|
قسم العصائر و التحليات الوصفات حصرية لأعضاء منتدى الجلفة |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الوصفه لي طلبتوها تارتلات بالفواكه من عندي بالتفصيل
|
أدوات الموضوع | انواع عرض الموضوع |
2013-07-19, 23:25 | رقم المشاركة : 1 | ||||
|
الوصفه لي طلبتوها تارتلات بالفواكه من عندي بالتفصيل
السلام عليكم نزولا عند رغبة بعض العضوات حبيت نحطلكم الوصفه لي نتبعها لتحضير التارتلات بالفواكه و كريم باتسيار اولا العجينه انا نستعمل لابال 75 غرام وتكون بارده هذا السر الاول الفرينه نستعمل 150 غرام وتكون مغربله مع 50 غرام سكر رطب وقرصه ملح ونخلط الكل ومن بعد نزيد صفار بيضه و نجمعها مليح بدون عجن و نشكل كريات و نخليها بصاشي ونحطهم في الكونجيلاتور نجيبو مول تاوعنا والا مول كبير ندهنوهم مليح بالنسبه للمول انا نستعمل مول لي فيه القعر من تحت كيما الصور حتى يسهل عليه المهمه نجيبو العجينه ونفرشوها فوق من الصاشي و نورقوها ونحطوها في المول ونثقب بالفرشيطه وحتى نضمن العجينه ماتنتفخش هذا سر ثالث وقت الطياب نخلي صاشيات صغار من فوك المول و نحطو باقوليات عليها تخلوها بشكل خاص لهذا الاستعمال ونخلي المول في الكونجيلاتر شوي ونشغل الفرن من بعد نحطو المولات في الفرن غير شوي ونخرجوهم نوخرو الصاشيات ونرجعهم نخليهم يطيبو مليح في درجة 200 نوجدولاكرام باتسيار في هذاك الوقت ونخليها تبرد الكيفيه نغلي نصف لتر حليب نضرب بيضتين و نزيدلها 150 غرام سكر ثم 70 غرام فرينه ونضيف شويه من حليب مغلي ثم نرجع الكل مع الحليب الباقي على النار ونخليها تثقال ونضيف الزاست لي حبيت ليمون او برتقال انا ضفتهم الاثنين خرجوهم و عمروهم وزوقوهم كيما تحبو وتقدرو ديرو جلي من فوك باش يلمع انا ماكانش عندي والصور هنا بالموضوع https://www.djelfa.info/vb/showthread.php?t=1365336 وشهيه طيبه
|
||||
2013-07-20, 00:18 | رقم المشاركة : 2 | |||
|
من فضلك قوليلي علاه تتكسر راهي مبسة ياسر قهرتني |
|||
2013-07-20, 00:36 | رقم المشاركة : 3 | |||
|
بارك الله فيك
رائع ربي يعطيك ما تتمناي على هاد الوصفات يسلمو يديك يا شاطرة |
|||
2013-07-20, 01:04 | رقم المشاركة : 4 | |||
|
وعلاش جربتيها
شوفي حنونه هي مبسه مي لازم تخليها في الكونجيلاتور اول حاجه واقعدي تخرجي بلكريه وديريها في وسط الصاشي وتورقي كي تحبي ديريها في المول رفديها بالصاشي قلبي وحطيها في المول ونصيحه كل ما تجي مبسسه كل ما تجي بنينه عن تجربه ما تكثريش الفرينه منورين |
|||
2013-07-20, 01:06 | رقم المشاركة : 5 | |||
|
نسيت حاجه ماتورقيهاش بزاف يعني خليلها شويه ايبيسور ولا تتكسر |
|||
2013-07-20, 01:55 | رقم المشاركة : 6 | |||
|
شكرا حنونة مي راهي تتكسر بعد منحيها من المول مع اني نخليها تبرد خاصة تاع القارص من لفوق مورانغ حتى وليت ندير لا بات تاع السكر |
|||
2013-07-20, 11:39 | رقم المشاركة : 7 | ||||
|
اقتباس:
استعملي زبده بارده واتبعي نفس الوصفه وبالنسبه لصفار البيض مرات يكون بزاف ما تحطيهش كاع ديري غير قيس ما تلتم لعجينه واذا راح تتكسر من تنحيها لازم الايبيسور في المول يكون كبير تاع العجينه واذا استمر نفس الشي انا عليه نقولك نقصي لوكان مغرفه زيده كي تديريها بالقارص و بالمورانغ |
||||
2013-07-20, 12:07 | رقم المشاركة : 8 | |||
|
|
|||
2013-07-20, 12:47 | رقم المشاركة : 9 | |||
|
شكرا امنيات |
|||
2013-07-20, 13:07 | رقم المشاركة : 10 | |||
|
يعطيك الصحة يا اختي |
|||
2013-07-20, 13:21 | رقم المشاركة : 11 | |||
|
منوره حنونتي |
|||
2013-07-20, 14:08 | رقم المشاركة : 12 | |||
|
ان شاء الله نجربها و يارب تخرجلي كيما نتاعك |
|||
2013-07-20, 14:47 | رقم المشاركة : 13 | |||
|
شكرا الله يخليك |
|||
2013-07-20, 14:49 | رقم المشاركة : 14 | |||
|
روعة... بارك الله فيك |
|||
2013-07-20, 16:17 | رقم المشاركة : 15 | |||
|
السلام عليكم |
|||
الكلمات الدلالية (Tags) |
الوصفه, بالتفصيل, بالفواكه, تارتلات, عندي, طلبتوها |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc