السلام عليكم و رحمة الله صح فطوركم ما نطولش عليكم
1_أنتم علمييين ركزوا على الرياضيات و الفزياء و العلوم و باقي المواد ساعة واحدة في الاسبوع تكفي
2_اعتمدوا على التمارين و كتاب أحمد أمين خليفة و أيضا الكتب الصغيرة في العلوم منشورات كليك
3_ المواضيع في الرياضيات و حلوا مواضيع من كل الولايات لان الباك يكون على المستوى الوطني و ماشي استاذ واحد لي يدير الموضوع
4_الفزياء ليكور يكفيوه و المواضيع الكتب لا انصحكم بها في الفزياء و الرياضيات المواضيع ثم المواضيع و ليس الكتب
و لكن الكتيبات الصغيرة مثلا كتاب خاص بالمتتاليات و كتاب خاص بالدوال من منشورات كليك هاذوك ملااااح
5_كتاب واحد في كل مادة يكفي ما تكثروش كيما درت أنا و ملحقتش ليهم
6_ننصح التلاميذ لي عندهم الاطفال بزااف و الضيق في الدار يقراو شوية في المساء يرقدوا على10 و ينوضوا علىال5 و يماركوا في كاش مكتبة و لا يروحوا للمسجد الذكور
7_خاوتي و الله نقولهلكم من قلبي العين حق ما ديروش سمير بالقراية نورمال و الله الناس ما ترحم سقسي المجرب و لكن دايما كلش بمكتوب ربي و الحمد الله
8_ديرو ليكور في الرياضيات و الفزياء و العلوم لي يقدر و لي ضعييف برك و لي عندو دراهم و حب يزيد ليكور نورمال
9_ابذلوا جهدكم و توكلوا على الله و اكثروا من الصلاة و الدعاء الله كريم و لا يضيع اجر المحسنين
8_روحوا بالشوية مع القراية و اياكم و السهر و كثرة المراجعة و الله تمرضوا انا مرضت شحال من خطرا و جارتي جاها القواتر اي الغدة الدرقية
9_ ما تقنطوش روحكم الباك اعطيولوا حقوا ماشي اكثر
10_ كونوا طماعين في العلم و ديروا 18 في عينيكم قوا ارادتكم وسعوا خاطركم الحفظ ما تبداوهش حتى الفصل 2 و الله تنساو اعتمدوا على الفهم
11_ التاريخ و الجغرافيا تسحق منهجية اتعلموها هي الصح و الثقافة لازم و سلاسة اللغة اتعلموها
12_اللغة العربية اقراو في العام و اشريو كتاب واحد للمواضيع و زيدوا مواضيع م الجلفة و مواضيع الثناويات الاخرى يكفوا
13_بالاكوا تحفظوا الفلسفة اقراو المقالات بزااف واتعلموا المنهجية و تبعوا في القسم مليح و افهموا
باقي النصائح نزيدهالكم المرة القادمة ان شاء الله انتظروني و ادعولي نجيب الباك معاكم بتقدير و ندير الطب
و تذكروا تقراو و تتعبوا تديو تلك سنة الله و لن تجدوا لسنته تبديلا صح صحوركم