لكل من يعمل في ابتدائبة لانام

[sami209]

السلام عليكم , خاوتي لي تخدموا في ابتدائيات واش تخدمو بالنسبة للذكور هل مع الحارس ام اين لان في الابتذائية لا يوجد مراقبين و في الادارة غير بنات و هل تخدموا نصف نهار من 8 ل 12 و لا يوم بيوم و لا كيفاه ارجو كل واحد يخدم في ابتدائية يقولي ماذا يعمل و توقيت و هل يوميا و بارك الله فيكم

[lamia_23]

السلام عليكم اخي
انا نخدم في مدرسة ابتدائية اصلا في الابتدائية ماكانش خدمة ياسر
بالنسة لينا حنا لبنات الخدمة مع المدير في الادارة يعني شاهادت مدرسية ولا نسجلو كاش خدمة تع المدير في الميكرو وغيرها ......
يعني ماكانش خدمة وبالنسة للدكور كيف كيف حنا مبصح هو ميجوش ديما خاطر الرجال عندهم خدمة اخرى يحبوا يتحركو
والتوقيت كل يوم ساعة برك في الصباح
وكي يكون الغاشي يقسموكم يعني طيحليك زوز مرات في الاسبوع
حنا عندنا هك ومنعرف اخي نتمنى يزيود يجاوبوك بالتوفيق اخي

[سلمات مصطفى]

ياخوي خوك يخدم في داخل الادارة في الكمبيوتر كل يوم من 8 الى 12 ومن 2 الى 4

[sanfourcsc1]

صح عندك الحق مكانش خدمة بزاف في الابتدائية بصح تقدر تشغل روحك بالنسبة لي الابتدائية فيها مطعم يعني المدير في اعداد ميزانية تاع المشتريات في اول العام كان اهتمامي منصب علي بيع الكتب و تتبع جميع التلاميذ لعندهم الحق في الاستافده المجانية و في الاخير درت ميزانية خاصة بجميع عمليات لي مست الكتب و تغير لي حصل في المخزن كل يوم كاين عمل ماكذبش عليك ربي يوفق الجميع

[linag]

انا نخدم مع التلاميذ يعني نعطيلهم دروس دعم مع اني متخرجة مهندس دولة اعلام الي , ونخدم مرة في الاسبوع هاذا في المدرسة الجديدة اللي تبدلت ليها لانو في اللي قبلها كان المدير يقولنا ارواحو كل يوم انا والمجموعة اللي معايا وما نخدمو والو وقاعد يتحرش بينا حنا البنات والاولاد مخليهم على راحتهم

[sami209]

ملا انا راني نخدم حارس عندي ليسانس قاعد مع لبواب و ساعات يغيب نحكم انا الباب لعشية كامل و كل يوم خاوتي هل من حقي نشكي و لمن نشكي مثلا اذا متفاهمتش مع المدير هل هناك حق لموظف لانام و لا لا و لمن يشكي و شكرا

[حقيقي]

السلام عليكم اخي بحسب الشهادة التي عندك ...اذا كنت ليسانس ...او شهادة جامعية اخرى ...وكذلك متخرج من معهد او عندك مستوى جامعي ... مكان العمل في الابتدائية يقتصر في دروس الدعم والتوقيت (بحسب الاتفاق مع المدير ) اما اذا كنت مستوى ادنى فلك حرية الاختيار ولست مرغما على العمل كحارس هذا اذا قرأت البند الذي ينص على ان المنصب يتكيف مع التخصص ...
بالتوفيق

[amine eco]

هههههههههههه مستحيل يدرك خارس لانك في عقد يكتبلك منصب متصرف

اما عمل مدير لي يقللك انت علاه راك تخمم

[sami209]

الي الاخت linag علاش تخليوه يتخرش بيكم ممكن تقولو لاولياءكم يجيو يرخسوه ميزيدش يدور بيكم و لا غابة
شكرا للاخوة على ردود يا خاوتي كاين 2 كيما انا ميجيوش خلاص و انا كي لقاني ناس ملاح نخدم كل يوم من 12 ل 3 و كي يغب الحارس نمسك الى 5 نولي بواب و انا خايف نريكلامي يحاوزبي يا خاوتي هل لي يخدم في لانام كانه عبيد و اذا لا وين تريكلامي اذا كبرت معاه و قالك نحاوزك مثلا لانك رفضت تعمل حارس وين تريكلامي

[mehamade]

ههههههه... الابتدائي والله رحمة انا نسمع من بعض البنات تخدم يمكن يومين في الاسبوع وكاين أكثر وعندي صديق يخدمم نصف نهار في الاسبوع وانا راني نخدم في الثانوية والله راني نخلص ...المدير كل شهر ينحي لي يوم او يومين من الشهرية لاني اتغيب ما نقعدتش لاني مع المسابقات وندور على روحي المهم لي حب يخدم كاين الثانوية ولي حب ماا يخدمش بزاف يدير الابتدائي وانا راح نتحول للابتدائي ان شاء الله حتى نجري على صوالحي وانا مرتاح ... والله ما تخرج التربية يا اصحاب العقود والشهادات اضاعة للوقت وقتله +استعباد واخرتها بطالة +يا جماعة ما تخلوش السنوات الاستعباد تفوت هكدا استثمروها بالمشاريع... دراسة ...دواسة ...؟؟؟!!!! وربي يوفقنا ويوفقكم لما يحبه ويرضاه

[بارصا]

الخدمة في الابتدائية على حساب المفاهمة مع المدير
كيما أنا خدمت الاسبوعين الأولين نتاع الدخلة فيهم الخدمة ومن بعد قالي ماتجيش خلاص
وراني نروح خطرة في الشهر نجيب البوانتاج

[abdallah anbou]

قع الناس تخدم كيما هاك