۝۞أعراسنا الجزائرية وما يسمى "بالنصيفة" مناداة بالزوال أم دعوة للاستفحال؟!!۞۝

[ام نسمة]

النصيفة في جهتنا مازالت كاينة لكن عائلتي حبسناها من زمااااااااااااااااااااااااااااااااااااااااااااااان مانديروها لا في ولد ولا في بنت ابدا لكن بالمقابل ماتقدرش ترفض الهدايا وكي نرجعوها نرجعوها باحسن منها هكذا هي تقاليد عائلتي
بكري وقت النية كانت حاجة مليحة وتشرف ونفتاخرو بعاداتنا لما كان القصد من النصيفة هي المساعدة فقط اما الان وقد اصبحت دين فاتمنى ان تزوول من مجتمعنا
ياعباد الله مازال كاين ناس يحطو سنيوة فوق راس العروسة ويبداو يبرحو بالمبالغ المقدمة وتبدا الناس تخزر لبعضاها ويستنو فلان شحال حط وفلانة شحالت حطت في هاذيك السنيوة
والعريس ليلة جماعتو يجيب واحد دفتر ويبدا يسجل فلان واش حط وفلان واش حط
والاغرب ما في الامر هههههههههههههههههه لاحظت انو اللي مازالو يعتامدو النصيفة ويفرضوها على المعازيم وليمتهم ماتكونش ذات قيمة كل شي سلاك والمدعوات كل وحدة تدي معاها عشرة وتحط 200دج هههههههههههههههههههه زعى تحرر دراهمها هههه تدي بناتها كامل وكناينها وتزيد حتى بنات الجوارين ههههههههه
يعني اتمنى ولو يرفع مستوى فخامة ومقامة عراسنا
حنا حتى المديرة وبطلناها نقومو كل شي وحدنا في الدار وكي يكون كاش واحد فقير نعطوله مساعدة غير محسوبة عليه
فعلا تحيا عقلية ماما .....شانها رفيع وولائمها عالية المستوى وكل شي بالقدر والشان