ورشة الكول لمة لحباب .......لabir chemss.....

crono · 2013-11-10, 09:49

اهلا و سهلا باخواتي و حبيباتي في الله نورتوا ورشتي ورشة لمة لحباب..
الورشة مبسطة وحتى المبتدئات ممكن يشاركوا معانا...
أردت أن أقوم بهذه المبادرة لتسهيل البحث على الروابط فدعوة خير منكم تكفيني
بإسم الله:
الورشة الاولي لي هاد الشهر
ورشة مفرش لمة لحباب ........لsakura be...
https://www.djelfa.info/vb/showthread.php?t=1445785

حبيباتي برنامج ورشتنا سيكون كالاتي ...
..
اولا سنقوم سنقوم بانجاز الكول الشتوي بسيط و سهل جدا كبدايه

الاختabir chemssجزاها الله

ثم سنقوم بعمل الكول ليخترتوه لي أخت أوتار*

و مادا بيا نرجعو النشاط للقسم و نتمتعوا بابداعاتن

الاكثر من رائعة

و اكيد كل وحدة فيكم سواء كانت متزوجة او لا ستكون سعيدة جدا بهذا العمل الفني لاننا بطبعنا

جميلات و نحب الجمال

و طبعا روح التنافس و شكون لي تخلص الاولى؟" رايحة تمد حلاوة للعمل الصعيب نوعا ما لانو يحتاج وقت

و لكن حاجة ما تصعب عليكن يا لحراير

الهمه و الشطارة

و مادا بيكم كل وحده توري موديلها و كل مرة تصور وين وصلت باه نزيدو الحماس

قائمه المشتركات

30المشتركات في ورشة لمة لحباب..
hanaasiham
abassia81
وليد مولودية
مروةنزيهة
أوتار*
sakura be
نهال13
ضفاف الإبداع
souma.sousou
fatoum25
iris blanche
Djihad Elkassem
souheila dz
ماريا205
moon20
جنان26
fatom socio
ورد قسنطينة
houdehoud
ღأسمــ☺ــاءღ
أم آلاء الصغيرة
amani32
janino
kahramana
سعاد...
titi119
nadia7
أم الشافعي
aya2007
أم عبد الرحيم1
scorpionoir

[COLOR="Red"][SIZE="6"]مستلزمات الورشة

2 كبب صوف او
يتعمل بأي خيط خاطر كل وحد واش حاب تخدم بيه راه ما يحكمش الوقت خاصة ان درتوه بالصوف
الصوف راه تطلع فيساع و ما يهزش بزاف
الكول هذا راه لكل القياسات للكبار والصغار

يا الله ورولي شطارتكم حبوباتيتييييييييييييييييييييييييييييييييي
تحياتي الحارة لكن:mh31 :

crono · 2013-11-10, 09:51

شرح من عند أختي abir chemss
صباح الخير عليكم يا البنات ان شاء الله تكونو بخير ولمتنا دايمة على طول .......اليوم راني جبتلكم الشتاء يجري وراني خممت في مودال ساهل لازم نخمو في المبتدئات حتى تزيد النفحة تاع الكروشي
وكما تعودنا دائما الاخت crono هي المشرفة انتاعنا والمشكورة على تعبها مالا اعدلو رواحكم و حمرولي وجهي قدامها بتطبيقاتكم
المهم راني راح نشرحهولكم بالشرح الممل حتى تكرهو
بسم الله الرحمان الرحيم
اول شيئ هذا المودال الرسمي

هذا المودال تقدري ديريه بأي خيط و في أي مقاسات
هذا العمل انتاعي

اللوازم
شوفو لازمكم 2 كبات صوف و كروشي 3.5 هذا اللي خدمت بيهم ...............انتم خيرو الصوف انتاعكم و الكروشي و جربو قبل خاطر كاين الصوف اللي تجي خدمتها واقفة و مش حنينة ...........نجاح الكول في اختيار الصوف

درك راكم خيرتو الماتريال هيا نبداو
هذا الكول يتعمل على جزئين
الجزء الاول
هنا هو سر الكول شوفو كل وحدة تقيس طول رقبتها و وين حاب يجيها
إضغط هنا لرؤية الصورة بحجمها الطبيعي.

1- ديري سلسلة تاع 18 +2 هذا قياسي انتي ديري سلسلة على قد القياس اللي قستيه

2- خلي 2 سلسلة و ابداي في ال3 ديري 12 حشو و 6 عمود و ان زيدتي في السلسلة اقسميهم بين الحشو و الاعمدة

3- دوري الخدمة ديري 2 سلسلة و اعكسي 6 عمود + 12 حشو و هكذا حتي تتحصلي على العرض على قد رقبتك

هنا رانا فضينا الجزء الأول …..نبداو في الجزء الثاني و اللي عندنا الباترون انتاعو
اللي حاب تبع الباترون مش مشكل و اللي تبع الشرح هيا نبداو درجة درجة

يتبع..............

الجزء الثاني
نبداو بسم الله الرحمان الرحيم
1- اخدمي درك بالعرض يعني عمريهم بالأعمدة ديري 1 عمود +2 عمود في السلسلة و هكى حتى تفضي

2- ابداي بـسلسلة تاع 5 احسبي 3 اعمدة و في 4. 5 . 6 ديري في كل وحد عمود ثم سلسلة تاع 2 و عاودي الخدمة حتي تفضي بـ1 عمود وكي تفضي احسبي الفراغات لازم العدد يكون فردي

3- سلسلة تاع 3 امبعد في السلسلة تاع 2 تاع التور اللي قبل ديري غرزة حشو +2 سلسلة .......في السلسلة الجاية ديري صدفة (3ع +2س+3ع) و عاودي الخدمة و في الاخير فضي بعمود

4- ديري 2 سلسلة درك ديري في غرزة الحشو (1ع+1س+1ع) + 2 سلسلة وفي وسط الصدفة ديري 7 عمود و كملي و فضي بعمود

5- 4 سلسلة ثم 1 عمود في وسط العمودين و ديري فوق 7 اعمدة ( 1ع +1س) 7 مرات .و عاودي الكرة حتى فضي بعمود.

4 سلسلة ثم داخل 1 سلسلة ديري 3عمود مع بيكو + 1 سلسلة و عاودي حتى تكمل الصدفة الكبيرة و هكا كملي مع كل صدفة

البيكو هو عبارة عن سلسلة تاع 3 و تغلقي في السلسلة الاولي

وبذلك نكونو كملنا العمل انتاعنا......... تروحي للرقبة و اديري القفالة انا نديرهم سلسلة تاع 4 نخلي فراغ تاع زوج و اندير 3 حشو و هكذا
https://www7.0zz0.com/2013/11/10/21/429733264.jpg
بالتوفيق للجميع

souheila dz · 2013-11-11, 14:13

سؤال أختي عبير أنا درت فالسلسلة 22 نزيد 2 وفالثالثة ندير14 حشو و6 عمود ولا 8 عمود

abir chemss · 2013-11-11, 14:26

اقتباس:

المشاركة الأصلية كتبت بواسطة souheila dz

سؤال أختي عبير أنا درت فالسلسلة 22 نزيد 2 وفالثالثة ندير14 حشو و6 عمود ولا 8 عمود

شوفي ديري 14 حشو و 8 عمود باش تاع الرقبة ما يجيش غامك .......هذا الحساب يجيك مليح .............بالتوفيق

souheila dz · 2013-11-11, 14:33

اقتباس:

المشاركة الأصلية كتبت بواسطة abir chemss

شوفي ديري 14 حشو و 8 عمود باش تاع الرقبة ما يجيش غامك .......هذا الحساب يجيك مليح .............بالتوفيق

شكرااا ربي يجازيك

أم أولادي* · 2013-11-12, 10:20

نسقسيك اختي انتي جاتك 18سلسلة بالصوف انا كي درت 18 سلسلة بكتون بارلي خرجلي صغير تسما ندوبلي علابالي كل واحد والقياس تاعو بصح الفكرة انو صوف وكتون ماشي كيف كيف لحساب صح

sakura be · 2013-11-12, 10:41

اقتباس:

المشاركة الأصلية كتبت بواسطة أم آلاء الصغيرة

نسقسيك اختي انتي جاتك 18سلسلة بالصوف انا كي درت 18 سلسلة بكتون بارلي خرجلي صغير تسما ندوبلي علابالي كل واحد والقياس تاعو بصح الفكرة انو صوف وكتون ماشي كيف كيف لحساب صح

اهلا اختي ام الاء وشراكي تفكرتيني والا لا

.....حبيت نجاوبك انا تان كي بديت نخدم جربت 18 سلسلة جاتني صغيرة بزااااف ومرة خدمت قبعة بالكوتون بارلي السلسلة نتاعوا ماتجيكش كبيرة لازم تطوليها بالبزاف...مثلا انا بالصوف نتاعي درت 30 في السلسلة وبنت اختي عمرها 10سنين

أم أولادي* · 2013-11-12, 10:50

اقتباس:

المشاركة الأصلية كتبت بواسطة sakura be

اهلا اختي ام الاء وشراكي تفكرتيني والا لا

.....حبيت نجاوبك انا تان كي بديت نخدم جربت 18 سلسلة جاتني صغيرة بزااااف ومرة خدمت قبعة بالكوتون بارلي السلسلة نتاعوا ماتجيكش كبيرة لازم تطوليها بالبزاف...مثلا انا بالصوف نتاعي درت 30 في السلسلة وبنت اختي عمرها 10سنين

حبببببببببببببببببيبتي سكرة كيفاش ننساك انا حبيت نخدمو لبنتي عندها 3سنوات كي قستلها القيس تاع 18 جا قدها سواسوا قلت بلاك كتون والصوف ماشي كيف كيف كتون تبالي ديما لازم دوبلي على الصوف الصوف ثم ثم تطلع راني حنهبلك كيعاد راكي هنا نسقسيك حتى نكسرلك راسك ههههههههه

souheila dz · 2013-11-13, 10:11

أختي العزيزة ام الاء بالصوف تجي مليحة ماشي صغيرة حاولي تزيدي فالسلسلة

janino · 2013-11-10, 09:54

صباح الخير كرونو و كل الاخوات مبروك افتتاح الورشة رانى فرحانة بزاف ستكون و رشة هايلة مع لحباب و روح التنافس رايحة تعطى بنة للعمل من حسن حظى عندى الصوف فى البيت تحياتى يا لحباب.

أم الشافعي · 2013-11-10, 10:12

و عليكم السلام و رحمة الله و بركاته

جزاك الله اخيتي كرونو و جميع الاخوات

بورك في مجهوداتكن الطيبة و جعلها في موازين حسناتكن ان شاء الله

سعيدة جدا بانضمامي للمة الاحباب

هذه اول مرة اشارك في ورشة

و لكن كنت متتبعة وفية لكل الورشات تقريبا و نفذت العديد منها

فانا من عاشقات الكروشي و اشغل نفسي به في وقت الفراغ او مشاهدة التلفاز

وحتى في السيارة لا يسلم مني

موفقات جميعا باذن المولى

ملكةزوجي · 2013-11-10, 09:58

مبروك علينا افتحتاح الورشة راني متحمسة باش نبداو الى الملتقى

abir chemss · 2013-11-10, 10:04

صباح الخير عليكم يا بنات ............ان شاء الله كلكم بخير .............شكرا اختي crono سوف احط كل المراحل وقت ما تفتح الورشة سجيو الصوف و الكروشي هكى باش اديروه و تسرحو بكري راهي حالة شتا درك

fatoum25 · 2013-11-10, 10:17

شكرا لاضافتي لهده الورشة انشاء الله نفيدو و نستفادو

sakura be · 2013-11-10, 10:33

السلام عليكم .
قريت اسم الورشة اللي رح تنطلق وتحسرت على حالي مازالني روطار قلت ندخل ندير شوي حس على البنات ....اوووو لقيت الاخت كرونو مسجلتني مع المشتركات ...امممممممممم.... خممت شوي ...ورحت نحوس على كاشي صوف في الدار باه نخدموا معاكم بلاما تفيق بيا ماما لانو عاقبتني ههههه ماتزيد تشريلي حاجة حتى نخلص الخدمة اللي بديتها وماكملتها لليوم ....الصوف اللي عندي قليلة ماتكفينيش لواحد كبير بالاك نخدم واحد صغير لبنت اختي .....طولت عليكم .........
اختي كرونو ديريلنا جوائز ورح تشوفي الحماس هههههه