طلقني بسبب حلم

[soso sirin]

هذا نام عقرب امالا كون صابها صح كون راح شتكا بيك لابوليس و لا كيفاش الله يهدي ماخلق الناس خفافت من عقلها .ربي يعوضك الي احسن منو و راهي خير ليك لانو ربي مايمنع عليك الا الحاجة الي ماشي مليحة

[khawlita.dz]

هذا نام عقرب امالا كون صابها صح كون راح شتكا بيك لابوليس و لا كيفاش الله يهدي ماخلق الناس خفافت من عقلها .ربي يعوضك الي احسن منو و راهي خير ليك لانو ربي مايمنع عليك الا الحاجة الي ماشي مليحة

صحيح الاخت لكن ما فهمته انه اول الحلم عليها و كنها حاشى لله ان تكون كانها عقرب فى سريه
يعنى صدق احلامه
وهدا على حسب الاحوال مهزوز الشخصية و موسوس والاحسن انو انتهت العلاقة بهده الطريقة احسن
هدا ما فهمته و عدرا على تدخلى
واكيد الخير فيما اختاره الله

[مريم الصابرة]

السلام عليكم
هذيك العقرب لو قرصاتو وهناتنا من عقليات هكذا قوليلي هذا علاه تخطيبتيلو عقليتو سطحية ربي يهديه واش نقولك ربي يعوضك واحسن بزاف من رحتيلو اي امر يصرالو يرجعو عليك سبحان الله لو نام لفعى واش يديرلك ياخي حالة الرجال هذو راهم غير يزيدو يهبلو لقاونا حنا رفدنا هبالهم الله يهديه الله يهديه

[ام نسمة]

المشاركة الأصلية كتبت بواسطة soso sirin

هذا نام عقرب امالا كون صابها صح كون راح شتكا بيك لابوليس و لا كيفاش الله يهدي ماخلق الناس خفافت من عقلها .ربي يعوضك الي احسن منو و راهي خير ليك لانو ربي مايمنع عليك الا الحاجة الي ماشي مليحة

هههههههههههههههه وسيلة ضحكتيني يامحاينك والله غير يديرها
شر البلية مايضحك

اختي صاحبة الموضوع اسمحيلي نقولك عندك الزهر سلكتي منه قبل ما تروحي عنده نورمالمون تفرحي وجامي تغيضك وعلى جهازك عادي خبيه باش كي يكتبلك ربي تلقي روحك واجدة ماعليك غير تلبسي الفستان الابيض وتزفي الى عريسك ان شاء الله عما قريب

[الفولاذ الحي]

قال تعالى: .....وعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ} البقرة 216

[عبدالرحيم75]

واش راح ديري بلي يحلم ويخرج وحدو و يطلق للروحو ؟؟؟
هناك ربي ،راهم راضيين عليك والديك
الخيرة فيما اختار الله
ماكيش نتاع وجهو

[naamane3]

من الاحسن ان تفرحي لا تحزني لانك
لو توزجت لقرصتك العقرب انت وليس هو

[AMINA.Z]

كلشي يفوت توكلي على ربي و انساي

[sophisimaos]

المشاركة الأصلية كتبت بواسطة قمر السلام

انا بنت كنت مخطوبة ومن المفروض عرسي كان 1 سبتمبر 2013 وجدت كل شي مابقالي غير نلبس فستان عرسي حلم خطيبي بلي عقرب في فراشو ا عيط لوالدي في التلفون وقالو بنتك متلزمنيش .

احمدي ربي صراتلك دوك خير ملي تصرالك مور الزواج

[sabra2009]

تهنيتي من شبه رجل أو من هذا الذكر أحمدي ربي..
أنا أيضا طلقت أشهر قليلة بعد زواج وكون جيت حاسة راني حتى نهار عرسي أنبطل..
أشباه الرجال إيطلقوا على حاجة بسيطة جدآآآا ، أنا طلقت بسبب رئيسي هو عدم العمل، ما نتكلمش على السب و الشتم من أمو...؛ رددي حسبي الله هو نعم الوكيل اللهم أجرني في مصيبتي وأخلفلي خيرا منها

[sali-sali]

واش نقولك انتي علاش تحكيله كل شي...حتى واش شفتي في المنام ؟؟؟ بزااااااااف

لكن تاني نقولك راكي عرفتيه كي داير ..وممكن تهنيتي منو

ربي يعوضك خير منه ان شاء الله

[ilosa23]

هناك ربي منو
ومادام شاف عقرب معاه وبطل عليك معناتها ماراكيش انت هي العقرب اللي رايحة تعيش معاه
ربي يعوضك خير
اكثري من قول حسبي الله ونعم الوكيل
وربي يرزقك بسيد سيدو

[sabra2009]

المشاركة الأصلية كتبت بواسطة ilosa23

هناك ربي منو
ومادام شاف عقرب معاه وبطل عليك معناتها ماراكيش انت هي العقرب اللي رايحة تعيش معاه
ربي يعوضك خير
اكثري من قول حسبي الله ونعم الوكيل
وربي يرزقك بسيد سيدو

هههههههه
نستعرف بيك أختي، والله تفسير ذكي جدآآآا
أنا طليقي حلم بي نخنق فيه ثلاث مرات مديلي تفسير...

[تائبة الى ربها]

ما نديروش constat بلا ما نسمعو للطرف الثاني وانتي كيفاش علابالك بلي هادي هي السبة؟وبالاك هو صلى استخارة و كي شاف الحلم فسرها بلي لازم يفسخ ويكون خير ليكم في زوج
المهم كيما قال ربي سبحانه "عَسَى أَنْ تَكْرَهُوا شَيْئاً وَهُوَ خَيْرٌ لَكُمْ" و انت حمدي ربي على كل شيئ وربي يرزقك الزوج الصالح ان شاء الله

[biti]

مبروك عليك تهنيتي منو