موضوع مميز الجزء الـــ14 من واش طيبتي اليوم؟؟ - الصفحة 101

ساندي 28 · 2013-07-09, 14:52

الهام راني صورت البلا ايه مثقب كيما نتاعك بصح جاي كي شغل اوفال من جهة واحد كي نحط صورتو تفهمي ان شاء الله في المساء
ربي يعنك حبيبتى السخانه والصيام والله تتعبى قلبي معاك
ام ريمه شكرا حنونه على الرد بارك الله فيك ربي يفرحك بطله ريما ان شاء الله وصحا صيامك ورمضانك
اختى سومه انا القلب اللوز كي منلقاش ندير بنصف غليظ ويجي مليح بصح من الاحسن غليظ يجيك كيما نتاع برى من الاحسن تشري التشيشه باش يصلحك متغامريش
بنات عندي بيدون زيتزن وحابه نخفف التعب عليا غدا كيفاش نديرلو باش نتخلص من ملوحتو قالو كي يتغلى في الماء يفقد البنه نتاعو كاش واحد ه تقولي كيفاش تدير تكون مجربه يكون نقع في الماء او طريقه اخرى
انا اول ايا م رمضان ندير اول حاجه لازم كسره خمير والشربه فريك ودرزيام بلا طاجين زيتون بالدجاج وطاجين لحلو وسلايط وحميص والدسار قازوز والدلاع شريت كميه معتبرة نستهلكوهم بزاف والفلن والتحليه زلابيه وان شاء الله ندير قلب اللوز تع ام رامي منزيدش نشري ربي يحفظها ام رامي سهلت علينا ببزاف
وفي السحور حابه ندير خبز الدار والقاطو اي نوع من بعد نخمم والقهوه ولحليب والدلاع اكيد يقطع لعطش وربي يقدرنا على صيام رمضان وقيامو وصحا رمضانكم كامل

أم ماجد · 2013-07-09, 14:59

هذه حفلة ولد العزيز الغالي الله يرحمه تحصل على الباك
الف مليون مبروك ولد عبد الحفيظ

ام اجياد · 2013-07-09, 15:00

ام نجم الزيتون فرغيلو الماء المالح وديري ماء جديدوديريلو مغرفة كبيرة سكر غير يهز الغلية بركطفي عليه

ساندي 28 · 2013-07-09, 15:03

اقتباس:

المشاركة الأصلية كتبت بواسطة ام اجياد

ام نجم الزيتون فرغيلو الماء المالح وديري ماء جديدوديريلو مغرفة كبيرة سكر غير يهز الغلية بركطفي عليه

ربي يحفظك اختى ام اجياد بصح يبقى ماللح ولالا

ladymillion · 2013-07-09, 15:05

ام ماجد الله يبارك نجي مالا نتقهوا
عندك ضياف ؟؟

أم ماجد · 2013-07-09, 15:09

اقتباس:

المشاركة الأصلية كتبت بواسطة ladymillion

ام ماجد الله يبارك نجي مالا نتقهوا
عندك ضياف ؟؟

تفضلي لكن هذه حفلة رحت البارح

oum ibrahim · 2013-07-09, 15:12

مساء الخير عليكم بصحتكم الغدا انا تغديت كسكس باللحم امممممم
الهام ربي يعينك و يكون معاك ورمضان كريم تصوميه بالصحة و الهنا و كل الاخوات
انا اليوم الاول من رمضان رايحة نطيب ان شاء الله شربة فريك و طاجين الحلو و حميس و بوراك و مطلوع وفي السهرة قلب اللوز و ديسير و الحمد لله
اللهم اعنا على الصيام و القيام و حسن عبادتك

Lona.Anna · 2013-07-09, 15:13

اللهم في هذه الساعة: احفظ قارئ هذا الدعاء
واغمره بحبك وحب من يحبك
اللهم أحفظ عليه دينه وأعطه ما تمناه
واكتب له السعادة أينما ذهب
وأزل همه واجعل النجاح حليفه
ومتع ناظره برؤية وجهك الكريم يارحمن يا رحيم
اللهم يا خير من سئل وأجود من أعطى
وأكرم من عفا وأعظم من غفر
وأعدل من حكم وأوفى من وعد
وأسرع من حاسب وأرحم من عاقب
وأبر من أجاب أغفرلي مغفرة تامة
ولا تؤاخذني على شيء وأعطني في الدارين
من كل خير يارب العالمين

ام اجياد · 2013-07-09, 15:13

اقتباس:

المشاركة الأصلية كتبت بواسطة omnadjem.10

ربي يحفظك اختى ام اجياد بصح يبقى ماللح ولالا

السكر ينحيلو الملح واذا حبيتي ماتغليهش بيتيه في الما فيه السكر

oum abderrahmene · 2013-07-09, 15:13

الله يبارك ام ماجد
من فضلكم راني نحوس علي وحد الوصفة تجي بجلوة الترك يقولولها coquillage ؟؟؟؟

ladymillion · 2013-07-09, 15:14

آآآآآآآآآ بصحتك حبيبتي مالا الحفلة وانا نموت على الحفلات ههههههههههههههه

إلهام07 · 2013-07-09, 15:15

اقتباس:

المشاركة الأصلية كتبت بواسطة ام اجياد

السلاااااااااااااااااااااااااااااااااااااااااااااا اااااااااااام عليكم وشراكم لبنات صح رمضانكم ربييتقبل منا ومنكم اجمعيييييييييييييين
الهام راني قاعدة نقر نقرا في الصفحات اللي فاتو ني وراجلي راقد وانا قاعدة نقرا حتا ن لقيتك تقوليولا نجيك بالفردة رانيطرطاقت بالضحك لا ارادي حتي راجلي تخلع قالي وش كاين مالقيت كيفاه لمها وليت حكمت فمي وسكت قالي وقيلا هبلتي
الهام حاولي انك برنامج العبادة كي تكوني في الخدمة كثري من الذكر والاستغفار وديري مصحف صغير في صاكك في كل ماتلقاي الفريفرصة اقراي لاشتة صفحة وكي تصليالفريضة زيدي ولو ركعتين ولا يكلف الله نفسا الا وسعها
وحبيت نسقصيكم راني رايحة نشري ميكسوووووووووووووور وشكون تقولي لامارك لمليحةوربي يحفضكم كاااااااااااااااااااااااااامل

ههههههههههههههههه دائما صحبتي تقلي كون تبطلي الخدمة كل يوم نجي نخدم نبكي عليك هههههههههه
تقلي علاه ماتروحيش تمثلي كوميدي قلتلها مخلية الغاشي ياكل الخبز هههههههههههه

شكرا إن شاء الله نحاول وخلاص واش رايحة ندير

أم نجم ماما باش ماتغليش الزيتون باش يبقى بنين بليلة مسبقا تحطو في الماء ( تحط غير الكمية اللي رايحة طيبي ) وتبيتو في الثلاجة على بالك السخانة يفسد وفي الغد يروحلو الملح

الأمنيات ربي يهنيك حبيبتي شكرا جزيلا على الوصفة كنت راية نطبق نتاع فايزة بصح فيها خليط توجديه بعدة ساعات مسبقا وأنا نخدم

مالقيت كفاش نطبقها

oum abderrahmene · 2013-07-09, 15:16

اقتباس:

المشاركة الأصلية كتبت بواسطة Lona.Anna

اللهم في هذه الساعة: احفظ قارئ هذا الدعاء
واغمره بحبك وحب من يحبك
اللهم أحفظ عليه دينه وأعطه ما تمناه
واكتب له السعادة أينما ذهب
وأزل همه واجعل النجاح حليفه
ومتع ناظره برؤية وجهك الكريم يارحمن يا رحيم
اللهم يا خير من سئل وأجود من أعطى
وأكرم من عفا وأعظم من غفر
وأعدل من حكم وأوفى من وعد
وأسرع من حاسب وأرحم من عاقب
وأبر من أجاب أغفرلي مغفرة تامة
ولا تؤاخذني على شيء وأعطني في الدارين
من كل خير يارب العالمين

أمييييين يا رب

أم ماجد · 2013-07-09, 15:21

اميرة الان فقط لحقت الصوارة وراني حطيت صور القهوة الرائعة اين انت الان ؟هههههههههههههههه

oum ibrahim · 2013-07-09, 15:22

ام نجم الزيتون انا كي نشريه نغسله و نديرو في بلارة و نديرلو الماء رايح يطلق الملح نتاعه لانو مالح و الما عادي و كي نجي نطيب ما نكثرش الملح في المرقة و نرمي الزيتون نتاعي اخر لحظة قبل ما نطفي 5 دقايق
كنت نغليه و من بعد نطيبو يجيني سامط تقولي ماراكيش تاكلي في زيتون بصح درك نديرلو هكذا يجيني بنين وشوفي انت و الطريقة الي تساعدك و رمضان كريم غالية تصوميه بالصحة و الهنا وبصحتك شخشوخة الميمة اكيد من ايديها غيييير ربي يخليهالك و يحفظهالك تاج فوق راسك