الى كل مِن وُجِّه اِلىَ قَسنطينَة 3 - العلوُم الطبيَّة - فَلنَعُد القآئِمَة ~

[.زَيْنْ الْدِيِنْ.]

المشاركة الأصلية كتبت بواسطة Hind_dz

يسمى نفهم من كلامك بلي مام تعهد الولي هذاك ما نقلقش روحي بيه؟

و يعطيك الصحة خويا،، والله عاونتني..

شوفي كي تجو داخلين تروحو لواحد المدرج فور بزاف '' داروها غير للمحاضرات ميقراوش فيه ههه غير كي يجو كاش دي بروفسور وثاني للندوات '' يعطوكم استمارتين للمعلومات و ظرفين كبار فيهم معلومات تمليهم وتصريح شرفي تمليه حتا هو ،،، و ممبعد تجيكم واحد الأخت تهدر غير فرونسي هههه مفهمنا فيها والو .... تروحي عندها تشوفلك الملف تاعك واللي راح يكون :
الكشف الاصلي
شهادة ميلاد
بيان التوجيه
تصريح شرفي
استمارة
5 صور
3 اظرفة معنونة
.... هاذو تحطيهم في احد الاظرفة
و عندك
كشف مصادق عليه
شهادة ميلاد
استمارة
نسخة عن بيان التوجيه
هاذو ديريهم فالظرف الآخر
- - - -
كي تشوفهم هاذيك الاخت ،،، تطلعي بيهم لقسم الاعلام الآلي (( راه en face للمدخل تاع الشالي )) تخلصي 200 دج يعطوك كيتونس ،، و تدخلي للغرفة لي فيها الاجهزة تزيدي تلقاي واحد الاخت تفحصلك الاظرفة في 2 و كاين واحد الراجل تمديلو فوتو يسكانيهالك و يرجعها ....
كي تكملي تدي الاظرفة تاعك و تروحي للادارة جاية قريبة من ثم ،،، تدخلي تلقاي واحد الاخت ههه تفيريفيلك الاظرفة و تحكم عليك واحد فيهم و يعطوك الثاني تزيدي ديري لاشان في واحد القسم تدخلي تمضي و يحكمو عليك الظرف الثاني و يعطوك شهادات التسجيل
كي تجي خارجة تلقاي واحد يعطيك el badge تاعك
- - - - -
بعدها تروحي للمدرج 2 و تكملي ملفات المنحة ، الايواء و التأمين
--------------------------------
هاذا ماكان