أرجوا المساعدة من المجربين

[ابن كثيرلجزائري]

السلام عليكم ورحمة الله وبركاته
انا منال سوف أحكي لكم مشكلتي لكن اريد ان اقول أن هذه عضوية اخي لاني اردت التسجبل إلا أني وجدت مشاكل بالتسجيل واردت ان استعجل لكي تنصحونني المهم غادي نقلبها درجة ههههههههههه
أنا تحصلت على معدل عام 15.56 بسكو ماكنتش قاع نقرا المهم في بطاقة الرغبات خيرت 1-علوم تجريبة 2- تسيير واقتصاد 3- رياضيات 4- تقني رياضي مي عطاوني مات كي غيكلاميت قالولي نتي فور فالمات هي صح مي راني خايفة اسكو ندير طعن ولا نخليها مات ان مشكلتي فالعلوم اني منعرفش نحلل ونشرح وباغية نعرف اسكو الرياضيات واعرة ولا ساهلة واسكو الناس اللي تجيب فيها الباك قليلقة ولا بزاف وسمعت بلي عندهم اولوية في الاختصاصات انا مازال مقررتش وراني متمنية تجاوبوني باسكو هذا مستقبلي وباغية نعرف الاختصاصات تاع الرياضيات الله يوفقكم انصحوني سيغتو صحاب الرياضيات المجرببين باغيتهم ينصحوني الى جانب العلميين يقولولي العلوم واعرة ولا ساهلة علابالي بلي طولت عليكم مي سمحولي ربي يجزيكم

[maneltkd]

انا منال كيما نتي الصراحة نقدر نعطيلك رأيي فقط لانني انا تاني طالبة اولى منتقلة لثانية و انا تاني ضعيفة فالعلوم و فور فالمات لكن انا إخترت تقني رياضي لانني احب الكهرباء
ديري الكوراج و روحي مات باسكو تقدري ديري بيها كلش ولك الاولوية على التقنيين هذا ما قالته لي مستشارة التوجيه تاع ثانويتي

[تفـღـآؤل ツ وردٍ✿]

السّلآم عليكُمْ

صبَـآح الخيرْ منآلْ ،

أنآ منتقلة إلى السّنة الثآنية .. لكنْ قد أستطيعُ مسآعدتكٍ

شعبةْ الرّيآضيآت لهآ الأولوية على شعبة العلومْ في التخصصآت الجآمعيّة

وبمآ أنّك ضعيفةُ ف العلومْ و [ فٌـور ] في الريآضيآت ؛ فنصيحتي لكٍ أن تتوكّلي على الله وتدرسي هذه الشعبة الرّآئعة ‘

وفّقك الله عزيزتٍي ~

[بيْـدباَ]

اعتقد ان الرياضيات افضل رغم اني علمية لكن حاولي دائمممممما تكثري التمارين و تركزي في القسم مادامك مليحة فيها و الفيزياء تاني ما ننسوهاش

[ibtessamalg]

اان شعبة الرياضيات لها الاولوية وانا نعرف واحدة دايرة رياضيات هي كانت فور فيها لكن هبط معدلها شوية لانو كانت تجيب المعدل 16 والان جابت 14 وهي دايما كانت تجيب 20 في الرياضيا ت فهذه الشعبة تحتاج الى تركيز عالي لكن حسب رايي الشخصي ديري رياضيات لانو انتي ضيعفة شويةفي العلوم والله اعلم اتمنى لك التوفيق

[ابن كثيرلجزائري]

صحيتو ربي يحفظكم وانا تاني ميولي للرياضيات والله ماننسى نصيحتكم ليا وصح رمضانكم

[ẕσњěĩя]

أختي نصيحتي إليك أن تتوكلي على الله و تختاري شعبة الرياضيات
لأنك قلتي أنك فور فالمات و ضعيفة فالعلوم
+شعبة الرياضيات لها أولوية على شعبة العلوم التجريبية في التخصصات
و إذا اخترتي شعبة الرياضيات فعليك التركيز على مادتين أساسيتين الرياضيات و الفيزياء
كما يجب عليك عدم إهمال المواد الثانوية فهي لها دور مهم كذلك خاصة في شهادة الباكالويا

[~°رميصاء°~]

]اان شعبة الرياضيات لها الاولوية حسب رايي الشخصي ديري رياضيات لانو انتي ضيعيفة في العلوم والله اعلم اتمنى لك التوفيق[

[الذئب الفضي]

السلام عليكم

اختي انا اخترت شعبة رياضيات لنفس السبب ... مشكل التعليل و التحليل و عدم تركيز بعض الاستاذة على هذه النقاط لانهم اصلا لا يتقنونها

يجب ان تعلمي انه لا يوجد فرق كبير بين الشعب اذا كنت مجتهدة يعني وين تروحي قادرة تسلكيها حتى التعليل و التحليل تقدري تتعلميهم بسهولة عن طريق متابعة الاساتذة الفضلاء الموجدين هنا في منتديات الجلفة ا وفي منتديات اخرى .


الحاجة لمليحة في الرياضيات انها علم دقيق يعني يا تعرفي يا ما تعرفيش

فقط لازم تعرفي بلي موضوع الرياضيات بكالوريا 2013 شعبة رياضيات جانا طويل و قليل لي كملو
لذلك لازمك تركزي على السرعة و الاكثار من حل التمارين عندك الوقت الكافي .. نكرر الرياضيات ممارسة .. قيدي روحك ديما بالوقت

اذا كان عندك اسفسار او اي اسئلة خاصة راني هنا

ربي يوفقك

[ابن كثيرلجزائري]

ربي يحفظكم مي الذئب الفضي حبيت نسقسيك انا خويا دار علوم تجربية اللي كانت بكري علوم طبيعيةو الحياة هو كي ديت رايه قالي ديري علوم بسكو لوكان تقعدي رياضيات تديه مي مشي ببون نوت ومايعطوك والو انا في هاذ الإختبار تاع سيونس ديت 17 ودايما نجيب 11 -12-14-16-زعما هاذو هوما لي نوت تاع السيونس والله ماني عارفة اغلبية الشعب قالولي ديري سيونس نتمى تعطيني قرار نهائي وشكرا على النصيحة مجددا

[زهرة الجزائرية1]

انا ننصحك باني متلك تمااااااااما ... لانو الريااااااضياات لما تكمليالجااامعة ماراح يعطوك ولا مهنة متل ملق الي بابا احمد ابن خال مرت عمي ... قالي روحي سيونس وخليك مل مشاكل ....
انا متلك درت علوووم العام الجااااي يقدموولكم كامل ورقة طعن .. وانتي ديري تغيير الى علووم مادامك مديووووووورة ماااااات .. المااات ادا ماحبيتيهش لايفعل رغم انك ممتازة فيه ..
بالتوفييق لكن جمييييعا .. وشكرا

[الذئب الفضي]

اي شخص راح يعطيك نصيحة من منظوره الخاص اذا كان علمي راحي يميل للعلوم

انا حاولت نكون موضوعي قتلك مدامك مجتهدة تقدري تسلكيها في اي شعبة

شعبة رياضيات ديريها اذا كنت محبية تروحي لتخصص تقني في المستقبل لانها عندها الاولوية في الاعلام الالي و الهندسة
و اذا كان محبية طب او جراحة اسنان ... فالعلوم التجربية احسن

و اذا لم تقرري حتى الان و لست على ثقة تامة بقدرتك على تجاوز نفسك في الرياضيات ديري علوم تجربية و هني راسك اسهل و لكثر توازن

شعبت الرياضيات لواحد يحب الرياضيات و ما يلقى حتى صعوبة في فهمها و في حل اكبر قدر من التمارين

وفي ما يخص النقاط ... لا راح تتحسني في الثالثة ثانوي ... و يصبخ كلش اوضخ و اسهل حسب ما قالولي صحابي العلميين خاصة اذا تبعتي الاساتذة تع الجلفة

ربي يوفقك في اختيارك ... زيدي استخير الله (صلاة الاستخارة) و الحاجة لي ترتاحي ليها ديريها
اديك هي لي تنجيك.

ا

[ابن كثيرلجزائري]

شكرا جزيلا بارك الله فيكم