الجزء الـــ14 من واش طيبتي اليوم؟؟

[اولادي حياتي]

المشاركة الأصلية كتبت بواسطة الأمنيات

صباحكم أمل..صباحكم ورد ....

ادعوا سرًا لمن تُحبون فإن الحُبّ دعاء لا تدرون ما يمرّ بهِ أحبابكم من ضيق أو همّ ،
فلعل بدعاء في ظهر الغيب تُفرج كربهم

شكرااااااا حبيبتي ربي يحفظك .

[إلهام07]

صباح الخير على أحلى قرعاجات

المشاركة الأصلية كتبت بواسطة dadou mascarienne

أولادي حياتي زعمة هاكة تزكري فيا
شوفي إلهام راهي تستشفا
إلهام طلعي بصوفيتي ههههههههههههههه
هاكو تاكلو الثقوب بالعسسسسل

https://www.djelfa.info/vb/showthread.php?t=1351247



مدام بغريرة المرة الجاية نوبتك ههههه

ههههههههههه واقيلا انتقلتلك العدوى ههههههههههه
يعطيك الصحة

المشاركة الأصلية كتبت بواسطة الادب العربي

الهام قتلتيني بالضحك تخيلت الموقف نطيحو كامل تولي تقولي الرحمة يالجراد الاصفر هههههههههههه
وركزي معايا كاين الله يبارك نصف مليون مشترك نحو منهم 1000 ولا 2000 والباقي كرينا 05 جويلية هههههههههه:d
وزيد راني نجيب ماما معايا واختي الصغيرة في زوج يموتو عليك

هههههههههههه أهلا ومرحبا بيكم في أي وقت ماشي غير لا كان تزوجت ، وقبلاتي الحارة لماماك وأختك مممموووواح

المشاركة الأصلية كتبت بواسطة ام عبودة

احم سمعت خطبة شكوووون فيكم
الحمد لله تهنينا على وحدة العقوبة الى الاخرين
يا لا يا لا شدو الهمة

أم عبودة أولا طريق السلامة وربي يتقبل إن شاء الله
ثانيا : أدعيلي وععععععع

المشاركة الأصلية كتبت بواسطة ام طيوبه

مساء الخير يابنات
ام عبودة تروحي وترجعي بالسلامة.....حتى وماتعرفينيش بصح ادعيلي.
هذا عشايا عبارة عن بطاطا بيتزا وسلطة .


وهذا مادلان بالبنان تع مونيه على مااعتقد نسيت صاحبة الوصفة

مممممممممممممممم سخفني المادلان يهبل يهبل روعة يعطيك الصحة

المشاركة الأصلية كتبت بواسطة kiya

مساء الخير لحراير
يعطكم الصحة ران دا نبع فيكم بصح هاذي المرة راحة ننضم ليكم
لانو عجبتني لمتكم
انا اليوم درت بطاطا مشرملة وبطاطا بيري واسكلوب
الله ماادمها نعمة وحفظها من الزوال

أهلين وسهلين تفضلي الدار دارك خلي زادت الجماعة قرعاجة جديدة

المشاركة الأصلية كتبت بواسطة nour inasse

وشراكم ياحبوبات راني جايا نتعاشا اليوم وشكون تقسم معايا عشاها واااااع وااااااااااااااااااااع راني جيعانة
ماطيبت والوا اليوم جاونا ضياف هاكم سنيوة نتاع القهوة علابالي روطار خليوها للغدوة صباح تتقهواو بيها



وهذا كيك بالبنان

بصحتكم
https://www.djelfa.info/vb/showthread...post1053426370

مممممممممممم إناس راكي غير حلويات رايحة وحلويات جاية أنا ناكل من مربعات الشكلاطة يم يم

المشاركة الأصلية كتبت بواسطة أم ماجد

راهي جات الساندريلا من العرس
المهم تعشينا شربة فريك وحميص حار وكسكس باللحم وطاجين الحلو مع شباح الصفرا وسلاطة منوعة وموز وحبة علك
اللهم ادمها نعمة واحفظها من الزوال
اللهم اشفي امير في القريب العاجل
مانكذبش عليكم ماكليتش بزاف
رحت شبعانة تغديت على الثالثة شكشوكة حارة وزدت بقيت نصور والناس تقولي انت من اي ولاية جيت ؟
عجبك عرس سطيف شبعت ضحك
ساوافيكم بالصور لاحقا انتظروني

مراسلتكم من ميدان العرس ام ماجد

ههههههههه والله قتلتيني بالضحك وأنا في المكتب قاتلي صحبتي واش بيك تضحكي وحدك ههههههه

[إلهام07]

ربي يكون الخير أولادي حياتي ماتخافيش بإذن الله خير

الأمنيات وكل من دخل الآن صباحكم ونهاركم سعيد

[إلهام07]

رايحة نفطر جبت معايا الكاستال نتاع النسكافي رايحة نفطر مع صاحبتي باش شوية من بعد نرجع

[oum siradj ahmed]

sbah elkhir ilhem w kamel lebnat saha kahwetkoum ana mazal matkahwit

[إلهام07]

المشاركة الأصلية كتبت بواسطة oum siradj ahmed

sbah elkhir ilhem w kamel lebnat saha kahwetkoum ana mazal matkahwit

صباح الأنوار حبيبتي ، هاكي أتقهواي معايا حتى أنا هذا وي راني نفطر :

[ام منيب]

صباح الخير عليكم وربي معاكم
راكم طيرو بالصواريييييخ
كل ما نجي نضرب طلة عليكم نلقاكم دخلتو في جزء جديد
المهم راكم فحلات وتفرحو البلاد وانشاء الله ربي يحسبهالكم صدقة جارية يتعلمو منكم الاجيال ويستفادو
مبرووووك الكوزينة الجديدة
مبروووووك رمضان عليكم وانشاء الله تصوموه بخييييير
الهام توحشتك موووووووووووووووووووووت
والتوفي تاعك راني نعتامد عليها في كل الحلوات لي نعملهم روووووعة ربي يجازيك حنونة

[إلهام07]

المشاركة الأصلية كتبت بواسطة ام منيب

صباح الخير عليكم وربي معاكم
راكم طيرو بالصواريييييخ
كل ما نجي نضرب طلة عليكم نلقاكم دخلتو في جزء جديد
المهم راكم فحلات وتفرحو البلاد وانشاء الله ربي يحسبهالكم صدقة جارية يتعلمو منكم الاجيال ويستفادو
مبرووووك الكوزينة الجديدة
مبروووووك رمضان عليكم وانشاء الله تصوموه بخييييير
الهام توحشتك موووووووووووووووووووووت
والتوفي تاعك راني نعتامد عليها في كل الحلوات لي نعملهم روووووعة ربي يجازيك حنونة

ياعمري حتى أما توحشتك ماتغيبيش وين راكي تروحي شاركينا طيابك خلينا نقرعجو شوية هههههه
ماتزيديش تغيبي
ممممممممممواح نحبك

[أم ماجد]

هذه صور عشاء امس ختان امير ولد صديقتي
ربي يشفيه عاجلا





















وفي المساء رايحة لاختي نبارك في سطيف دات بنتها الباك ونزيد نعقب على دار الهام
ونوافيكم بالصور لاحقا

[إلهام07]

المشاركة الأصلية كتبت بواسطة أم ماجد

هذه صور عشاء امس ختان امير ولد صديقتي
ربي يشفيه عاجلا





















وفي المساء رايحة لاختي نبارك في سطيف دات بنتها الباك ونزيد نعقب على دار الهام
ونوافيكم بالصور لاحقا

يعطيك الصحة أنا في العرضات مانقدرش نصور يقولو هبلت ولا جات من كندا وهمرها شافت عراس ههههه
بصح ماكيش مرأة كون ماجيش توالي بصح ياخي على بالك من 17.00 وروح تلقايني في الدار
وقوليلي واش نديرلك عشاء

[أم ماجد]

ه الهام علابالي ماتخرجيش بكري
اختي تسكن في تبينت
اليكم صور اضافية
حقا والله ماعلا بالي بحتى واحد هازة الة التصوير ونصور مايهمنيش ههههههههههههههههههههههههههههه




حفيظ يحني مع امير

[إلهام07]

بما أنو رمضان راهو على الأبواب تفكرت معلومة قلت نفيدكم بيها :

أحلى بريوش درتو في حياتي والله خفييييييييييييييييييف يهبل
هذا من التطبيقات الأولى ليا من المنتدى :
https://www.djelfa.info/vb/showthread.php?t=874112
جربوه والله روووووعة القطعة نتاعو كي تهزوها في يديكم كأنها ريشة هايل
هاهو تطبيقي قديم والصورة ناقصة كنت مازلت مانعرفش نصور مليح ههههه :

جربوه واللله ما تندمو خاصة لسحور رمضان خفيف خلاص

[إلهام07]

ياعمري عبدو راهو حطة هههههههههههه مواح مواح مواح مواح مواح
حقة وكتاش رايحة طهريه وتعرضينا ؟

[أم ماجد]

المشاركة الأصلية كتبت بواسطة إلهام07

ياعمري عبدو راهي حطة هههههههههههه مواح مواح مواح مواح مواح
حقة وكتاش رايحة طهريه وتعرضينا ؟

الهام للاسف طهرته العام الماضي قبل مانسجل في المنتدى في رمضان ودرنا سهرة رائعة جدا للاسف ماصورناش الاكل مازال في ذلك الوقت مااعطاونيش اعتماد صحفية ههههههههههههههههههههههههههههههه
اين البنات هجرو المطبخ ؟؟؟؟؟؟؟؟؟؟؟

[إلهام07]

ههههههههههه ماعليش تهنيتي من غلبة
البنات نهار السبت مانعرف واش يصرالهم واقيلا راهم لاتيين مع الغداء وأنت واش اللي راكي هنا بربوشة بالحليب ولا كاسكروط