شوفي اختي درك نعطيك نتاع القبايل نتاع الصح والطريقة الصحيحة
6 بيض واحدة خميرة القاطو لافاني مغرفة كبيرة ماشي معمرة بزاف نتاع فرينة
الطريقة هي الصح اذا ماعرفتيش تخدميها ماتجيكش خفيفة
تشدي 2 حبات بيض تفرغيه في طبسي وتزيدي تفرغي الفرينة والخميرة والفانيليا ورشة ملح برك وتخلطي مليح مليح بالفارشيطة حتان يذوبو مع بعضاهم مليح
منن بعد زيدي كسري البيض اللي بقالك على خطرة بصح هنا طريقة الخلط تختلف تخلطي غير قيس مايتحل البيض ويترون مع المقادير السابقة وغير بلعقل بلا ماتضربيها حتان تولي كي الما غير شوية برك يسيح الاصفر نتاع البيض حبسي التخلاط
ونروحي للزيت ديري مقلاة خليها تسخن مليح مليح وفرغي فيها مغرفة كبيرة نتاع زيت ونقصي عليها النار لازم تكون قليلة بزاف
فرغي الخليط نتاعك وغطيه
ماتنسايش النار لازم تكون قليلة بلبزاف ولا ديري حديدة من التحت المقلاه باش ماتتحرقلكش
وماتفتحيش عليها الغطا حتان تولي تشمي ريحة الطياب وكي تفتحي تلقايها تنفخت بزاف وتكون ناشفة من الفوق تقريبا واحد 20 دقيقة بالاك اقل اقلبيها وخليها تتحمر من الجهة الثانية وبعدها بصحتك عسليها ولا كوليها هكذاك كيما حبيتي
هذي هي طريقة القبايل واشنو هوما مايديروش لافاني انا نديرو خاطرش ريحة البيض مزعجة
( تقرير عن مشاركة سيئة )، و الموجودة أسفل كل مشاركة .
2013-12-24, 14:26
العرض المتطور
