الجزء الـــ14 من واش طيبتي اليوم؟؟

[إلهام07]

المشاركة الأصلية كتبت بواسطة ام منيب

لبنات راكم فووووووووووووووووووووووووووور
رمضانك بالصحة
الهاااام قلبك ابيض امني بالله كي نكون زعفانة نحوس عليك في المنتدى كلامك ينحي الغمة والغبينة
ربي يفرج عليك بوليدات كما انت
راح ندعيييييلك وقت الافطار هذا وعد مني

ياعمري والله قتلتيني بالظرافة نتاعك مواح مواح مواح نموت عليك أم منيب
أمين يارب والله في أمس الحاجة إلى الدعاء ربي يعيشك

المشاركة الأصلية كتبت بواسطة الزعيمة

مساء الخير عليكم يا فحلات المنتدى
واش راكم لاباس؟

يا فحلات من سيدات و آنسات

المثلجات على طريقة ام رامي
https://www.djelfa.info/vb/showthread.php?t=953565

انا هادي اول وصفة حابة نجربها و شريتلها المستلزمات نتاوعها نشالله برك تنجحلي
مي عندي استفسار ممكن تساعدوني
الحليب قبل مانديرو يكون مغلي ولا من الصاشي ديركت يعني مايهمش فايض ولا لالا
وزيد سؤال ثاني تعيشو جاوبوني عليه ربي يجازيكم نشالله
انا ماعنديش الباتاور
عندي اليد فقط ماعلاباليش كيفاش نفهمكم مي اللي تضرب البيض ماعنديش
تاعنا يد فقط ونخدمو بيها المايونيز عادي و نرخدمو بيها لابيري عادي ثانيك
زعمه نورمال نضرب بيها البيض يطلعلي و تخرجلي نتيجة مليحة؟
تعيشو جاوبوني ما تبخلوش عليا

الحليب ممكن تستعمليه مباشرة من الشكارة او يكون فايض مايهمش المهم يكون بارد جدا جدا جدا
سلفي باتور من جارتك ماتغامريش

المشاركة الأصلية كتبت بواسطة المتيقنة بالله سارة

السلام عليكم خواتاتي ان شاء الله تكونو لاباس راني جربت كيك الدانيت تع ام اماني وعجبهم فالدار كي نحط صور نخبركم بالنسبة للمشاركتي فالصفحة 70 في انتظار اجابتكن ختي الهام وام عبودة

حوست في الصفحة 70 مالقيت حتى رد نتاعك لثمة
عادوي السؤال نعاونوك

المشاركة الأصلية كتبت بواسطة zahra30

مساء الخيير عليكم .... شكون اللي تعاوني فيكم وتقولي اللي جربت تطيب الموسكوتشو ولا كيك عادي في لي مول انتاع السيليكون يعني مدة الطياب وما يتحرقش و...و... عندي واحد بصح خفت ههههه

أنا جربت ميني كيك نتاع دادو في مول السليكون وطارو نورمال من المول وجاو ملاح أما المدة راهو مايطولش بزاف حوالي 20د او أقل
لازم تعسيه مليح راهو ثم ثم يطيب بصح ماجربتش المول الكبير ماعنديش

المشاركة الأصلية كتبت بواسطة imene mimicha 05

مساء الخير يا لبنات و رمضان كريم تصوموه بالصحة انشاء الله............. لبنات حبيتكم تعاونوني انا جامي خدمت بالعجينة المورقة و لا خدمتها وحدي بصح البارح شريتها طالعة من السوبيرات حبيت نطيب بيها بصح معنديش حتى وصفة بالعجينة المورقة اللي عندها وصفات تمدلي و تعاوني تعيشوا لبنات باش نديرهم في رمضان

شوفي هذا الرابط أعتقد يكفي ويوفي :
https://www.djelfa.info/vb/showthread.php?t=1163159

المشاركة الأصلية كتبت بواسطة ام عبودة

وينكم راني غير وحدي ولا راكم تتعشووووو
بصحتكم
واش الهام غدو نهار واااااااش الباح تاع البوسة واليوم تاع المقارونة

هههههههه اليوم يوم الحب والسعادة والتفاؤل بإذن الله

أم ماجد ممممممممممم سختيني بكلش كامل ملاح وبنان يسخفو نروح نقرعج ونجي ههههههههههه
قوليلي عجبك قاطو نتاع حفيظة ؟

بسملة خرجولك الحنيفيات روعة يعطيك الصحة راني جاية نشوف تطبيقك ونعلق

أم طيوبة بصحتكم العشاء ، يعطيك الصحة

لمسة الحمد لله كي راكي لاباس ضرك نطل على الموضوع نتاعك