حول الحصيلة الطاقوية =)

[أحلام أمّة]

سااهلة نقولك علاه ؟ بسكو انا ما نعرفش فيزيا و ما نفهمهاش و راني حنجاوبك عليها بلا ما نطل على لكايي بسكو ساهلة لدرجة انو انا فهمتها هههههه المهم
دوكا يقولك الجسم يدي طاقة و يفقد طاقة باش نعرفو الحصيلة تاع طاقة لي فلجسم هاداك
نديرو معادلة
كيشغول متال نتي كان عندك 3 تفاحات و كسبتي 4 تفاحات و مديتلي 2 تفاحات شحال بقاولك ؟ 5 تفاحات يخي ؟

كيفاش عرفنا " ؟ درنا شحال كان عندك 3 + وش كسبتي 4 - وش مديتي 2
3+4 = 7 - 2 نلقاوها 5

هكاك الطاقة و الجسم
الجسم كانت عندو طاقة ابتدائية كسب طاقة و مبعد فقد طاقة حابين نعرفو دوكا شحال راهو عندو ندير

الطاقة الابتدائية + الطاقة المكتسبة - الطاقة المفقودة نلقاو الطاقة النهائية

هادا ماكان ساهلة ماهلة
و عذرا على التشبيه ههههه مي باش نفهمك
و كاين اجسام لا تفقد ولا تكتسب هادي نسموها اجسام معزولة طاقويا
الطاقة الابتدائية تاهم = الطاقة النهائية