ابنتي و صعوبتها في الفهم

أم فاطيمة · 2013-10-23, 10:07

عندي بنت تدرس في الثانية ابتدائي لديها صعوبة في الفهم مع العلم انها ذكية و عندما لا تفهم تبدء بالبكاء و لاتريد الدهاب الى المدرسة ارجو منكم تساعدونني بطريقة تجعلها تفهم بسرعة

dotnet · 2013-10-23, 10:13

هده مشكلة انعدام الثقة في النفس قد يرجع الى ان البنت لا تتلقى الكثير من المدح

وخصوصا ايجابياتها وعدم تركها تبرز مواهبها من قبل اسرتها

اكثر من مدحها وعززي ثقتها بنفسها

اما ان صعب عليك الامر فعليك بعدة حصص عند طبيب نفساني وهو سيتكفل بمعالجة الامر سريعا بادن الله تعالى

أم فاطيمة · 2013-10-23, 10:53

شكرا لكي اختي على الرد لكن هي عند ها مشكلة العناد وتحب دير واش يقولها راسها

bibicha · 2013-10-23, 12:49

اختي جاوبيني على تساؤلاتي و نوصلو لحل ان شاء الله
هل تحظرون الدروس في المساء؟و ان كان نعم هل معا؟او لوحدها؟
هل ابنتك من النوع العنيد؟
هل جربت التحفيز المادي و المعنوي؟
كيف هي العلاقة بين الاستاذة و ابنتك؟علاقة جيدة؟ام انها لا تبالي بالاستاذة؟
و ربما اظن انها تفعل ذلك لاثارة الانتباه ربما لديها اخ او اخت صغرى او لغياب احد الاولياء و انشغاله لانه غالبا هذا السبب الوحيد في الحالات التي عالجتها
المهم نتي جاوبيني بمصداقية و ان شاء الله نوصلو لحل

مناد بوفلجة · 2013-10-23, 13:13

السلام عليكم

هناك لعب الأطفال تنمي الذكاء و الفهم

و أيضا حاولي تشجيعها

نافسيها أنت ببعض التمارين ،

الخ

أم فاطيمة · 2013-10-23, 14:50

بارك الله فيك و شكرا على اهتمامك بموضوعي و جزاكي الله كل خير
نعم نحض معاها كل مساء الدروس لان المعلم يعطيهم واجباتو هي من النوع العنيد و تحب تلفت الانتباه و كثيرة البكاء اذا معرفتش اي حاجة و ديما نحفزوها ماديا و معنويا و هي تخا من المعلم بزاف خصوصا ادا محفظتش و حطرت واجباتها و تقول يضربني مع العلم انه معلم جديد مقراهاش العام الماضي و عندا اختها كبيرة عليها تقرا 1 متوسط و اخ في الروضة ارجو نكون افدتك بكل المعلومات

medjdoub1978 · 2013-10-23, 16:34

انا كوني استاذ في مجال الابتدائي وعندي ليسانس علم الاجتماع ان الضغط المفروض من عند العائلة هو السبب في ضعف البنت
وعليك ان تساهلي معها وتحفزيها وتترك لها المبادرة

amina_ottho · 2013-10-23, 17:12

بما انه تخصصي في تصحيح النطق والتعبير اللغوي ننصحك انك تاخذيها لاخصائي أرطفوني ومدرسي ونفسي ودائما يخدموا مع بعض في المراكز الخاصة او شخصي لازم يشخصوا حالتها ممكن منطقة الفهم في الدماغ لا تعمل جيدا وعند القيام بالاختبارات يحصلوا على تشخيصها

bibicha · 2013-10-23, 21:28

[quote=أم فاطيمة;1054683679]بارك الله فيك و شكرا على اهتمامك بموضوعي و جزاكي الله كل خير
نعم نحض معاها كل مساء الدروس لان المعلم يعطيهم واجباتو هي من النوع العنيد و تحب تلفت الانتباه و كثيرة البكاء اذا معرفتش اي حاجة و ديما نحفزوها ماديا و معنويا و هي تخا من المعلم بزاف خصوصا ادا محفظتش و حطرت واجباتها و تقول يضربني مع العلم انه معلم جديد مقراهاش العام الماضي و عندا اختها كبيرة عليها تقرا 1 متوسط و اخ في الروضة ارجو نكون افدتك بكل المعلومات[/quote

اول حاجة نظن انه كاين غيرة بين بنتك و الطفل لي في الروضة بنتك ملله و الدليل هي من النوع العنيد و تحب تلفت الانتباه و كثيرة البكاء مشكلتها لازم تخليها تحس انك تعزيها و تحبيها و هي كبيرة و شطورة و حتى باباها لازم يشجعها كي تحل تمرين صحيح و تبينيلها بلي اخوها ماشي شاطر كيفها نظن انو في المنزل الابن كي يرجع من الروضة و يجيب شئ جديد كلكم تفرحو بيه و هي تحس روحها على الهامش ننصحك ايضا اجمعي البنتين في طاولة المطبخ و خليهم يديرو واجباتهم كيفكيف و قوليلها نتي كبيرة و شاطرة كيما اختك و خليها تحل تمارين وحدها و قوليلها من بعد جيبيلي نصححلك و الدرس اشرحيه عادي لكن واجباتها تحلها لروحها و شجعيها و ننصحك ما تمدحيش ابنك قدامها حتى ترجع المياه الى مجاريها
لانو الظاهر انو كانت بنتك مدللة و كلش ليها من بعد جا لي زاحمها و غالبا هذا امر طبيعي يحصل مع الاولاد لي الفارق بينهم يفوق 4 سنوات
زيد بنتك خاصك ترجعيها مسؤولة مثال متعرفش تربط حذائها نهار دير هاذ الشئ بينيلها فرحتك
قضية الفهم ننصحك انو يكون اخذ و عطاء مثال الرياضيات في درس الجمع جيبي اشياء ملموسة و فهميها بيهم في التربية مدنية خليها تروح تسقسي ابوها على ايام الاسيوع او اختها في بطاقة التعريف وريلها بطاقتك و بطاقة الاب الخ صح شوية صعيبة لكن عادي ايضا تعزيز ثقتها بنفسها قوليلها نعرفك تقدري ديري هاذ الشئ نعرفك شاطرة
البكاء امر عادي لانها كي تحس بخطر تبدا تبكي تقول انو نلفتهم ليا و يجو يحاولوني و يساعدوني تكلمت بزاف نتمنى نكون افدتك و الصراحة افكاري شوية مشوشة لكن اعدك لي رجعة بأذن الله

أم فاطيمة · 2013-10-24, 08:56

شكرا جزيلا على الردود و راح نجرب نصايحكم و نعا ود رجعلك لخبر
و من فضلك الاخت ببيشا واش هو اختصاصك لان نستحقك في بزاف صوالح