-- حملة تنقية المنتدى ... (ساهم في ترقية قسمك)

[سَـآجدة]

المشاركة الأصلية كتبت بواسطة مريم الصابرة

السلام عليكم ساجدة
لأول مرة لن اتفق معك في هذا اتعلمين لما لأنو هنا داخلة فالنيات هل الصورة عندها علاقة بالتدين اكيد لا اختي وعلاه كيما قال نيفانس اللي داير دعاء ومصحقف وكذا شرط يطون صح مدين لالا اختي الإيمان والتدين علاقة العبد بربه وقولك واش حابة الفتاة هذي في تفكيرك إنت الفتاة اللي تقولي تحط صورة للرجال او عندها غرض وعلاه ما ترحش لأرض الواقع واش راحا تستفاد منا لا أختي راكي غالطة كوني مثلا نتبع فنانة ما ونحط صورتها انا مدينة او لا حرام او حلال الامر راجع ليا شرط أني ما نتعداش الحدود ونفتن غيري ونظن الصور بما إنو حرام اللي تقولي عليها الإدارة هي تمنعهم وبما إنو سمحولهم هنا يعني عادي ولاحظت صور لبنات فالتوقيع عادي يعني إحنا نبالغو الحلال والحرام إحنا شاطرين فيه اما نطبقوه لالا
وانا برأي كاين بزاف امور هنا راهم يديرو فيها البنات اما الرجال والله نشوف فيهم إستعقلو وما راهم يديرو والو على العكس كنا محترمات عاملونا بكل إحترام انا نشوف يا ريت مشكل البنات اللي راهم يجرو ورا الأعضا وتبهديل عيني عينك على الهواء مباشرة يعني ولله نحير في عضوات تخير عضو تبقى وراه وراه حتى يهبل او هو يخرج يسمح فالجمل بما حمل هنا انا نشوف فيها عيب يعني حتى او عضوة تعجب بأسلوب عضو وتفكيرو ونقاشو تشارك عند الجميع حتى ما تخليش الكل ينتبه فيها اما تبقى لاصقة في عضو كخيالو هنا فعلا تدخل كزائرة وتشوف نفسها دور غير عند فلان هنا صح كارثة اما الصور والتوقيع امور نسبية ما تقدريش تقولي لعضوة من صورتك راه عندك سبب معين اخلاقي او غير أخلاقي
شكرا واتمنى تكملي سلسلة تنقية المنتدى ونعالجو المشاكل هذي بارك الله فيك

سامحيني مريم
لكن صدقيني بعض قوانين المنتدى أصبحت على الهامش
اقرئي هاذي ورديلي بالخبر

- ممنوع نشر الصور الدموية أو التي بها ما يفزع، و المخلة بالدين و التي تحتوي على مخالفات شرعية، أو الصور التي تخالف الآداب العامه و الذوق العام، وتمنع صور النساء بأنواعها في المشاركات أو التواقيع ... و يمنع إرفاق صور تحتوي على تماثيل أو خمور أو موسيقى وينطبق ذلك ايضا على صور التواقيع ...

- يمنع منعا باتا استخدام صور الفنانين و الممثلين و المغنين في الصور الرمزية وصور الملف الشخصي وصور التواقيع

- يمنع منعا باتا نشر صور النساء ، أو صور فيها اغراء (مثل صور الوجه و العينين...) في الصور الرمزية وفي صور الملف الشخصي وصور التواقيع ....

والفكرة التي تحدثتي عنها في الأخير هي موضوع نقاشنا في الجزء الثآني
إن شاء الله