موضوع مميز الجزء الـــ14 من واش طيبتي اليوم؟؟ - الصفحة 60

أم ريمة* · 2013-07-06, 13:39

اقتباس:

المشاركة الأصلية كتبت بواسطة اولادي حياتي

ههههههه انا صاحب السمو يغير كي يشوفني قاعدة نحكي معاكم

ويرمقني بنظرات غريبة

ههههههههههههههههههههههههههههه .

الرجال انانين وعلاه هوما عندهم اصدقاء يضلو معاهم برا وحنا لا لا بصح فعلا هذه الايقونة تعبر بالضبط هايلة

أم ريمة* · 2013-07-06, 13:42

مصلح 29 اشرحى لنا طريقة الخبيزات بالجبن الله يخليك

الزعيمة · 2013-07-06, 13:45

مسالخير عليكم
واش راكم
انا راني جديدة هنا وراني حشمانة للطرف
زعمة نلقى بلاصة بيناتكم وترحيب منكم واهم شي مساعدة و توجيه ونصايحة
لاني ببساطة
مانعرف نطيب وااااااااااااااااالو
لا طياب لا مقلي لا مشوي لا محمر لا حلويات لا عجين لا مربى لا عصير لا تحلية ولا اي حاجة عندها علاقة بالكوزينة او الماكلة

*رفيقة الدرب* · 2013-07-06, 13:45

اقتباس:

المشاركة الأصلية كتبت بواسطة omnadjem.10

مساء الخير بنات درت على العشاء زفيطي والحمد لله
بنات راني معروضه لعيد ميلاد احمد مع الاولاد راني فرحانه بزاف الي راح نتعرف بام كوثر واي واي واي
هادي راهي عرضه خاصه لاولادي احم احم احم
راني نجيبلكم صور اولادي مع اولاد ام كوثر ههههههههههه
تصبحون على خير كان يوما شاقا اه

سعدك يا سعدك هههههههه

اقتباس:

المشاركة الأصلية كتبت بواسطة اولادي حياتي

نستعرف بيك ام ماجد صورتي ماعلابالك بحتى واحد .
انا قدام راجلي نحشم نصور
انا اعطيني طعام ولا كيما نقولو حنا بالشاوية ابربوش اممممم نموت عليه ..
الف مبروك .

أممممممممممم صح طهارتو

اقتباس:

المشاركة الأصلية كتبت بواسطة moslihe29

صباح الخير على الجميع كيف احوالكم حبيباتى اتمنى ات تكونو فى تمام الصحة والعافية اليكم بعض اطباقى الى طيبتها فى الايام الماضية

الهام اليك باش تعمرى كرشك ههه

اى استفسار انا فى الخدمة

أأأأأممممممم
دوما متميزة

اقتباس:

المشاركة الأصلية كتبت بواسطة moslihe29

ام عبودة حبيبتى اطلبيلنا ربى يهدينا ويثبتنا ويرزقنا الذرية الصالحة اممممممممممممممممممممممانة

أم عبودة أطلبيلي ربي أمانة ما تنساينيش

الزعيمة · 2013-07-06, 13:48

يا يما
نقولكم الصح
نغير كي نشوفكم تحكو على كاش وصفة وطبقتوها ونجتلكم
خصوصي لما تحطو الصور نتاوعها
زعمة انا نتعلم وينجحولي كيما نتوما؟

إلهام07 · 2013-07-06, 13:51

اقتباس:

المشاركة الأصلية كتبت بواسطة الزعيمة

مسالخير عليكم
واش راكم
انا راني جديدة هنا وراني حشمانة للطرف
زعمة نلقى بلاصة بيناتكم وترحيب منكم واهم شي مساعدة و توجيه ونصايحة
لاني ببساطة
مانعرف نطيب وااااااااااااااااالو
لا طياب لا مقلي لا مشوي لا محمر لا حلويات لا عجين لا مربى لا عصير لا تحلية ولا اي حاجة عندها علاقة بالكوزينة او الماكلة

أهلين الدار دارك وماتخافيش معاك خطوة بخطوة اختاري الوصفات اللي تحبي طبقي وابداي بالساهل ةحنا نوجهوك إذا الوصفة مليحة أو عندنا أي ملاحزات أو نصائح وشوفي واش طيبنا إذا عجباتك حاجة نعطيوك الرابط نتاع الوصفة

اقتباس:

المشاركة الأصلية كتبت بواسطة الزعيمة

يا يما
نقولكم الصح
نغير كي نشوفكم تحكو على كاش وصفة وطبقتوها ونجتلكم
خصوصي لما تحطو الصور نتاوعها
زعمة انا نتعلم وينجحولي كيما نتوما؟

أكيد ينجحو لأن هذا طبخ وليس علم فلك المهم تكوني حابة تتعلمي

بنات رحبو بالزائرة الجديدة راهي جاتكم ضيفة

إلهام07 · 2013-07-06, 13:54

أختي الزعيمة كي عادت أول مشاركة ليك معانا نرحب بيك هذو حلويات درتهم في الأسبوع اللي فات ( كاين أخرين ثاني ) أتفضلي أتقهواي بيهم معانا :
هذو كاستال درتهم البارح

وهذو وصفات طبقتهم من المنتدى :

وباش تعرفي باللي ماكيش وحدك مبتدئة شوفي أنا تعلمت القلاصاج غير الأسبوع اللي فات وفرحو بيا كامل

أم ريمة* · 2013-07-06, 13:55

اهلا بيك بالزعيمة معانا طبقى الوصفات برك تولى شاف فى الكوزينة وخوذى راى امهاتك وخواتاتك لى فى المنتدى تنجحى

حقا الزعيمة فى واش ؟؟

دادو واش تغديتى؟؟؟؟؟ كاش قاطو جديد؟؟؟

*رفيقة الدرب* · 2013-07-06, 13:59

مساء الفل بنات واش راكم هذا فطورنا اليوم
قراتان في كيس سباقيتي لأم أماني بصح أنا استبدلت الدجاج باللحم المفروم
مقبلة الفلفلة
سلطة
ديسير
دجاج شرمولة بالبيض و صوص طومآاط
الزعيمة مرحبا بيك تفضلي تفطري

houdehoud · 2013-07-06, 14:00

جبتلكم شوية من الطيابات اللي صورتهم ههههه دايما حتى نكمل الماكلة باش نتفكر هههههههههههههههه

قراتان بالشومبينيون غدا نتاع اليوم

كسرة خميرة

أم ريمة* · 2013-07-06, 14:00

الزعيمة شفتى هذى ختك الهام فحلة خوذى رايها وضرك يجوك خواتاتك لخرين

إلهام07 · 2013-07-06, 14:01

حقة بنات مازال عندي نفس المشكل مع بوراك البطاطا اللي قلتلكم عليه
كي نقليه الحشو يقعر الورقة نتاع الديول ويخرج من عل ى الأطراف جربت كل الطرق وغيرت ماركات الجبن وحتى خليت الحشو يبات وبدلت بين ديول الدار وديول اللي يتباعو رايحة نهبل
وحتى راني درت كيما قاتلي أم إياد قليتو بالملعقة ماشي بالشوكة باش مايتقعرش والو رايحة نهبل
النجدةةةةةةةةةةةةةةةةةةةةةةةة
مازلت راني نخمم نجرب البطاطا نفورها بالاك

*رفيقة الدرب* · 2013-07-06, 14:03

اقتباس:

المشاركة الأصلية كتبت بواسطة إلهام07

أختي الزعيمة كي عادت أول مشاركة ليك معانا نرحب بيك هذو حلويات درتهم في الأسبوع اللي فات ( كاين أخرين ثاني ) أتفضلي أتقهواي بيهم معانا :
هذو كاستال درتهم البارح

وهذو وصفات طبقتهم من المنتدى :

وباش تعرفي باللي ماكيش وحدك مبتدئة شوفي أنا تعلمت القلاصاج غير الأسبوع اللي فات وفرحو بيا كامل

أووووووووو إلهام راهم يغيرو قاطواتك أمممممممم غيرتيني تحسبي أول مرة نشوفهم

اقتباس:

المشاركة الأصلية كتبت بواسطة أم ريمة*

اهلا بيك بالزعيمة معانا طبقى الوصفات برك تولى شاف فى الكوزينة وخوذى راى امهاتك وخواتاتك لى فى المنتدى تنجحى

حقا الزعيمة فى واش ؟؟

دادو واش تغديتى؟؟؟؟؟ كاش قاطو جديد؟؟؟

مساء الفل حبيبتي مادرتش قاطو راني عيانة ملمينآآج أوووووووووو
هاوليك غذايا راني حطيتو أطلعي لفوق شوية

ام ندى 87 · 2013-07-06, 14:04

السلام عليكم البنات واش راكم الهام انا نحب سطيف ؤعلاجالك زيدت حبيتها اكثر حلوة ياسرياسر راكي مزهية المنتدى

الزعيمة · 2013-07-06, 14:04

الله الله عليك يا الهام
راكي درتيلي كوراج كبييييير ما تقدريش تتصوري
وشرحتيلي قلبي عاللخر للطياب بعدما كنت هاباتو لاقصى درجة
راني رايحة نضرب طلااااات على الوصفات نتاعوعم من بعد ربي سهل ويوفقني من عندو ونولي كيما نتوما بإذن الله
مي كاينة حاجة
فالبداية نتاعي ماتتوقعوش مني ننجح من اول تطبيق لكن مع نصائحكم رايحة نتوفق ان شاء الله

و الاخت أم ريمة نقولك
ربي يحفظك ويسترك و يعطيك و يزيدك من فضلو يا رب
اكيد رايحة نستفاد من خبرتكم هاد الشي راني واثقة منو

و بخصوص الزعيمة ...كنت زعيمة فمجال عقود التشغيل و المطالبة بمنصب شغل دائم
مي ماخرجتش عليا
لقيت روحي نتبع فالسياسة و الكوزينة يجيب ربي
هاد العام اذا ماطيبتش مليح خاوتي راح يسمعوني مالا يرضيني

نروح نضرب طلة على وصفاتكم ونوجد ورقة وستيلو نسجل واش يخصني باش غدوة بربي نشالله نروح نقضي ونخبركم واش صرا معايا
ربي يحفظكم بالكل
و شكرا على الترحيب