الجزء ال35 من واش طيبتي اليوم؟؟؟

[إلهام07]

هذا واش كليت عليكم وماخايتلكمش

بربوشة دارتها ماما باروك الكاش ريدو الجديد مع التفريشة ههههههههههه ( انا راني حاطة الميكرو كيما راكم تشوفو ومتكسلة ونحكي عليها ساعات يجيو الكلمات مقلبين خخخخخخخخخخخخخ )





هنا ماما حكمتها السخانة نتاع الفلفل هههههههههههههههههه في نفس المساء :
العشاء فلفل مقلي

هريسة شريتلها فلفل احمر بزاف ( يعني انا اللي راني نوله فيها للطوايش ههههههههه )

وهذا فلفل مرقد بطريقة ماشفتكمش ديروها نفورو الفلفل الحلو ونقطروه مليح ونديرولو شوية ملح وثوم فصوص ورند وخل ونغموه بزيت الزيتون يتكل مع البربوشة مممممممممممم يهبل


وهذا بوفجوخ


وهذا حار مرقد عادي


وهذي أنا كيما تقولها ماما نتمهبل ههههههههه شريت سميد القنح ورحيتو رجعتو فرينة على اليمين فرينة واليسار سميد حابة ندير بيه كل انواع الخبز


وهذي وحد النهار كرهنا كل يوم واش نديرو درنا دويدة بالحليب طبعا الجريمة الشنعاء هذي خاطيتني هههههههه انا ندبر برك هههههه

وهذا محشي جريوات في الفرن سخفتني أم رامي فيها ومعاها بطاطا مقلية على الطريقة الفرنسية ( نخلع فيكم برك ) وسلطة خيار

وهذا عنب لقيت نصو رامج بابا مايعرفش يقضي ماما تقولو كي جيب الحاجة تقول صدقوها عليك ههههههههههههه


بيتزا


وهذا قاطو الكوشمار عرفتوه ؟ بساط الريح زينتو من فوق غير بالشكلاطة لاجوز لا عمار ههههههههه أنا ما نغامرش من أول مرة خخخخخ





واش نحكي واش نخلي البنة يهبل خاصة الكريمة نتاعو روووووووووووعة بصح العجينة صابلي ومسقية عسل واش نقوللكم رمل زوج حبات يتكسو ووحدة تمنع كارثة لازم نمخمخلو كاش عفسة لهذيك العجينة المرة الجاية مستحيل