لمتنا غير في شهر الخير

[oum radja]

السلام عليكم و رحمة الله و بركاته
راني طولت الغيبة و تكاسلت نوعا ما في وضع تطبيقاتي نظرا لعدم تمكني من دخول المنتدى في العديد من المرات
المهم راني جيت و حبيت نوريلكم ام رجاء كيفاش راهي مع رمضان

الحمد لله الصلوات في اوقاتها مع التلاوة من 4 الى 6 صفحات قبل و بعد كل صلاة ما عدا المغرب
راني كملت الختمة الاولى و راني في 12 حزب من الختمة الثانية
صلاة التراويح مع زوجي
قيام الليل صلاة ركعات حسب المستطاع قبل الفجر
التسبيح و الدعاء

مواصلة تحفيظ القران لبنتي اللي عمرها 4 سنوات و نصف راها في سورة الهمزة
جاتها صعيبة شوية
مع مراجعة الادعية اللي حفظتهم في الروضة و الحرص على متابعتها لبرامج تلفزيونية هادفة


ماكانش حاجة جديدة غير الاهتمام اليومي بنطافة الجسم
مثل الاستحمام و غسل الاسنان و مشط الشعر و ترطيب اليدين و الارجل

و الجانب التنطيفي عادي و الحرص على عدم تراكم الاشغال و ميناج للدار يوم بيوم

خلال هاذ الشهر الكرم حرصت دايما باش تكون المائدة تاعي فيها نوع من التغيير و التجديد و هاهي بعض الاطباق اللي حضرتها
طبعا ما صورتش الحريرة و الاشياء الي نديرها بشكل يومي
هاذا طاجين بالبصل و الزبيب و يحبوه افراد عايلتي بالزاف

و هاذو لي بروشات



و هاذي دجاجة ديزوسي محشية بالكفتة و الروز و البيض طيبتها في كيس الشواء



و هاذي une tourte بالعجينة المورقة عمرتها بالطون



و هاذا بريك طايب في الفرن الطريقة تاع باتيلا يجي خير من المقلي

[oum radja]

و هاذا كريم كراميل تاع ام اماني روووووووووووعة درته 2 مرات الاولى في قوالب صغار و الثانية في قالب كبير و يطيب في الكوشة احسن



و هاذي تحلية بالكاراميل و الشوكولا تجي بنينة




و هاذي une buche glacée


هاذا الرابط تاعها
https://www.djelfa.info/vb/showthread.php?t=1374800

الحمد لله رمضان يجي و يجيب كل خير معاه
يارب ادمها نعمة و احفظها من الزوال


الحمد لله في هاذا الشهر الفضيل تمكنت من ختم القران رايحا نختم مرة اخرى انشاء الله و ربي يوفقني باش نواصل بهاذ الطريقة على مدى السنة
و ربي يتقبل منا الاعمال راني نفطر شخص تقريبا يوميا
و احيانا نمد صدقة و لو كانت قليلة


الحمد لله راح عليا هاذاك التكاسل في القيام للصلاة
و هاذا العام تخليت على البرامج التلفزيونية الا اذا كان برنامج طبخ
و هاذا ماكان انشاء الله ما نكونش طولت عليكم