هنا تجدون الاجابة للاغلب الاستفسارات في ظرف قصير

[amine eco]

المشاركة الأصلية كتبت بواسطة taktoka88

نعم خرجت بسبب فائض و لكن لازمك شوية معريفة اذا ماكانش العدد اللي راح يخرجوه بزاف
أنا ننصح كل واحد راهو رايح يعقبها
يدي معاه أي ملف
سواء طبي و لا كفالة و لا متزوج ولا أي سبب
لاخاطر في الدفعة نتاعي
قالولهم عيطو لأهلكم يبعثولكم ملفاتكم
وهوما يشوفو الملف عنهم برك ما يديوه للجدارمية ما يطلع للجزائر يشوفوه برك بللي صح والا راك متزوج و لا متكفل ولا مريض و يخرجوهم أنا هكذا شفت
و أنا خرجت بسبب فائض و الحمدلله بصح كاين اللي دخلو معايا و ما خرجوش بسبب فائض
والله غير مكتوب كل واحد و كيفاه
المهم أنا نصيحة ننصح بيها خاوتي
اللي جاتو لوردابال غير يروح و مايقعدش يحوس باش يدير سورسي
أنا غلطت غلطة ضيعت عام كامل وانا نجري على سورسي بش نخدم و في الأخير كرهت و طلعت و الحمدلله جات سلامات
ديرو ربي في بالكم وتوكلو عليه و ربي يجيبلكم اللي فيها الخير نشالله
ونزيدكم حاجة و الله فوت شهر تدريب
و ماهوش صعيب الحال كيما كانو يحكيولي
بالخصوص الجماعة اللي متخرجين
أولا راح تكون في الغرفة مع ناس متثقفين وقاريين كيما نتا ونفس العقلية
كيما أنا والله طحت في جماعة ماشاء الله
تربية و صلاة لا سرقة و لا هم يحزنون مانيش نقلك هكذا يعني دير روحك راك في جامع دير حسابك ديما
مي الحمدلله ماصرا حتى مشكل
ونزيدك حاجة كي بدينا نتدربو بداو يحكيولنا هاذوك اللي يدربو فينا
قالوننا هاذا اللي راكم تتدربو فيه كامل ماهوش تدريب حنا نعيطولكم جيش البابيش هههههه
صح ممكن تعاني شوية في الأيام الأولى
بصح والله كلش يولي عادي وتوالف
ربي يسهل لكل شاب نشالله
و ماذابينا كل ماتفوتوهاش
وربي يوفق نشالله

شكرا الاخ taktoka عندك حق بصح في اي ثكنة كنت وعلاه شدوك شهر ...هل لبست كومبا ؟؟؟؟