واش نقدر ندير بالرية تاع الكبش؟

نورانيات · 2013-09-17, 14:49

السلام عليكم، حبيتكم تعاونوني راجلي جابلي اليوم معلاق تاع الخروف فيه الرية وقالي ديريلي طبق بهذه الرئة ما عرفتش واش نديرو غير اني نقليها دبرو علي راني حابة نديرها اليوم للعشاء

oumhana · 2013-09-17, 16:03

السلام ختي : ديريه شغل جواز يعني أغسليه مليح وديره تحت العين وعمريه بالما باه يتنق مليح من بعد غليه باه يرمي الرغاوي تاعو من بعدقطعيه صغير ديريلو درسه حمره بالثوم وآرمي معاه شويه جلبانه باه يزكى ومدريش بزاف الما وخليه يطيب كتحسي ليطاب نقصي للفونو تاعك وآرميلو شويه حشيش مقطفه (الدبشه)وخليه يتجمر الله الله وكيتتعشاي وتفريها ادعيلي باخير وبصحتكم

عماني نور · 2013-09-17, 16:31

أبعثيه يجيب شوية كرشة ،، و ديري بكبوكة ^^

كيما حصلك حصليه

،، و فالأخير جازيه بطبق بكبوكة معتبر ،، تبانلي أحسن وصفة بالرية

anaris · 2013-09-17, 16:55

سلام اختي الرية لازم تغليها في الماء فيه الملح وورقة رند وفلفل اكحل كمون وكسبر كامل حب لي مليح ويخرج الرغوة تاعو تكوني حضرتي صوص حمرا مع حمص لوحيها فيها وخليها تجمر وفي الاخير رشة معدنوس جي44444444444 قول راكي في الحم
ولا اختي اشوبها بعد ماتغليها راهي جيك سياهلة للتقطاع قطيعيها des tranchesوالى الطاجين وداويها بشوية كمون ملح ارلاجو انك استفتي

وبشر الصابرين · 2013-09-17, 17:23

ربي يعاونك انا ندير بيها غير البكبوكه

om mita · 2013-09-18, 20:20

غليها ومبعد قطعيها دي كارو .من جهة اخرى تكوني درتي بصل فطعتيه شرائح قليه ولوحي عليه الرية باه تتقلى لما تتقلى شوية لوحي عليها شوية ملح فلفل اسود كمون وكملي التقلية تاعها حتى تنضج الدواوات ومبعد امرقيها بشوية تاع ماء لما طيب ديري عليها معدنوس وكرام فراش ولا معندكش فرماج امير ولا مكانش فرماج عادي مع شوية ما وبالميكسور حتى يذوب وشهية طيبة والله عير جي روعة خاصة بلكرام فراش

نورانيات · 2013-09-19, 17:14

يعطيكم الصحة راني درتها بكبوكة جاتني هايلة ما تتشبعش

hakim ahmede · 2013-09-19, 19:52

قالك اول حاجة تبدا تتعفن هي الراة واهذا مجرد مرور ساعة تملاء ميكروبات ولهذا مع هاد الامراض في الجهاز التنفسي للماشية كالجنون والانفلونزا ترمى افضل وخاصة انو مافيها بنة