انطلاق أفضل تصديرة **02** - الصفحة 4

فريولة ابتسام · 2013-07-19, 15:26

مشكور جدا الاخ عمر على المجهودات الي راك تبذل فيها والله ما لقيت واش نقولك تاع الصح البداية لم تكن في المستوى وحطمت كل المعنويات اتاعنا بعدما كنا نستناو في المنافسة الكبيرة بصح واش نقولك ماتقلقش روحك احنا رانامعاك دايما وشكرا لاستمرار المسابقة

ام مريم اسراء · 2013-07-19, 15:41

الله الله روعة كنت متشوقة باش نشوف مسيرة المسابقة و مع انسحاب المشتركات إلا ان التنفيذ وااااو رائع بصراحة لست من محبات جبب الدار و لا نحب نخيطهم أنا اول ما تفاجاة في التصميمات موضوع التنفيذ فعلا أخي عمر كل يوم تتأكدوا من ذوقك الراقي ما شاء الله و المفاجأة غير المتوقعة هي في التنفيذ مع انو الفارق بين الأختين خديجة و فراولة نقطة واحدة إلا أنكما كنت ما في المستوى من حيث التنفيذ و التقيد بالتفاصيل و التشطيب كان سوبر ممتاز يسعدني ان نلبس من تصميم الأخ عمر و من تنفيذك ما فعلا مخيبتوش ضني كمتتبعة و التزامكما كان في حد ذاته تحدي و ينبأ بأخلاق ومسؤولية الخياطة للأسف أهذا الجوهر الذي افتقدناه في هته المهنة
في انتظار التحدي الثاني بكل شغف أتمنى كل التوفيق
صح فطوركم

biba04 · 2013-07-19, 17:38

مساء الخير وجمعة مباركة على الجميع
فريولة وخدوجة يعطيكم الصحة راكم في المستوى التنفيذ رائع فقط خدوجة اللون كان فاتح اما التنفيذ جيد جدا
وراني فرحانة لانو الاخ عمر راح يكمل المسابقة في بعض الاحيان 2 احسن من 10
بتوفيق بنات وراني في المتابعة

خدوجة شكر · 2013-07-19, 19:20

صح فطوركم اولا نشكر كامل لتبعون وثقو فين خاصة الاخ عمر لانه عزم على اكمال المنافسة رغم البداية الاانه رفع التحدي ونشاءالله منخجلوهش ونتمنى ينضمو لينا منافسات جداد واخيرا نحي اخت ابتسام على انجازها الرائع والمميز

stayfiya · 2013-07-19, 20:41

الله يبااارك والله خرجو باهييين نستعرف بيكم درتوها نحب الوحدة تكون عندها عزيمة وكي تحط هدف بين عينيها توصل ليه. مشكوور اخ عمر كي كملت المسابقة و انا بالنسبة ليا معلييش نبداو المسابقة بزوج متسابقات بدى وهجهم يبان من البدايه ولوكان انا جيت في بلاصتك يا الاخ عمر كون العضوات لي شاركو و انسحبو بدون عذر ولا ادنى احساس بالمسؤولية انعم مسؤولية هاذ العضوات للاسف لازم يتحضرو هكذا لي يخمم ينْظٓمْ لمسابقة في المستقبل يكون على علم و دراية بشروطها خاطر ماراناش لهنا للعب ، شوية !!!،كل حاجة عندها حدودها نتمنى العضوات ل نسحبو يتعلمو الالتزام في حياتهم سواء نتاع الصح ولا هنا في الفيرتيوال اونفان حنا ماراناش نشوفو ربي لي عالم بالنيات ربي يوفقكم و صدقوني راح تستفادو بزاااف ورانا معاكم للخر

خدوجة شكر · 2013-07-19, 23:22

صح فطوركم لبنات حبيت نسقسي كيفاه تكون منافسة غير بثنين والله غير شوية فلو وين راهم الخيطاة والا حتى المبتدات هذي فرصتكم باش تستفادو ونحسنو من ذاتنا متخذلوناش وشركو بلجملة عكس الانسحاب الجملة عونوني لبنات
باش نحرك المنافسة شوية وماتبقاش غير في2هذي باينة واحد1 والاخر2 وين كوم ياالمخضرماتساعدونا حتى يرجع للمنافسة روحها ومتفشلش من الدور الاول

صاحب الامل · 2013-07-19, 23:44

اقتباس:

المشاركة الأصلية كتبت بواسطة خدوجة شكر

صح فطوركم لبنات حبيت نسقسي كيفاه تكون منافسة غير بثنين والله غير شوية فلو وين راهم الخيطاة والا حتى المبتدات هذي فرصتكم باش تستفادو ونحسنو من ذاتنا متخذلوناش وشركو بلجملة عكس الانسحاب الجملة عونوني لبنات
باش نحرك المنافسة شوية وماتبقاش غير في2هذي باينة واحد1 والاخر2 وين كوم ياالمخضرماتساعدونا حتى يرجع للمنافسة روحها ومتفشلش من الدور الاول

صح فطورك اختي خدوجة
ونهنيك على المستوى اللي ظهرتي فيه من البداية

فيما يخص استفسارك انو كيفاه تكون المسابقة بين اثنين

نحن ليس هدفنا من المسابقة انو نرتب الاول والثاني والثالث ...الخ

الهدف انو نفيدو الاعضاء ونكتشفوا قدراتهو ومواهبهم ونفيدو بيها المنتدى

يعني انا بالنسبة لي كيما قلت اثنين بمستوى عالي احسن من 10 دون المستوى

وهذه معلومة للجميع

انو ان شاء الله راح تكون هاته هي اخر مسابقة لي ننظمها عبر قسم الخياطة والتفصيل

صاحب الامل · 2013-07-19, 23:45

بعد قليل التحدي الثاني

صاحب الامل · 2013-07-19, 23:54

مساء الخير للجميع

وصح فطوركم

ان شاء الله تكون هاذ 10 ايام فاتت على خير
وربي يتقبل دعوانا ان شاء الله
ونكملوا 20 يوم من رمضان على خير

اكيد الان راكم كملتو غسلتو الماعن وراكم قدام tv تتفرجو كاش مسلسل او سكاتش وحاطين قدامكم قلب اللوز والجوز والعصير والزلابية
بصحتكم
*******************
اما فيما يخص اول تحدي
الحمد لله انو المشتركتين كانتا في القمة
واثبتتا انهما قد المسؤولية

ان شاء الله تواصلو بهذا المستوى

لانها البداية
وكل الانظار عليكم

شدو الهمة

اما
التحدي الثاني

فسيكون تنفيذ
boubou

اكيد كامل تعرفوا البوبو

ويكون بهذا الشكل

اما احنا
راح نغيروا شوي في البوبو
ونعملو حاجة مودارن
ممكن تتلبس مع soirée او badrounu او مع سروال...الخ

والتحدي هو
boubou بقماش الموسلين
اما اللون فهو من اختياركم ولكن المهم يكون لون فاتح
*اصفر* او *وردي فاتح* او* بلون سال* او* ازرق سماوي* او *موف فاتح*...الخ
اما الطرز فيكون كيما حابين بالسمسم او الشيئ اللي تقدرو عليه
المهم لا يتعدى الاماكن المطرزة في الصورة
بالاضافة الى الحزام
علما انو الطرز والحزام لازم يكونوا بالاسود

اخر اجل لوضع التنفيذ هو الثلاثاء قبل 17.00

بالتوفيق لكم

فريولة ابتسام · 2013-07-20, 00:01

شكرا الاخ عمر ربي يقدرنا علي تنفيذ المهمة

نايليةوافتخر · 2013-07-20, 01:43

ماشاء الله عليكم ربي يوفقكم وخسارة كنت راح نقول انشاء الله نقدر نشارك في طبعة من طبعات هذ السابقة بصح الاخ عمر قال هذي اخر مسابقة راح يديرها
انا نموت على الخياطة بصح نخاف المقص هههههههههههه
بصح كيشفت اعمال البنات ماشاء الله عليهم والله يديرو الكوراج والتحدي الثاني ياعمري يهبل كيما يقولو السطايفية يسخف انشاء الله نتبعكم ونطبق واحد للعيد وراني اديت فكرة على نوع القماش الي نشريه الموسلين
باتوفيق للبنات وربي يبارك فيك اخي عمر
وصحا رمضانكم

ام مريم اسراء · 2013-07-20, 08:29

صباح الخير و الله يا أخي عمر علاه هاداك رآك بريزيتنا أنا نحب هاد القسم و تعودت على كل ركن شوفوا في شاشة الكمبيوتر من كلمات أيقونات رموز و صور و مواضيع و حتى كلمت مثبت ً،،،،،، علاء هاداك تأخذ موقف من تصرفات الأخوات الي مبين وش راسهم و ما التزموش و الله راح الدمعة أطيح و علاء كل أدرى بضروفهن أنا صراتلي في مسابقة احسن تصديرية و الله راحلتي النت و وليت كالمهبولة و الله وليت نفرد روحي و نروح لدار بابا غير باش تلتحق بيكم و رآه ربي شاهد ملازمش تحرمنا من الروح الي تحرك هذا القسم إذ المسابقات رآها تعطي نفس جديد مش لقسم الخياطة بل حتى لنا كمتتبعات و وعلاش تخلي الموهبة نتاعك حبيسة أنا ملك و خيالك الخلاق رآها أمانة من عند الله
يا أخي أرجو انك تعدل عن موقفك و إلا راح نعمل اعتصام و اضرب عن الأكل من الربعة نتاع الصباح حتى لل الثامنة و دقيقة مساءا
الي توافقني الرأي تعتصم معايا

صاحب الامل · 2013-07-20, 11:58

اقتباس:

المشاركة الأصلية كتبت بواسطة ام مريم اسراء

صباح الخير و الله يا أخي عمر علاه هاداك رآك بريزيتنا أنا نحب هاد القسم و تعودت على كل ركن شوفوا في شاشة الكمبيوتر من كلمات أيقونات رموز و صور و مواضيع و حتى كلمت مثبت ً،،،،،، علاء هاداك تأخذ موقف من تصرفات الأخوات الي مبين وش راسهم و ما التزموش و الله راح الدمعة أطيح و علاء كل أدرى بضروفهن أنا صراتلي في مسابقة احسن تصديرية و الله راحلتي النت و وليت كالمهبولة و الله وليت نفرد روحي و نروح لدار بابا غير باش تلتحق بيكم و رآه ربي شاهد ملازمش تحرمنا من الروح الي تحرك هذا القسم إذ المسابقات رآها تعطي نفس جديد مش لقسم الخياطة بل حتى لنا كمتتبعات و وعلاش تخلي الموهبة نتاعك حبيسة أنا ملك و خيالك الخلاق رآها أمانة من عند الله
يا أخي أرجو انك تعدل عن موقفك و إلا راح نعمل اعتصام و اضرب عن الأكل من الربعة نتاع الصباح حتى لل الثامنة و دقيقة مساءا
الي توافقني الرأي تعتصم معايا

صباح الخير اختي ام مريم اسراء

انا بصراحة حسيت روحي بديت نتعب وتعبي يروح خسارة يعني الاغلبية هنا يخدم على قوستوه
اكيد كلنا عندنا اشغال وكلنا عندنا ظروف ولكن الواحد لازم يكون عند كلمته
كي كنا في مسابقة تصميم الازياء بالفوتوشوب كان عندي ستاج في سطيف كنت نروح الصباح على 5.00 ونرجع العشية على 20.00 للدار ومع ذلك كنت ندخل للمنتدى ونشارك المشاركين الردود ونحط التطبيقات مع اني كنت نروح مدقدق (تعبان)
وبالعكس يعني هاذي فرصة لكم باه تجتهدوا انتم وتبدعوا وتعملوا مسابقات .....الخ يعني راكم فهمتو الحالة كيفاه تمشي.........

صاحب الامل · 2013-07-20, 18:58

يمكن للمشاركات بالمسابقة
تصوير مراحل التنفيذ
ووضعها في مواضيع منفصلة بعد نهاية المسابقة
هكذا باه يستفيد الاعضاء اكثر فاكثر

وصح فطوركم

فريولة ابتسام · 2013-07-20, 19:20

ان شاء الله