مساعدة لاني محتارة

[مشكلتي]

السلام عليكم و رحمة الله وبركاته
انا بنت 20 سنة عندي فيسبوك و لكن ما نحكيش مع الاولاد نحكي غير مع البنات المشكل اني تعرفت على بنت من الجلفة وهي كبير عليا 24 سنة حكينا مدة عادي بعد مدة طويلة قالتلي انا ارتحتلك ورح تحكيلك حكايتي قالتلي انها تعيش ظروف قاسية وباباها خلاهم و قالتلي هادا خلاها تتبع طريق مش مليح بش تجيب دراهم ربي يسترنا المهم انا تشوكيت ماعرفتش واش نقول وما وليتش نحب نحكي معها قلتلها علاه تحكي معايا من الاول وما يشرفنيش نحكي معك مع العلم انها كانت تحكي بكل ادب معايا بصح عملها غير شريف لكنها قالتلي اني كي حكيت معها تغيرت وحابة توب لربي قالتلي لانها اول مرة تحكي مع انسان مليح قالتلي ما تخلينيش المهم انا خفت على روحي و في نفس الوقت ضميري أنبني وليت ننصحها وهي وعدتني انها تترك هاد العمل بصح قالتلي انها هي الكبيرة وامها مريضة و عندها خواتها صغار هي تصرف عليهم حاولت نقنعها وقلتلها حاولي تبحثي على عمل اخر قالتلي ما لقاتش انا حبيت نسقسيكم لو كنتو مكاني واش ديرو معاها انصحوني نكمل نحكي معها او لا وانا حبيت نفيدها خممت اني نبحثلها على عمل بصح ما نعرفش الجلفة من فضلكم انصحوني او ساعدوها