الجزء 40 من واش طيبتي / بلادنا في المونديال /وبقات 19 نوفمبر تاريخ - الصفحة 44

Daylight · 2013-11-21, 11:05

صباح النــــــــــــــــــــــــــــــــــــــــــــــو ر
شكرا ام ابراهيم و الهام على النصيحة
شكرا ام انس على وصفة البريوش جا هايل
راجلي راه خاطر و غيرتني ام ماجد بالبغرير روح نسيي و نرجع

الأمنيات · 2013-11-21, 11:06

السلام عليكم درت غدايا وكملت
طيبت الحريرة راني صايمة ودرت طاجين الجلبان باللحم بقري
وقرنون سلاطة وزدت جزر مقلي بالزيتون الحمد لله
لبنات الي جربت بريوش ام اماني تعطيني مكيال بالكاس ما عنديش الميزان

الأمنيات · 2013-11-21, 11:10

ايمان هاهو الخبز تاع الرخساس تاعك

بصح المقادير دارو لي غير خبزة وحده

~اسيل ريحانتي~ · 2013-11-21, 11:12

اقتباس:

المشاركة الأصلية كتبت بواسطة الأمنيات

صباحكُم أحْزآنٌ تَتَلآشَى .. وَهُمومٌ تَتَنآثرُ بَعيدآ ..
ورآيَآتٌ خَضْرآء تُعآنِقُ أرْوَآحُكُمْ .. وَتَنْثُرُ حُلْوَ اليآسَمِينْ

ما اجمل هذا الكلام وانا نقولك

صباح الحب والعهود ..
صباح الفل ودهن العود
صباح الورد لأحلى قلب بالوجود

Daylight · 2013-11-21, 11:22

الامنيات صباح الفل هاكي المقادير راهي عطاتهم ام اماني في الصفحة 2 نتاع البريوش
لفرينة 21 ملعقة كبيرة مملؤة
السكر 3م ك ونصف
الزيت10م ك زيت
الحليب كاس قازوز المهم حتى تتحصلي على عجينة طرية

~اسيل ريحانتي~ · 2013-11-21, 11:29

ليوم راني شوية مريضة مقريبيا نروح كانش ما نخمل شوية حبيت ندير شوية تغييرات في الدار مريضة بصح قلبي ياكلني مانحبش الروتين ايا باي وصح غذاكم نحبكم
:m h31:

ام لقمان02 · 2013-11-21, 11:29

لبنات لي سالو شو لي فوق البسبوسة هذ

zahra30 · 2013-11-21, 11:32

ام اناس ربي يشفي بنتك وان شاء الله خيير وسلامات يارب
امنيات ربي يقبل انا ثاني راني صايمة ودرتلهم طعام انتاع الحليب بالقديد والكابويا اممممم سخفوني هههههه
قوليلي مليحة الكسرة في الذوق وتيبس امبعد ولا لالالالا وبصحتكم

أم إناس · 2013-11-21, 11:33

صباح الخير على الأحباب والله راكم صح بمعنى الكلمة احباب والحمدو لله راه لاباس وقالي الطبيب هذو يومين نرقبوه وان شاء الله خير
وَبَارِكْ الله فيكم اخواتي كل واحد باسمه شكرًا

الأمنيات · 2013-11-21, 11:33

اقتباس:

المشاركة الأصلية كتبت بواسطة daylight

الامنيات صباح الفل هاكي المقادير راهي عطاتهم ام اماني في الصفحة 2 نتاع البريوش
لفرينة 21 ملعقة كبيرة مملؤة
السكر 3م ك ونصف
الزيت10م ك زيت
الحليب كاس قازوز المهم حتى تتحصلي على عجينة طرية

باالله فيك اختي شكرا لك

zahra30 · 2013-11-21, 11:36

البقية صح طيابكم وبصحتكم
ام زكرياء ربي يشفيك واتهلاي في روحك
ام اناس كنت اوعدتك نحطلك صور المحجوبة انتاع البرانس اللي درتها ومعاها المسمن انتاعنا هاهي وسمحلي طولت علييك

الأمنيات · 2013-11-21, 11:37

ام إناس على سلامة بنتك ربي يشافيها
ام زكريا ربي يشفيك واش درتي غداك
ام لقمان كريم ديسار هايلة هاديك
زهرة الكسرة كلاوها سخونه ما خلوهاش حتى تبرد ما نقدرش نقول لك كي تجي منين تبرد هههههههههه
غادي نعاودها

ام راضية · 2013-11-21, 11:44

اقتباس:

المشاركة الأصلية كتبت بواسطة oum anas 69

نهال أم ماجد صباح الخير مممممم هاتي هاتي معليش ناكلو هههههه بصحتهم الأطفال
نور إيناس ربي يعاونك حنونة وااااااع الميناج
أم راضية أنا عندي ولدين فولتيلي بطفلة ههههه

حبيبتي ام انس راني فولتك عملي علي ربي ان شاء الله المرة الجاية بنية تعينك علي قسوة الغربة امين يارب

zahra30 · 2013-11-21, 11:52

ان شاء الله اختي امنيات بصح خلي طرف ليا يبرد وشوفي ههههه
ام اناس الحمد لله كي جات سلامات

أم ياسين الزهراء · 2013-11-21, 11:55

صباح الانوار

ام انس سلامات حنونة

ام انس واش راكي بصحتكم الثلج سخفتونا فيه

الامنيات الله يتقبل منك انا عيت نصوم مانحبش الصوم عندي مشقة القهوة

زهرة اممممممممممممممممم زدتي علي كنت راح ندير المحاجب وعيت يعطيك الصحة وصحى فطورك انت والامنيات

ام ماجد كانو في خاطري البغرير وعجزت ان شاء الله نديرهم وبصحتهم الشاشرة اللي دايرين بيك ههههههههههههههههههه ربي يصلحهم

غدايا شربة فريك ورخساس قتلني التفنين مافهمتش علاه

عاشقة الله غالب مانعرفش بنتي سقسي ليدي ولاطومة ولا ام محمد حقى بصحتك البربوشة ام محمد