حائرة تسالكم لعلها تجد المخرج والقرار

[شيماء الهادئة]

حبيت نشاوركم في امر صديقتي اللي راهو متعلق بيها واحد الشاب هو في الحق ولد مليح وولد فاميليا مي المشكل انو ما تقدملهاش مع انو هاذي 3 سنين وهو يهدر معاها في التلفون وهي احياناا تصده وما تردش عليه لانها كانت تنتضر هو يجبدلها لكن ما حبش يجبد على الزواج وهي تخجل تقولو ارواح تخطبني خوفاا من التحشيمة او لا سمح الله يردهالها في وجها .وهي بحكم الوحدة اللي عايشتها ويتيمة ختى تحلف ماتزيدش تكلمه لكنو احياناا تضعف وترد عليه مع العلم انو مايطلبش يتلاقا معاها خرجاا فقط يحب تطل عليه من النافذة ويصر على ذلك وهو يسافر بزااف لبلدان مختلفة وتخيلو وين ما يمشي يتصل بيها يطمئن عليها وما يطلب منها اي شي حرام وكلامو محترم ويحشم بزاااف وخلووق بصح راحنا حايرين في امرو لماذا لم يتقدم الى حد الان ونزيدكم مخلص مايتكلمش مع الفتيات لانها تقول انو تحاول تتجسس عليه عمرها ما قبضت عليه الخيانة ماعرفتش انا هاذ السيد واش نيتوو بالضبط و وامورو المادية جيدة
سؤالي هل تطلب منو يجي ولا ما يزيدش يعيطلها بطريقة لطيفة
او تجبد وما تزيدش ترد عليه انا قلت ما تزيدش ترد عليه كاامل وما تغيرش رقم الهاتف وكي يصر على الكلام معاها تقولو انت مراكش ناوي الخير معايا وانا مانقدش نستمر معاك في الغموض
واذا عندكم اقتراح تفضلو علينا بيه
وهل عيب اذا طلبت منه يجي يخطب

[مراد سابقا2]

الأمر بسيط

تقول له كلمة واحدة

تعال وأخطبني وإلا كل شيء أنتهى بيننا

وغذا لم يأتي فلتغير رقم الهاتف وتقطع العلاقة معه نهائيا

لربما به مرض أو غير ذلك المهم حين تقول له فلتكن صارمة

لماذا ترفض خطبتي نحن نتكلم في الحرام

. أرجع للسطر

[الهـ ع ـاشمي]

نعم .... عيب كبير تطلب منو يجي يخطبها

وتفرض عنو أمر لا يستطيعه أو بالأصح لا يريده

خصوصا وأنه يطلب فقط أن يراها من النافذة

أقترح عليها أن تمهله ثلاث سنوات أخرى من النافذة فقط .

[شيماء الهادئة]

المشاركة الأصلية كتبت بواسطة الهـ ع ـاشمي

نعم .... عيب كبير تطلب منو يجي يخطبها

وتفرض عنو أمر لا يستطيعه أو بالأصح لا يريده

خصوصا وأنه يطلب فقط أن يراها من النافذة

أقترح عليها أن تمهله ثلاث سنوات أخرى من النافذة فقط .

انا راني نطلب مشورة تنفعها مانيش نطلب هدرة نتاع ضحك علاش تضحكو على مشاعر نتاع الناس

[hodahodahoda]

مادام تتكلم معاه ي التلفون
تقولو كلمة واحدة
ارواح اخطبني رسمي او انساني

[شيماء الهادئة]

وما فيهاش احراج ليها يعني تطلب منه يجي

[sali-sali]

السلام عليكم

كون جا يحشم مايحكي معاها .. وحتى هيا
واش في الهدرة ماحشموش .. و في طلب الحلال قتلتهم الحشمة
من راي تقوله زوج كلمات.. راك تعرف باب دارنا و ادا ناوي الحلال مرحبا
ومن تما ماتحكيش معاه.. هنا تبان نيته تاع الصح
وعذرا على هدا الكلام

[شيماء الهادئة]

واه انا تاني هاك نورمالمو هاكة الحلال مافيش لحشومة

[naamane3]

اخطيك من مليح وولد فاميليل
لان اولاد الفاميليا لا يقيمون علاقات غير شرعية
انصحها بان تقطع هذه العلاقة وتتوب الى ربها
احسن من هاذا الغرام والعشق الزائف

[Jin]

صار ما حشمتش كي راهي تحكي معاه و حشمت كي تقوله أرواح خطبني نورمالمو كل يوم تقوله ارواح خطبني و لا تنساه احسن من تشويه السمعة و غضب الله تلات سنيين كآمل و حشمت منوو لآزم تقوله أرواح خطبني وو إذا مابغاش تنساه خيير

[شيماء الهادئة]

قالتلي ماشي هدرت معاه 3 سنين متواصلة لا لا ملي اول مرة عطاها الهاتف نتاعو هاذي 3سنين مي تسمح فيه قريب العام متحكيش معاه ويقعد غير يتصل ويتصل حتى ترد عليه وبحكم انها جميلة انخطبت العام اللي فات وتركاته نهائياا لكن استغل ظروف فسخ خطوبتها وتذمرها ورجعلها العام اللي فات كامل وهي مليكيدياته ولاتله غير هاذ الصيف باش تنسى خطوبتها الاولى لانو كان صراولها مشاكل كباار وحتى هو مايتصلش يومياا بها بل احياناا ليسال .

[شيماء الهادئة]

انا قلتلها تقطع الرد عليه نهائيااا وقطعاا واذا كثر تقوله مانقدش نزيد معاك انتى مراكش ناوي الخير والحلال منزيدش معااك نهار انا نقول الا يحبها يجيب يمااه ويجي يخطب هاذا هو الكلام وخلاص ولا راني غالطة

[يوسف الجزائر]

ماتحكي معاه ما يحكي معاها إذا كان ناوي الحلال البيوت عندها أبوابها

[RABHA ALI]

المشاركة الأصلية كتبت بواسطة الهـ ع ـاشمي

نعم .... عيب كبير تطلب منو يجي يخطبها

وتفرض عنو أمر لا يستطيعه أو بالأصح لا يريده

خصوصا وأنه يطلب فقط أن يراها من النافذة

أقترح عليها أن تمهله ثلاث سنوات أخرى من النافذة فقط .

أخي الهاشمي كلماتك أضحكتني كثيرا............
ومع ذلك فهي تحمل فيها الحل حتى وإن كانت بأسلوب تهكم.....

[ABDOU ELE]

المشاركة الأصلية كتبت بواسطة شيماء الهادئة

ولاتله غير هاذ الصيف باش تنسى خطوبتها الاولى لانو كان صراولها مشاكل كباار .

حب يقول ......... راها شادة بيه يدها حتى يفرج ربي وهو يفوت بيها الوقت