ـأتفضل أحكيلــنـآ حكــآيتكـ ^^

[meri7]

سلام
--
تذكرت حكاية اخرى ..

--
اتذكر انها كانت هذه السنة
كنا مع الاختبارات تع الفصل 2 ..
راكم عارفين يقسمونا على زوج ..
هداك النهار كان عندنا تاريخ و جغرافيا
هههههههه و دايمن كيفكيف جامي تلقى واحد حافظ كلش
ههه واحد حافظ درس لوخر نص درس .. لوخر والو
اناكنت مريحة 3 كنت متفاهمة مع اللي كان قاعد قبلي
و كانت مورايا طفلة باش نوريلها في الفرنسية .. و هي في التاريخ
* بصح دايمن حكاية وحدة انا نوري و هما يزيرو * معليش
--
حنا كي دخلنا صبح ربي دايمن تصرى حرب على البلايص
ههههههههههه كامل يروحو لخرين و يخلو البلايص الاولين
المهم غير دخلنا الناس بدات تكتب في الحيط .. في الطابلة .. في اليدين
هههه و كان واحد الطفل مهبووول مريح الاخر .. كتب في الطابلة و في الكراسا
اللي كان قاعد فيه و اللي كان قدامو .. كتب كراس .. هو كان موجدهم ..
كل نهار يكتب شوية .. حتى كتب كلش ...
هههههههههه غير جات الشيخة درنا رحنا عاقلين ما نعرفو والو
هي قاعدة غير تخزر في هداك الطفل ..
انا تبانلي فاقتلو .. و كانت بلاصة 1 قدام البيرو فارغة
واحد ما يحب يريح مقابل الشيخ ... ههههههههههههههههههه
قاتلو انتيا ارواح ريح هنا ... و القسم كامل كلاط بالضحك
سي خونا واش دار رفد هدوك زوج كراسا و كان جاي بيهم
قاتلو شيخة حطهم ياو كاين هنا كراسا
ههههههههههههههاي قاللها لالا مشي انا نحب هادو ..
و هي تقولو لالا وهو يقوللها تعيشي تعيشي
هههه قريب ما بدا يبكي .. على سعدو راح ريح 1
و قعد يخزر في كراساه و يقول اههه علالالاه
حتى في الكوبياج معنديش الزهر ..

--
هههههههههه
حنا كلاصتنا غير تع الروبلات ..
عندي بزااااف مواقف مضحكة
بصح معنديش الوقت باه نحطهم
كي يكون اني نجي نحط واحدوخرى
ان شاء الله ...