~طلب بسيط حول الصيدلة ~

[باربي الأصيلة]

السلام عليكم و رحمة الله ،،

اييييييييه جاونا ناس فيسديس و الحطة هههه أواه مالا حنا في النظافة مشي كيما فيسديس و البلاكارات تخطفي مع الأووول
و ثاني الأسرررة ،، و المطارح ديما عندنا مطرح في الأرض لووول علاجال الضيوف ليلة الامتحان بالاك كانت ضيفة برك ولا منعرف

ايه نسيت نقولك cyber تاعنا يتغلق على 6 في الشتاء و 7 في الصيف مايبقاش مفتوح كيما بن فليس حتى الليل خلاص الويفي مرات يديروه مرات ينحوه بالنفحة و تكالي حيط و لا كيما يكون مليح تشدي من sale d'étude بالصح بالسيف هههه

القراية عندك زوج دايما يشكيو منهم هوما physique w génétique
génétique احنا قراتنا لي تقري médcine بعد هي أستاذة ما شاء الله لكن les cntrls تاعها ثاني ما شاء الله هههه تركز بزاف على واش تقول و تعاود les cntrls لا كنتي فحلة navigué عليهم لاخاطر صعيب باش تلقي كنترولاتها

physique ماتقلقيش روحك فيها بزاف هي تقريب نقراو كيف كيف سنة اولى صيدلة و لا سنة اولى طب لكن الأستاذة تاعكم شوي صعيبة و les cntrls تاعها شوي تخلع ديما الطلبة و هوما جدد حتى يولو يقراو فيها غير هي و يهملو الباقي مالا ننصحك تقرايها بحيث تجيبي 10 تاعك فرات كاين les cntrls كتاب كامل تلقايهم عند صلاح

anato تشريو زوج كتابات تاع الدكتور صلاح حمودي تلقايهم عند صلاح ثاني لي مقابل la cité نصيحة يعني أكي تشوفي بعينك لا عاد زهرك مليح يحكمك الأستاذ تشير ما شاء الله تحفظيها في الكور بعد ولا كان زهرك شوي شوي الأستاذ تاعكم ربي يبارك يطبق الدرس في ربع ساعة احنا جانا مرة مابغيناهش شكينا للchef département .. حاولي كل يوم تحفظي ورقة و تراجعي بزاف واش حفظتي أكي تخدمي بيها من بعد ان شاء الله

physio تقريبا عندنا دروس مشتركة فيها فيزيولوجية الجسم و غيرو

embryo /histo/cyto كل وحدة تقراوها ثلاثي
histo ركزي عليها آي حلوة و تدي فيها نقاط ملاح فيها les tissux كاملين تاع الجسم كيما قرينا حنا بعد
embryo ثاني مليحة احظري الكور أستاذتكم ما شاء الله تشرح روعة انا مرات نحظر عندها لأننا قرينا كيف كيف
cytologie تقراو كيفنا سنة أولى يعني الخلية و مكوناتها ..


biochime حلووة بزاف انا العام هذا نقراها ان شاء الله فيها les glucides , les lipides , les acides aminés .. يتسمى الأساسيات تاع المواد في le corps humain

chimie générale بسييييييطة جدا لكن الأغلبية مايعطوهاش أهمية و هي تقدري تجيبي فيها نقاط هايلة استعيني ب les tds تاع الصيادلة سنة أولى مشروحة بزاف لكن احنا اكثر تفصيل عليكم فخذي العناوين لي تقراوها و اقرايها من عندنا مفصلة جدا و تفهمي روعة
اذا قريتي biologie راكم تقولولها chimie 1

bio /stat احصاء و احتمالات اعتمدي على الاحصاااااء اقرايه مليييييييح لاخاطر من بعد proba يصعبوها شوي

informatique هايل و تكرطني فيه النقاط ترفيهي نوعا ما فيه حفاظة شوي لاخاطر قرينا كيف كيف

هاذو هوما انتم ديرو 2 cntrls في أغلبية les modules لذلك زيري روحك مع الأول و ماترخفيش روحك و تقولي عندي الوقت و استعيني بالله و ربي يوفقك