طريقة عمل عجينة التزيين - الصفحة 34

aboayoub · 2013-11-26, 14:11

المكونات:
-125 غرام من الشوكولاتة السائلة -125 غراما من الزبدة بدرجة حرارة الغرفة -3 بيضات - 112 غرام من سكر -112 غراما من الفرينة -ملعقة صغيرة من الفانيليا -ملعقة صغيرة من الخميرة -كوب مثلجات بنكهة الفانيليا
التحضير:
1 -...تخلط الزبدة مع الشوكولاتة على حدة، حتى يمتزجا جيدا .

2 -ثم، يخلط البيض مع السكر والفانيليا على حدة، حتى يصبح لون المزيج أبيض.
3 - بعدها، يضاف مزيج الزبدة والشوكولاتة إلى البيض والسكر والفانيليا، مع التقليب بواسطة الملعقة، وتُضاف الفرينة والخميرة، ويخلط هذا المزيج جيداً بواسطة اليد، ثم يصبّ في قوالب «الكيك» الصغيرة.
4 -يطهى في الفرن على حرارة 210 درجات مئوية لمدة 7 دقائق فقط،
لا يجب عدم إطالة مدة الطهي لأن «الفوندان» سيجفّ من داخله ا.

ام اريام · 2013-11-26, 14:24

السلام عليكم ورحمة الله وبركاته جميعا ;إنشاء الله اصبحتي بخير أختنا ام ايوب رانا دوخناك البارح;ربي يعطيك قوة عندو.قلت ادعيولي نلقى الويز;والله عندك خير من المال كله,عندك الرحمةوالطيبةوالقلب الكبير;وهذه نعمة كبيرة ربي يحفظهالك;لخاطر كاين أخوات ما يقدروش يخرجو ولا يسألو كاش واحدة ما تعاونوهمش ولا يحشمو يسألو ,هذا المنتدى جمع ما بيناتنا وكل اخت تعاون بالشيئ الي تقدر عليه,وانت ما بخلتيش و افتحتيلنا بابك,كل هذا ربي يعوضك بيه خير كبير .قولوا آمين.

aboayoub · 2013-11-26, 14:31

اقتباس:

المشاركة الأصلية كتبت بواسطة souma.sousou

امين ياربي الله يفرحنا كاملين...........قوليلي متخدميش الكروشي ....شفتي الصدر لي درناه ورشة خرج تحفة انا ليوم يشرولي الخيط ونبداه..........وراني نكمل المفرش ........بعدما نكمله نحط الصورة تشوفيه....الورد لي كنتي تخدميه بالحاشية انا تاني نحب خدمت الورد ونموووووووووووووووووت على الورد............
حقا قوليلي عندك غير ايوب .انا عندي الاء الرحمان 17سنة و محمد انعام الحسن 12 سنة وفارس ابراهيم 5سنوات وفاتن تسنيم 3 سنوات اخر العنقود الله يبارك.......وانا عندي 36 سنة..........ايه كبرت

الله يبارك ويحفظهملك ويفرحك بيهم وينجحهملك .......العمر كلوا ......والله مازلتي صغيرة ....راكي كي اختي تزوجت صغيرة وجابت طفلة الاولى وزوجتها قالتنا كبرت ههههههههه اعلى المحاين الي شافتهم قالنا بابا منزيدش نزوج لبنات صغار غير يلعبو بيهم كسع صغيرة ولا كبيرة الي معندهاش الزهر معندهاش

شفتي والله تقول نعرفو بعضنا بعض من بكري ......انا عندي غير ايوب برك وراني ناوية ان شاء الله نزيد ....انا عندي 30 سنة

درك نضرب دارة فالكروشي راني غير مع الردود ومالحقتش ..........الورد بالحاشية روعة

aboayoub · 2013-11-26, 14:38

اقتباس:

المشاركة الأصلية كتبت بواسطة ام اريام

السلام عليكم ورحمة الله وبركاته جميعا ;إنشاء الله اصبحتي بخير أختنا ام ايوب رانا دوخناك البارح;ربي يعطيك قوة عندو.قلت ادعيولي نلقى الويز;والله عندك خير من المال كله,عندك الرحمةوالطيبةوالقلب الكبير;وهذه نعمة كبيرة ربي يحفظهالك;لخاطر كاين أخوات ما يقدروش يخرجو ولا يسألو كاش واحدة ما تعاونوهمش ولا يحشمو يسألو ,هذا المنتدى جمع ما بيناتنا وكل اخت تعاون بالشيئ الي تقدر عليه,وانت ما بخلتيش و افتحتيلنا بابك,كل هذا ربي يعوضك بيه خير كبير .قولوا آمين.

وعليكي السلام ...راني صبحت حية مبصح مدقدقة ..لبارح طحت كاو .....امييين والله الحمدو لله ...ربي ان شاء الله يقدرني ونعاونكم قد ما نقدر ....والله كل شيء جايز عليا قبل ما نتعلم كنت كي نسقسي يقولو مشي حنا درنا القاطو او يعطيوك العبر غالط ...وبابي مفتوحلكم في كل وقت مرحبا .....اميييييييييييييييييييييييييييين بارب دعاءك مستجاب ان شاء الله

aboayoub · 2013-11-26, 14:41

اقتباس:

المشاركة الأصلية كتبت بواسطة fofol

شكر اختي برك ضالله على شطرتك

الله يسلمك ..مشي غير انا لبنات تع المنتدى كامل شاطرات ....يعطيك الصحة

ana7anane · 2013-11-26, 14:43

اقتباس:

المشاركة الأصلية كتبت بواسطة aboayoub

صباح النور .....انا تاني توحشتك راني ربيت الكبدة عليك وعلى سوسو .....احم احم نحب الشهرة ......سلميلي على داركم كامل
ان شاء الله تولي احسن معلمة حلويات
الله يسلمك ويفرحك بدارك وبراجل سيد الرجال .........اميييييييييييييييييين
يعطيك الصحة على الورود ربي يجعل ايامك ورود تقول دخلتو قلبي وعرفتو الي نحب الورد انا كي كنت عللى ديداني في دارنا وراسي بارد كنت نعلم الورد والحلويات وفي نفس الوقت كنت نروح نتعلم الطياب تع لبلاتو كيما لزوتال زعمة ....ايييه ننصح كل وحدة مازال متزوجتش غي تتعلم كلش ممبعد ماكاين الوقت ..ما كاين الدراهم هههههههههههه ما كاين الخلوق .......شفتي انا بكلمة نجبد كامل واش في قلبي هههههههه درك تضحكو عليا

ههههههههههه قالتلك يما كثري من هاذ الدعاوي و انا نقولك ادعيلي ربي يسهلي و ننجح في الكونكور اللي باش نعديه و ربي يعطيك ما تتمناي

souma.sousou · 2013-11-26, 14:45

اقتباس:

المشاركة الأصلية كتبت بواسطة aboayoub

الله يبارك ويحفظهملك ويفرحك بيهم وينجحهملك .......العمر كلوا ......والله مازلتي صغيرة ....راكي كي اختي تزوجت صغيرة وجابت طفلة الاولى وزوجتها قالتنا كبرت ههههههههه اعلى المحاين الي شافتهم قالنا بابا منزيدش نزوج لبنات صغار غير يلعبو بيهم كسع صغيرة ولا كبيرة الي معندهاش الزهر معندهاش

شفتي والله تقول نعرفو بعضنا بعض من بكري ......انا عندي غير ايوب برك وراني ناوية ان شاء الله نزيد ....انا عندي 30 سنة

درك نضرب دارة فالكروشي راني غير مع الردود ومالحقتش ..........الورد بالحاشية روعة

العمر كلو الله يبارك راكي صغيرة وتعلمينا الله يزيدك علم على علم نشاله وربي يرزقك ببنوتا شابة وقلبها كبير كيما ماماها........ايا ايوب راه كبير الله يبارك جيبيله اخته............

souma.sousou · 2013-11-26, 14:50

اقتباس:

المشاركة الأصلية كتبت بواسطة ana7anane

ههههههههههه قالتلك يما كثري من هاذ الدعاوي و انا نقولك ادعيلي ربي يسهلي و ننجح في الكونكور اللي باش نعديه و ربي يعطيك ما تتمناي

ياربي يسهلك وتعديه وتنجحي وتتوظفي باذن الله ...ياربي فرحها ورزقها من حيث لا تحتسب يارب
وكي تبدي الخدمة يجيك عريس الغفلة.......بروفيتي وتعلمي من ام ايوب ربي يخليهالنا

ana7anane · 2013-11-26, 14:54

اقتباس:

المشاركة الأصلية كتبت بواسطة souma.sousou

ياربي يسهلك وتعديه وتنجحي وتتوظفي باذن الله ...ياربي فرحها ورزقها من حيث لا تحتسب يارب
وكي تبدي الخدمة يجيك عريس الغفلة.......بروفيتي وتعلمي من ام ايوب ربي يخليهالنا

الله يسلمك و يسلمها و يعطيكم ما تتمناو ان شاء الله و الله غير كي نشوف تعليقاتكم نفرح ربي يفرحكم دنيا و اخرة

djaouida dd · 2013-11-26, 14:57

الف شكر اختي جبيت نسقيك. اذا خدمت كية كبيرة. كيفاش نخبيها وشحال المدة قصدى نديرها فالثلاجة عادي ولا فالمجمد

RANIA32 · 2013-11-26, 15:01

مشكورة اختي وبارك الله فيك
بغيت نسقسيك على طريقة تقطيع البقلاوة هل التقطيع يكون حتى للاسفل ولا يكون سطحي

ام اريام · 2013-11-26, 18:05

وين راكي أيتها المعلمة;شفت الموضوع رايح للأرشيف قلت لازم نكتب باش يقعد في الصفحة الأولى,إنشاء الله تكوني بخير.أختنا سوما ماشاء الله ربي يحفظلك وليداتك و يخليك ليهم;ماشاء الله إخترت لهم أسماء رائعة:

aboayoub · 2013-11-26, 19:14

اقتباس:

المشاركة الأصلية كتبت بواسطة ana7anane

ههههههههههه قالتلك يما كثري من هاذ الدعاوي و انا نقولك ادعيلي ربي يسهلي و ننجح في الكونكور اللي باش نعديه و ربي يعطيك ما تتمناي

ربي يطول في عمرها ويرزقها حجة لبيت ربي وتفرح بيكم ان شاء الله ههههههه رانا رديناها مدمنة معانا درك تولي مطيرلكش الميكرو ....ان شاء الله ياربي نجح حنان فالكونكور قولي اميييييييييييييييييييييين

aboayoub · 2013-11-26, 19:21

اقتباس:

المشاركة الأصلية كتبت بواسطة souma.sousou

العمر كلو الله يبارك راكي صغيرة وتعلمينا الله يزيدك علم على علم نشاله وربي يرزقك ببنوتا شابة وقلبها كبير كيما ماماها........ايا ايوب راه كبير الله يبارك جيبيله اخته............

امييييييييييين يا رب ان شاء الله من فمك لربي ....صح ايوب كبر مبصح انا كرهت الذراري منو تربالي مريض والعامين اللوالا جوزتهم معاه دايما فالسبيطار راني خايفة نعاود نفس السيناريو

aboayoub · 2013-11-26, 19:44

اقتباس:

المشاركة الأصلية كتبت بواسطة djaouida dd

الف شكر اختي جبيت نسقيك. اذا خدمت كية كبيرة. كيفاش نخبيها وشحال المدة قصدى نديرها فالثلاجة عادي ولا فالمجمد

jhh

تسلمي حبيبتي كي اديريها فالثلاجة من تحت ماتفوتش 15 يوم ومادريهاش فالمجمد كي تذوب تولي مرنخة