اقتباس:
المشاركة الأصلية كتبت بواسطة هبة الله 26
اولا اعطيكي وسام الفحلات والحرايريات الجزائريات
ماشاء الله عجز اللسان عن التعبير
ربي يحفضلك اولادك وزوجك
وكان جيتي قريبا ليا نجي نغسلك لماعن ديما فالدار ليا هههههههههههههه
|
بارك الله فيك يعطيك الصحة حبيبتي باين عندك بال واااااااسع باش تغسلي لماعن دايما
انا الي لازم انحني قدامك تقديرا مني للكوراج نتاعك ههههه ربي يهنيك يا رب
اقتباس:
المشاركة الأصلية كتبت بواسطة anfel22
ربي يتمملك بخير يا الشاطرة (الله يبارك)
|
الله يسلمك حبيبتي شكرا نورتي صفحتي بارك الله فيك
اقتباس:
المشاركة الأصلية كتبت بواسطة المنديل الابيض
ختي من فظلك اعطيني طرقتك في الكفتة بالشومبينيو عجبتني
و ايطا طريقة المقلوبة او رابط طريقة ام رامي و لي شوصون المحشيين بالمرقاز و الدجاج لاني نموووت على المرقاز
و ربي يحفظك
|
ههههههههههه ياو ما هيش هي اللي تعجب راهو الصحن اللي قدمتها فيها بهاها ......
طاجين الزيتون : جيبي اللحم المرحي ودوزنيه بالملح والفلفل الاسود والكسبر مرحي مع 2سنات ثوم مع معدنوس مقطع الكمية انا عيني ميزاني
ديريه كويرات وخليه يرتاح في الثلاجة ثم نغلي الزيتون ثلاث مرات في كل مرة نحط مغرفة نتاع سكر هكذا نضمن تروحلو المرارة والملوحة في المرة الاخيرة نغسلو بالما البارد ونخليه يقطر بعدها نغسل العلبة نتاع الشونبينيو ونقطرها ثم نجيب طنجرة الضغط نحط فيها الزيتون والشونبينيو ونص صدر دجاج ونرابي نص حبة بصل مع زوج سنات ثوم مع فلفل اسود وملح حسب ذوقك مع شوية كسبر مرحي مع ربطة معدنوس مع 2 مغارف زيت _ما نحبش الدهون وما نستعملش السمن لانو دهون مهدرجة_ نقلي كلش على نار متوسطة مع التقليب لمدة ربع ساعة نمرق بزوج كيسان كبار نتاع الماء نخلق الطنجرة ونخليها تغلي على نار خفيفة لمدة عشرين دقيقة نفتح الطنجرة ونضيف ليبول نتاع الكفتة كيما انا درت 20 حبة متوسطة مخليها تطيب لمدة عشرين دقيقة اخرى راكي تلقا المرق نقص وهكذاك نبغيوه عدلي الملح نتاع واعطيلو عصرة قارص وقدميه بالصحة والهنا .................هاني خلصت الوصفة اخيرا لوكان ما تطبقيهاش.....ما عندك واين تهربي مني هههههههههه بصحتك حنونة
المقلوبة ما نعرفش الرابط نتاعها بصح روحي للسي قوقل ديري الصور واكتبي مقلوبة بالمرقاز تخرجلك نتاع ام رامي هي الاولى
لي شوصون انا نديرهم بعجينة البيتزا نتاعي اللي هي 250غ فرينة مع شوية ملح مع 2 مغارف قهوة خميرة فورية مذابة في كاس حليب دافي مع 3 مغارف زيت تبلي العجينة ولما تلميها زيديلها 1/2 مغرفة نتاع العشا زبدة جامدة واعجنيها مليح حتى تدخل فيها هذيك الزبدة ديريها في ساشي وخليها تخمر 1 ساعة على الاقل اما بالنسبة للحشو :فتت الصدر اللي طيبت بيه الزيتون وزدتلوا معدنوس مقطع خشين مع زيتون اخضر مع فلفل حار والمرقاز قليتو وتخلصت من ليدام نتاعو ثم قطعتو قطع صغار وقليتو مع نص بصلة مقطعة جوانح وحبة طماطم مع التوابل اللي تحبي مع سنة ثوم خليهم على النار حتى تذبال البصلة والطماطم وتنشف لاصوص نحيها من فوق النار وخليها تبرد منين توجدي الحشو نتاعك اكسري لعجين ادلكيه مدة 5دقايق ثم اطرحيه رقيق وقطعي دوائر وحطي الحشو نتاعك وما تنسايش الطون والفرماج يزيدو في البنة طيبيهم في بلا مدهون بالزيت ومرشوش بالفرينة ........المقادير اللي عطيتلك يعملولك 12 حبة متوسطة .........الحمد لله ..............نتمنى نكون افدتك بارك الله فيك
اقتباس:
المشاركة الأصلية كتبت بواسطة catia
فحلة تبارك الله عليك
|
يعيشك حبيبتي ربي يبارك فيك على المرورالطيب
( تقرير عن مشاركة سيئة )، و الموجودة أسفل كل مشاركة .
2013-07-03, 18:46
العرض العادي
