اريد عمل مشروع صغير بـ 20 مليون - الصفحة 3

the_leader · 2013-07-27, 03:15

اقتباس:

المشاركة الأصلية كتبت بواسطة الخضر

اخي the leader المبلغ ماهوش هو المشكل اتبع ما قاله المثل الصيني المثل يقول اذا كنت لاتمتلك ابتسامة فلا تفتح دكان اي مشروع بدايته المعاملة الحسنة
عندنا اخ نقولولو السلفي والله تدخل بلا ماتشري تتمنى تاخذ الدكتان باكمله من المعاملة الطيبة وهو مشهور عندنا يقلك عند اشري معندكش ادي ونستناك ياخي اتبع الفصول اي كل فصل بتجارة معينة وانت اعلم نحن على ابواب الدخول المدرسي قريبا اشتري لك عدد من المحافظ والكراريس والاقلام تاجر متجول في الاسواق انها بداية تجارة مربحة بدل الخضار بحيث فيها خسارة عندما لاتباع وانت اعلم بذلك ومدمت نويت بالعمل الحلال فاعلم ان الله معك اليك تجارة اخرى مبذربحة اكثر من الاولى العطور وما يلزم من الاطفال من الحفاظات وبيع بالجملة وستر ى المال يدق باب منزلك دقا وهذا بتجربة جار لنا والله الموفق الله يعاونك ....

والله كي قريت ردك طلعلي المورال وتفائلت في الدنا شوي هههه
صح المعاملة هي الصح لكن بعد تجربتي الأولى
المعاملة الزينة تجيب مع النساء ومع الشبيبة
لكن الرجال الكبار والله معرفتهم خسارة ويبدلك بـ5 دينار

اثار اهتمامي تتجارة الحفاظات ولوازم الاطفال
20 مليون تكفي؟ + ممكن تزينا شوي معلومات عليها

اقتباس:

المشاركة الأصلية كتبت بواسطة samira135

بما إني من الجلفة نقدر نمدلك افكار تمشي في ولايتنا

1- افتح مكتبة عند الجامعة "دير فوطو كوبي" وديرها ب 2 دج ديجا لي ثمة دايرينها ب3 دج ولاشين مانحكيلكش في اليوم على الاقل يجيب مليون
هاذي صح فكرة ونظن الـ20 مليون تروح قافي الكرى هههه
2- افتح بيتزيريا عند الجامعة ولا موقع يكون مليح

3- افتح محل بيع الحلويات ومذابيك تكون الحلويات مصنوعة في دار تعامل مع وحدة ولا زوج هما يخدمو وانت بيع ماشية ومربحة يااااااسر وعلى ضمانتي واذا عجباتك هذي الفكرة قلي نشوفلك لي يخدمولك
مثير للاهتمام لكن مانيش متحمس لحوايج الماكلة + لازملها بلاصة مليحة= الكرا غالي
بالتوفيــــــــــــق

اقتباس:

المشاركة الأصلية كتبت بواسطة فارغ شغل

السلام عليكم
احسن فكرة نشوف فيها من وجهة نظريافتح محل للوجبات السريعة
فى الجلفة الجديدة
يكون نقي ونظيف وماذا بيك تخيرو فى طريق مقابلة لي تدي للجامعة
وردلي بالخبر
ديجا كاين واحد برك يبيع الوجبات السريعة ثم
والربح الله يبارك
حاول ونوع واصبر عليها
ان شاء الله تلقا فكرة تعجبك

مش لازم نطيب أنا والا نقدر ندير خدام ؟

شكرا جميعا على الاهتمام والمشاركة
في انتظار أفكار أكثر وشرح للافكار السابقة

the_leader · 2013-07-27, 03:30

وش رايكم في حانوت سميد؟
في حي بوتريفيس اغلب السكان هنا يخبزو يعني يستهلكو الدقيق
والكرا شوي رخيس
وش رايكم؟

حمري بارص · 2013-07-27, 11:18

ربي يوفقك اخي ان شاء الله

khaoula koko · 2013-07-27, 15:25

Allah ywaf9k khoya

N@BIL · 2013-07-28, 04:21

السلام عليكم

اخي بالنسبة للمبلغ تاعك انا نشوف احسن حاجة انك تفتح محل ديكورات جبسية ليقورج وكارو بلاطر راك تعرف متتطلبش بزاف وفيها الفايدة تشري القوالب يبقاولك طول وتشري الجبس ارخص مواد البناء الجبس وتخدم وتبيع وايدا حبيت اي استفسار بهذا المجال راني هنا شريكي والقوالب المشهورين في الدزاير قليل لي يعرفهم وين يتباعو وهي شركة تستورد من شركة ايطالية يعني احسن القوالب كاين لي يخدموهم هنا في الدزاير وبلا منكمل كي قتلك يخدموهم في الدزاير وايدا شفت فيها حاجة راني هنا والله بلي نقدر عليها
عجبتني في ردك كي ابتعدت عن مقهى الانترنت والله بارك الله فيك انا تاني كنت نفكر فيها بصح نضن فيه تخلاط الحرام بزاف ورانا هنا ان شاء الله نعاونوك باش تسترزق بالحلال

وربي يوفقك

سلام عليكم

أم الولدين · 2013-07-28, 11:33

ربي يوفقك و ييسر امرك و يرزقك من حيث لا تحتسب

cherif77 · 2013-07-28, 14:39

افضل مشروع بهذا السعر هو بيع مواد التنظيف شرط ان يكون الموقع مناسب ربي يرزقك لحلال و يباركلك

منال9 · 2013-07-28, 14:51

ربي يوفقك أخي

abou mustapha · 2013-07-28, 23:06

اخى الكريم

كاين وحد المثل يقول

الى عينو فى الربح العام طويل

وكاين مثل أخر عند الاباضيين يقول

العام الاول من التجارة خسارة والعام الثانى رد راس المال والعام الثالث ربح

اتمنى ان تكون قد استفدت من كلامي

أحْمد أمير · 2013-07-28, 23:23

يعني السبار حرام و قاعة للبلايستيشن حلال ؟

the_leader · 2013-07-30, 13:21

اقتباس:

المشاركة الأصلية كتبت بواسطة n@bil

السلام عليكم

اخي بالنسبة للمبلغ تاعك انا نشوف احسن حاجة انك تفتح محل ديكورات جبسية ليقورج وكارو بلاطر راك تعرف متتطلبش بزاف وفيها الفايدة تشري القوالب يبقاولك طول وتشري الجبس ارخص مواد البناء الجبس وتخدم وتبيع وايدا حبيت اي استفسار بهذا المجال راني هنا شريكي والقوالب المشهورين في الدزاير قليل لي يعرفهم وين يتباعو وهي شركة تستورد من شركة ايطالية يعني احسن القوالب كاين لي يخدموهم هنا في الدزاير وبلا منكمل كي قتلك يخدموهم في الدزاير وايدا شفت فيها حاجة راني هنا والله بلي نقدر عليها
عجبتني في ردك كي ابتعدت عن مقهى الانترنت والله بارك الله فيك انا تاني كنت نفكر فيها بصح نضن فيه تخلاط الحرام بزاف ورانا هنا ان شاء الله نعاونوك باش تسترزق بالحلال

وربي يوفقك

سلام عليكم

والله عجبتني الفكرة نتاعك وصح ما تحتاجش ماتريال ياسر واليلعة رخيسة
نزيد نسقسي عليها عندنا ويسعدني اني نتصل بيك خويا العزيز

اقتباس:

المشاركة الأصلية كتبت بواسطة cherif77

افضل مشروع بهذا السعر هو بيع مواد التنظيف شرط ان يكون الموقع مناسب ربي يرزقك لحلال و يباركلك

صح ممكن لكن لازم بلاصة مليحة == كرا غالي (يلحق حتى 3 ملايين!!!) وانا راس مالي قليل

اقتباس:

المشاركة الأصلية كتبت بواسطة abou mustapha

اخى الكريم

كاين وحد المثل يقول

الى عينو فى الربح العام طويل

وكاين مثل أخر عند الاباضيين يقول

العام الاول من التجارة خسارة والعام الثانى رد راس المال والعام الثالث ربح

اتمنى ان تكون قد استفدت من كلامي

في تجربتي الأولى والله صرعوني بحكمة المزابي اللي قلتي عليها
وأنا متأكد بللي مكانش منها
أنا درست علوم تجارية وعرف بللي القاوري يقدر يعرف المشروع رابح والا خاسر من الورق يعني قبل ما يبدا حتى
أما باش نستنى عام ووعامين باش نعرف كاين الربح والا لالا فصراحة ما نقدرش وما ظنيتش كاين منها

اقتباس:

المشاركة الأصلية كتبت بواسطة اسدالجزائر

يعني السبار حرام و قاعة للبلايستيشن حلال ؟

في البلايستيشن كان الشات وكاين الفيديو كليب وكاين الإباحيات
صح حرام

the_leader · 2013-07-30, 13:22

شكرا جميعا على المشاركة في الموضوع
أتمنى من الجميع طرح أفكارهم ومشاريعهم
لوكان جات عندك 20 مليون وش ديير بيها؟