مشكلتي ......بعيدا عن الدراسة

[max8]

نعطيك فكرة بالاك تساعدك
ولك الحق بالقبول أو الرفض
اختاري بين أمرين إذا كان كلامك معه أو جلوسه خلفك أو أن تدرسا معا مفيدا لك و انقطاعه هذا سيعود عليك بالمضرة فهناك حل
و إن وجدت أنه + - يعني مايزيد ماينقص كمجرد شخص عادي تهدري معاه و لا لالا كيفكيف ننصحك تنحيه من بالك وتهني راسك و علابالي بيك على خاطرش أنا ثان عندي عزة نفس كبيرة بزاف


إذا كان خيارك أن تبقي معه كإخوة أو زملاء
لازم تعرفي سبب المشكل ومن ثمى ستجدين الحل بالقضاء على المشكل من أساسه
ولكي تعرفي المشكل بداي من روحك و تفكري بالاك بلا ماتحسي قلتيلو هدرة ماعجباتوش و لا توشاتو من الداخل بالاك درتيلو جاست موش مليح وهو عندو عزة نفس و مايقبلش
2- بعد ماديري كل الإحتمالات سقسيه علاه ماهوش يهدر معاك (روحي ليه و انساي عزة النفس نتاعك على خاطرش انتي ماتقدريش تستغناي عليه و سقسيه و سيي تعرفي علاه ) و مبعد سيي تقضي على المشكل

3- كيفية القضاء على المشكل :
المشكل لا يحل بكلمة سامحني
لا ............. علاه ؟
لأننا في عمر المراهقة و هذه المرحلة تعد أصعب مرحلة في حياة الإنسان حيث تعد مرحلة إنتقالية من الصبيانية إلى الشباب
و تكون عند المراهقين بعض العصبية و صعوبة الفهم
مالا نوصيك كي تعرفي المشكل و إذ كان من عندك سيي تحسني الصورة تاعك قدامو
و قولي ماكنتش قاصدة و ماعلاباليش بلي هاذ الحاجة ديرونجيك
و زيدي ارفعيلو من قيمتو ........................
و في الأخير اختميها بكلمة سامحني
فإذا تأثر بكلامك في تلك اللحظة فسيعود لسابق عهده
و إن لم يتأثر فإنك حاولت و سيتذكر كلامك في يوم آخر و يفكر فيه و يسامح

ملاحظة هامة : كي تروحي ليه كوني سييو و ماتضحكيش معاه و مبعد كي تعرفي المشكل و تبداي تحلي فيه ابتاسمي
و انظري دائما في عينيه فإذا أذار وجهه لجهة أخرى فهذا يعني أمرين
إما أنه لا يثق بك أو أنه يخجل منك و من تصرفاتك


آسف على الإطالة و تذكري لك الحق في القبول أو الرفض مع العلم أنني مولود في 1997
مما يعني أنني أصغر منك على الأرجح لذا أنت تعرفين أكثر مني بمصلحتك