الجزء 32من واش طيبتي اليوم ? تحضيرات العيد - الصفحة 7

ladymillion · 2013-10-12, 11:21

هاااااااااااااي صباح الخيرات لبنات

غدا اليوم درت جلبانة بالسكالوب من بعد نجيكم بالصورة

خلصولي ايقونات الشكر لبنات راكم راااااااااااائعين بالاطباق لي راكم حاطينهم والله حراير نتاع الصح جو العيد هايل معاكم نتونسوا ببعض ان شاء الله ديما متهنيين
الهام الكاستال جا هاااااااااايل ماتوا عليخه خواتاتي كي جاو الصباح ذاقوه بارك الله فيك لهومة راهو مزال خليتلك حقك ياااااجميل ههههههه

ام ندى 87 · 2013-10-12, 11:24

كولومبو غير ماتتحيرش فزورتي ساهلة هايليك على المباشر

أم إناس · 2013-10-12, 11:27

اقتباس:

المشاركة الأصلية كتبت بواسطة المبتدئة

كولومبو غير ماتتحيرش فزورتي ساهلة هايليك على المباشر

ماشاء الله عليك ركي الله يبارك ممكن تغيري اسمك من المبتدءىة الى المحترفة

العجينة وش فيه الكيل من فضلك

ilbeldelmondo · 2013-10-12, 11:31

المبتدئة يعطيك الصحة فحلة تاكلوها بالصحة و الهناء
بشورة رابط الخبز يبان مليح بصحتك

ام ندى 87 · 2013-10-12, 11:35

ام ايناس العجينة متكونة من السميد يكون نوعيةممتازة و ملح وتلمي بالماء حتى تتحصلي على عجينة لينة والباقي الصور راهي تشرح
اي سؤال راني هنا

بشرى2008 · 2013-10-12, 11:35

اقتباس:

المشاركة الأصلية كتبت بواسطة إلهام07

هههههههههههه ام إيناس بيضي قلبك راهم هارجين مع العيد :d:d:d:d
خسارة لو كان جيت حاضرة لو كان طرت بيهم كي عادو هارجين ههههههههههههههههههههه
يعطبك الصحة

ماتزعفيش حبيبتي

طمطومة الله يبارك واش هذا أنا درت حاجة زعمة كادو لعضوة عزيزة عليا والله من الصباح نحاول في روحي باش نكتب اسمي في الصور خخخخخخخخخخخخخخخخخخخخ
ضرك نضرب طلة راهم الصور كباااااااااااار

بشرى خرج يهبل هههههههههههههه ضحكيتيني والمورال الهابط ههههههههههههههههه
قوليلي طري كيما الخبز العربي ؟ أنا شفتو عندي بزاف وعولت نجربو مزية جات فيك ههههههههههه خلاص توبة :d

يجي طري هايل انا عجبني خير ملي يطيب فوق الطاجين مباشرة ماهوش كيما الخبز العربي الخبز العربي يجي بزاااااااف فارغ الداخل هدا لا لا بصح شوفي ديريه وهربي من الدار راه الكسكاس مايبقى فيه والو هههههههههههههه انا كي نطلع للدار نشري واحد الحجرة تتباع فى المارشي نحكو بيها باش يرجع كيما كان هههههههههههههه

بشرى2008 · 2013-10-12, 11:39

طمطومة كاين ثان بيبا04 راهي جرباتو انا كي شفتو عندها جربتو
https://www.djelfa.info/vb/showthread.php?t=1249656

الأمنيات · 2013-10-12, 11:55

السلام عليكم ومبرووووووووك الكوزنه الجديده اختي المبتدئة
ربي يجعلها عامره بيكم وبي طيابكم المتنوع
وهذه الايام المباركه تكون خير على الجميع
الاخت ساره سعيدة بربها ربي يهنيك ويسعدك ان شاء الله الحال صعيب في الغربه
ومهما كانت سواء في بلادك ولا خارج بلادك المهم الواحد يكون بعيد على اهله تعتبر غربه
غدايا درت الجلبانه الحمد لله
وراح ندير قاطو الطبقات تاعي باليايورت

*أم ثازيري* · 2013-10-12, 12:00

سلام البنات
انا تغديت شربه
العشيه عندي ضياااااااااااف درت لهم شربه و بوراك و سلاطه
نريح شويه و نروح نحرم الجاج و تقشر رمان و ندير سلطه فواكه و حميس
درت قاطو الكفته و صورتو خساره ام الهضاب ماجاوبتنيش كيفاه نحمل من الآي باد
بنات شكون عندها فكره لتقديم السلطه��الضياف ديزيميقري و معاهم واحد قااااوري و الله راحولي الأفكار و الميزانية تسمح بالإطباق البسيطه و فقط

أم شيماءْ · 2013-10-12, 12:02

مبروك الكوزينة الجديدة
نروح نراجع ونولي ليكم

staifia · 2013-10-12, 12:03

صباااااااااااحو بناااااااااااات
مبروك الكوزينة الجديدة ,,,,
منيش مليحة ,,, اني في حالة

mounmoun18 · 2013-10-12, 12:05

السلام عليكم و رحمة الله و بركاته

مبروك الكوزينه الجديده

غدايه لوبيا

قلت نخدم حلوه الطابع راجلي يحبها
و بالاك بوسو و لا تمسو تاع تاع سيسى 26 بالفلون
الا جربتو كاش وحده تكقولي
و ادا عندكم وصفه مجربه مدوهالي

راني مازال نستنا في لوجه تاع الزياده راني ديباصيت لاداك بيومين
ماعاد حاليلي والو غير التخمام
نخاف نزيد نهار العيد ماكان لا طبيبه لا والو

ادعولي يسهلي ربي

ربي يوفقكم

إلهام07 · 2013-10-12, 12:13

اقتباس:

المشاركة الأصلية كتبت بواسطة ladymillion

هاااااااااااااي صباح الخيرات لبنات

غدا اليوم درت جلبانة بالسكالوب من بعد نجيكم بالصورة

خلصولي ايقونات الشكر لبنات راكم راااااااااااائعين بالاطباق لي راكم حاطينهم والله حراير نتاع الصح جو العيد هايل معاكم نتونسوا ببعض ان شاء الله ديما متهنيين
الهام الكاستال جا هاااااااااايل ماتوا عليخه خواتاتي كي جاو الصباح ذاقوه بارك الله فيك لهومة راهو مزال خليتلك حقك ياااااجميل ههههههه

ربي يعيشك
وااااااااااااااااااااي فرحتيني حقة حتى أنا جمعت 5 بياض هههههههههههههههه

راني نستنى في رئيس الحكومة يغفل برك والباقي عليا هههههههههههههههههه
والله يا ليدي غير الحاجة اللي نديرها تفسد راني مازال في نقطة 0 زعمة ولت نخلص القاطو بكري هاكي تشوفي

اقتباس:

المشاركة الأصلية كتبت بواسطة المبتدئة

كولومبو غير ماتتحيرش فزورتي ساهلة هايليك على المباشر

كيما قاتلك أم إناس غيري اسمك للمحترفة راكي ماخليتي فتيل ماخليتي رشتة ماخليتي أطباق وقاطو

يعطيك الصحة
ماتزعفيش والله راني شوية برك مقلقة مواح

SAMAH SAMAH · 2013-10-12, 12:19

السلام عليكم انا ابحث عن كتاب سميرة تسلية الفم ممكن الي تملكو تحطلي رابط تحميل
شكرا

ilbeldelmondo · 2013-10-12, 12:24

بشرى شكرًا بزاف
بتيلا واش راكي حتى اذا ماحبيتيش تهدري معايا انا نهدر اذا عندك tablette galaxy ادخلي عادي للنت و ديري gulfup رآه يخدم عادي اما Apple لازملو application spéciale