كيف تقتصدين في حياتكي اليومية.موضوع متجدد

[ام ظافر]

المشاركة الأصلية كتبت بواسطة souma.sousou

صباح لخير على وجوه الخير...........راني قريت واستفدت من بعض الافكار او التدابير.....ولكن انا عندي مشكل بالنسبة ليا كبيييييير......نحكيلكم ظروفي باه تفهموني ونشاله تعونوني.......
زوجي يخلص..4ملاين و400الف......عندي 4 اولاد.........راجلي مايحبش الجاج خلاص لوكان نطيب بيه مايكلش.ويموت على اللحم ومايكولش طياب بلا لحم..........الكهرباء متجيش اقل من 300 الف مع اني نستحفظ فالليل لازم مصباح واحد لي يشعل.....كي نشعل فالكوزينة نطفي فالبيت..........والعكس..........الكراء 200الف.......الماء 60 الف ..التليفون والانترنات..منقدرش بلا بيهم.......مع اني منستعملش الهاتف.............ولادي يتقلشو ويتشرطو فالاكل....يحبو دايما بيزا او غراتان ابوهم يحب المرق..وانا راني قريب نهبل..والكارثة .الدين كان فيا 20 مليون سلكت 10 ملاين وبقات عشرة وراهي فالارتفاع ...كنا متفاهمين مع صاحب الدين كل شهر نعطوه 2 ملاين ..ومن رمضان معطيناهش دورو.........راني حاصلة سلكوني ربي يسلكم من هم الدنيا والاخرة..........نزيدكم حاجا معنديش دوش فالدار كيفا نوفر باش نخدمه.

مافهمتش حاجة قلتي الكراء ب200الف من جيهة تقولي تحبي تخدمي الدوش في دار خاطياتك او انا الي مافهمتكش
اذا المنزل خاطي تاعك تكري فيه فقط وما نظنش كاين كراء ب200الف الان في هذا الوقت نقولك اخدمي الدوش من حق الكراء لانك راح تخليه لما تخرجي يعني نقصي حق الدوش من حق الكراء
اما اذا كراء حاجة اخرى الامر يختلف
اختي قلتي انو فيك الدين وانتي مخبية 3ملاين للدوش نصيحة مني الدنيا فيها حياة وموت روحي ادفعيهم للدين وخلي فكرة الدوش لما تخلصي دينك واصري انك تخلصي الدين يعني تبقالك غير 7ملاين ادفعيها على 3اشهر وزيري شوي على روحك وعلى الاولاد واتهناي من الدين راهو هم على القلب
لما تتهناي من الدين ساعتها نحي من كل شهرية 2ملاين خبيهم للدوش وكانك مازال عندك الدين ما تحسيش بزاف بفرق في المعيشة
واصلا زوج ملاين و400الف الباقية تعيشك في حالة متوسطة لما ما يكونش العيد والدخول المدرسي ورمضان والصيف وهبال التبوريكات تاعو وووووووو
اللحم اذا شرط طيبي بيه ديما خاصة مرق زوجك حطي قطعة واحدة فقط للطعم وماشي شرط تاكلو اللحم كل يوم المهم الطعم تاعو في الاكل لازمك تقتاصدي شوي حتى تقدري تمشي الحالة
اما الاولاد راهم صغار الان تقدري تكلحيهم حاولي مثلا لما طيبي مرق جلبانة لباباهم تنحي طرف منها وزيديها بطاطا مقلية وجبن وبيض وانتي من طبق واحد تعملي مرق للزوج وغراتان للاولاد بنفس قطعة اللحم
الكهرباء راكي تخلصي بزاف ممكن من استعمال الكمبيوتر اكثر شيء
المهم كل شيء عليك اختي اولها حتمي على زوجك تخلصو الدين والباقي ساهل ان شاء الله وربي يكون في عونك ويباركلك في مالك واهل بيتك