ربي سبحانو ماهوش يعاقب فيك ....لانو يرضالك غير الخير..
.انتي عرفتي الشخصية تاعو بعد الوقت هدا و انتي اللي تقدري تعرفي لاكان حابتيه يكون اب ولادك و زوجك اللي تعيشي معاه حياتك ...كاين بزاف تخطبو لفترات طوال و جامي سبو بعضاهم و جامي قل الاحترام بالعكس ....الواقع انك عرفتيه مليح علا حقيقتو و راح الماسك تاع الايام الاولى تع التعارف
أختي جربي تفاتحي خطييبك و تقوليلو علا الشيء او الاشياء اللي تقلقك و ماتقدريش تتقبليها ف التصرفات تاعو....لازم تفهميه بللي راكي قادرة تحملي كلش غير قلة الاحترام ...لانو اللي يسبك دركا باين بعد الزواج كيفاه رايح يعيشك.....
و راني حطيت روحي في بلاصتك...صح كي يروح الاحترام مايبقا والو....و انا كون جيت منك نحبس ف الاول كي نعرف بللي هديك هي طبيعتو ....لاني بكل بساطة مانقدرش نربي راجل في عمرو 30 سنة....و نضن حتا انتي جربتي تعدلي فيه الامور السلبية و تفرضي الاحترام و ماقدرتيش
المشكل مايش ف انك تديري موقف و تفسخي الخطبة ...المشكل لازم تكوني قوية باه تواجهي الناس و الهدرة تاعهم و باه تواجهي اللمستقبل يعني مثلا لاماتخطبتيش بعدو ماتلومي روحك ما تندمي علا القرار تاعك ما يجيك الحنين للخطيب السابق...........و هدي باه تقدري عليها لازمك ايمان كبير ب القضاء و القدر و لازمك تخدمي و تعمري الفراغ ..
و ربي يكون معاك و يعوضك اللي خير منو
( تقرير عن مشاركة سيئة )، و الموجودة أسفل كل مشاركة .
2013-10-23, 19:26
العرض الشجري