الجزء 28 من : واش طيبتي اليوم *** - الصفحة 54

oum anas 69 · 2013-09-20, 08:20

نروح ندير الشغل و كي نقعد نجي نقرى الأرشيف

ام لقمان02 · 2013-09-20, 08:41

صباح الانوار وجمعة مباركة

<نَجْمَاتْ> · 2013-09-20, 08:51

جمعة مباركة باذن الرحمان للجميع

الدنيا · 2013-09-20, 09:35

صباح النور عليكم
و جمعة مباركة غذانا كي العادة دايما الكسكس على الطريقة المستغانمية
و شكو ن اللي ديره ؟؟؟ لاول مرة اختي التوام اللي مقصرتهالنا دكتوراه
اختي koka27

الدنيا · 2013-09-20, 09:43

لبنات العشية ندير الخشخاش او الملوي شفته البارح في قناة سميرة
3 كيلات فرينة كيلة ليدام فانيليا و نلمو بماء الزهر نخلوها تريح نص ساعة
و نحلوها رقيقة بالجزء في ماكينة العجين و شريحة طويلة بجرارة العجين نسوووها
من الاطراف لازم تكون مستطيل طويل و نسخنوا الزيت و نرفدوها و نسقط قد جزء منها
في الزيت و نبقاو رافدينها باليد اليسرى و اليمنى نرمي الزيت عليها كي تتنفخ و يخرجو
الفقاعات نسقط فوقه من نفس المستطيل طبقة اخرى و هكذا حتى نكمل كامل المستطيل
حتى نحصل لى طبقات غير منفصلة حتى يحمار نعسلوها و نقدموه

islam1aya · 2013-09-20, 10:00

صباحكم عسل حبيباتي

اختي دنيا بصحتكم مسبقا الخشخاش ماتنسايش الصور

مالو بصحتكم الكابوشينو لازم نجربو

ام انوس بالتوفيق مع الشغل والميناج

واش معولين اطيبو

nihale89 · 2013-09-20, 10:10

صباح الخير حبيباتي
صبحتو لباس
تعيشو اعطيوني طريقة البيري تجي بنينة حابة نديرها للغداء

القبطية · 2013-09-20, 10:11

اقتباس:

المشاركة الأصلية كتبت بواسطة oum anas 69

صباح الخير حبيباتي جمعة مباركة على الجميع
إن شاء الله اليوم مانطيبش الغداء بقالي فريكاسي من العشاء
حقى أم إياد و باتيلا طولوالغيبة إنشاءالله يكونو ملاح و بخير
صباح الخير القبطية مادامك هنا حبيت نقلك بلي راني درتلك موضوع على الكراميل السائل لي يزينو بيه التحليات إنتظريني ... حان وقت الجد مع المسابقة ياااااي
مالو بصحتكم الكابتشينو ممممممم هايل

lمشكورة اختي ربي يحفظك

tokio hotel · 2013-09-20, 10:12

صباح الخير عليكم اختى ديرى انتاع ام رامى

أم ياسين الزهراء · 2013-09-20, 10:36

جمعة مباركة

اليوم شخشوخة الضفر بالجاج وراح ندير تحلية ام انس امممممممممممممممم

nihale89 · 2013-09-20, 10:36

بارك الله فيكي اختي طوكيو
راني لقيتها صح مميزة

إلهام07 · 2013-09-20, 10:36

صباح الخير سامحوني ملنراجعش ياربي نبدى في التحضير للمسابقة قبل لا يلحقو بينا الضياف

الدنيا · 2013-09-20, 10:38

اقتباس:

المشاركة الأصلية كتبت بواسطة nihale89

صباح الخير حبيباتي
صبحتو لباس
تعيشو اعطيوني طريقة البيري تجي بنينة حابة نديرها للغداء

شوفي مرة طلبت دادو وحدة من الهام
قالتلها ديري 4 بطاطا تغليها بالقشور
و تقشريها و ديريها فالروبو مع ملح و فرماج كاس شاي حليب دافي صفار بيضة
ملعقة خل فنجان قهوة زيت تضيفيه بالشوية كيما تخدمي المايونيز و تنكهي بالثوم
حتى تخفاف و تتكثف كيما المايونيز قدميها مزينة بالطون طماطم

الدنيا · 2013-09-20, 10:40

اقتباس:

المشاركة الأصلية كتبت بواسطة إلهام07

صباح الخير سامحوني ملنراجعش ياربي نبدى في التحضير للمسابقة قبل لا يلحقو بينا الضياف

بنات دعواتكم لعمتي بالشفاء اليوم الجمعة راهي زادت دارتلها جلطة دماغية أخرى ومنعو عليها الزيارة وراهي فاقدة للوعي تماما

صباح ا لنور كي صبحتي
هيا نشجعك فرجينا ووريلنا الشطارة تاع الخبيز و التلبيز
ربي يجيبلها الشفاء يارب و يشفي جميع المسلمين

بشرى2008 · 2013-09-20, 10:45

الهام ربي يشفي عمتك ان شاء الله
الدنيا كي تكوني طسبي فى الخشخاش هاديك الجهة اللي تحطيها فى الزيت أرمي عليها الزيت بالمفغرف باش تتنفخ أمممممممممممممممممممممممممممممممم احنا منطقتنا معروفة بيه وكل البنات لازم يتعلموه
أنا راني جربت كورني بالجلجلان نتاع الغالية ليدي لكن اللي لمستو انو ملزمش يتقلي بزاف لاخاطر كي قليتو بزاف جاتني الحبة شوية يابسة خممت انو حتو ونديرها فى العسل ماهيش راح تتطرى بزاف
فطوري كرانطيطا أم سامي راهي تطيب ونستنى فى النتيجة