخلت اليهم كلهم :
مركز الامتحان الكتابي دائما يبدأ على 09:00 تركته الثاني :
دخلت مسابقة مفتش رئيسي للضرائب على الساعة 08:40 دقيقة و خرجت حكمت طاكسي وصلت على 09:20 كان مر من الوقت 20 دقيقة بصعوبة قبلوني دخلت و كان الموضوع ثقافة عامة جوزت بسرعة و خرجت على 10:30 حكمت طاكسي و صلت على 10:55 دقيقة دخلت جوزت المسابقة تع ملحق ادارة عادي
لكن المشكل عندما رجعت للاختبار تع التخصص ما خلاونيش ندخل دخلت روطار بـ 20 دقيقة و قالولي ماخلصتش الصباح و المحاسب راح.
و النتيجة لم انجح و لا في واحدة ههههههههههههههه
مكتوب الله الانسان يسعى و يتسبب .

تعجبني اصاحبي فرناس تحياتي ليك وربي يجيبهالك في الصواب تستاهل كل خير ربي يوفقك ان شاء الله

فرناس وهران · 2014-01-10, 20:55

اقتباس:

المشاركة الأصلية كتبت بواسطة elsaker

تعجبني اصاحبي فرناس تحياتي ليك وربي يجيبهالك في الصواب تستاهل كل خير ربي يوفقك ان شاء الله

هههههههههه بارك الله فيك
الحمد لله راني نجحت في مسابقة و راني نخدم مؤقتا ريثما نريح شوية و نعاود نبدا من جديد.
شوف حطيت في مسابقة بمديرية بـ البكالوريا و حطيت بـ الباك+2 و حطيت بالليسانس كلهم على اساس الشهادة
الباكالوريا و و باك+2 كانو في نفس اليوم و في مكتبين مختلفين في نفس الادارة يوم المقابلة و الليسانس كانت في يوم اخر .
ما نجحتش في الليساني و ما نجحتش في الباك لكنني نجحت في الباك+2
كنت داير في راسي ننجح بامل كبير في منصب البكالوريا لان عدد المشاركين 8 و المناصب 3
لكنني نجحت في منصب فيه عدد المشاركين بزاف المناصب قليلة.
الانسان يتوكل على الله و يزن نيته في اي مسابقة .