السلام عليكم ان شاء الله تكوني بالف خير يسرى .الخيانة خيانة سواء كانت من رجل او امراة و المشكل في وقتنا من كثرة الخيانات رجعنا نحاسبو على الخيانات الفعلية فقط اما خيانة النظر او الكلام فرجعت عادي و لا دخلناها في خانة النوغمال مهما كانت ظروف الزوجة و مهما كانت الاسباب و الدوافع الواحد مايقدرش يلقالها مبررات الخيانة حتى و اذا كان الزوج خائن و حقير و بدون اخلاق فهذا مش معنتها انو المراة تعاقبو بنفس الفعل .المراة الخائنة مجرمة بحق نفسها بحق اولادها و بحق حتى باباها لانو راه تعب في تربيتها و اذا غلطت مايقولوش زوجة فلان يقولو بنت فلان.الطفلة اذا تربات على اسس صحيحة و كانت عندها مستوى ديني لاباس بيه و علموها والديها تخاف من ربي قبل ماتخاف من كلام الناس هذا الشي راح يحميها .الزواج مسؤولية على هكا الواحد نهار يخمم يتزوج لازم يخمم الف مرة لانو مش ساهل باه الراجل يمد اسمو لاي طفلة و مش ساهل باش اي طفلة تقبل باسم اي راجل .و من الشي الي رانا نسمعوه والله الواحد مرات مايلقى واش يقول غير الله يهدينا و يسترنا .و الراجل اذا خاف على عرض الناس راح الناس يخافو على عرضو معنتها الي عندو شرف و يخاف عليه الي راه يلعب بيها تاني عندها رجال و يخافو على شرفها .انا حاجة مانيش قادرا نستوعبها اذا كانو ماشي متزوجين الواحد يقدر يفوتها مع انو حاجة ماتتفوتش انا الي راهي خالعتني كيفاش متزوجة و دير في هذا الشي و الحاجة الي تخلعني كثر هي الرجال كيفاش يدير هذا الشي و مع مرا متزوجة و المشكل كامل الرجال متاكدين انو الزنا دين راح يتردلو في الدنيا قبل الاخرة .والله الله يهدينا كاين شي ناس حثالة
( تقرير عن مشاركة سيئة )، و الموجودة أسفل كل مشاركة .
2013-09-28, 22:40
العرض الشجري