موضوع مميز الجزء الـــ14 من واش طيبتي اليوم؟؟ - الصفحة 35

أم ماجد · 2013-07-03, 21:03

الهام واش درتو للعشا ؟

إلهام07 · 2013-07-03, 21:08

دخلت على جال دادو كون نحكمها نجيفها اليوم

درت للعشاء رفيس قسنطيني ورايب وقلت نجرب ربع كمية من قاطو الصوفيا باش مانحصلش معاه وع القلاصاج نتاعو لنص الليل وأنا غدوة خدامة هذا وين خلصتو وحطيتو يطيب
تصورو ربع الكمية دارت ثلاثين حبة مالا كون درت الكمية كون جات مئة وعشرين حبة
دادو ديما بالمقالب نتاعها
شوفي دادو تهديد علني كون مايجيش مليح نقتلك

أووووووووو ضرك راهو تحرق راهي جات الريحة ,,,,,,,,,,,,,,,رايحة باااااي

إلهام07 · 2013-07-03, 21:11

مساء الخير ام ماجد ، درت رفيس قسنطيني وعندي الشخشوخة فضالت من العشاء نتاع البارح بيها باللحم نتاعها ماياكلوش خلاص هذو الموصايب وعندي شوية بويون ثاني مع ديسير وعصير وقازوز

الحمد لله راني لحقت القاطو على الشعرة كون زدت شوية تحرق ، راهو يطيب بسرعة مع ان النار ماشي قاوية

أم ماجد · 2013-07-03, 21:12

تعشينا والحمد لله اللهم ادمها نعمة واحفظها من الزوال
زعمة راني في مطعم واش تاكلوا
درت بربوشة بنوعين خيريواش تحبي بالحليب البطاطا والبصل امممممممممممممممممم
او بالرايب
هيا اللي تحب تتعش تتفضل
واللي ماعجبهاش الحال او الاكل الله غالب هذا الموجود ههههههه
المهم ام اياد خليتلك سهمك وحطيتلك معانا في السينية انت واياد ولينا3ملاعق

إلهام07 · 2013-07-03, 21:12

حقة ام ماجد مانسيتكش على واش وصيتيني بصح والله كل المعلومات راحت مالقيت والو بصح راكي في بالي راني نحوسلك أنت وماري مانيش ناسية

إلهام07 · 2013-07-03, 21:14

أم ماجد وانا ناكل بيديا خلاصولك لمغارف
حقة انا نحب بربوشة باللبن ماشي بالحليب منعشة في الصيف

إلهام07 · 2013-07-03, 21:16

نروح ندير القلاصاج للقاطو نتاعي احم أحم
ونعشيهم تقول راني في فندق كون مانسربيش للحداش نتاع الليل ونعيطلهم بالواحد واحد مايريكلامي على العشاء راهم يتفرجو في التلفاز
ومعولين كي العادة كل واحد نسربيلو ونديلو لسريرو ياكل ويتفرج

أم ماجد · 2013-07-03, 21:30

الهام شكرا لالا المغارف كاين بزيادة تستاهلي وماطلبتيش الغالي يا غالي انت ههههههههههههههههههه
ام اياد حنونة خدامة قلت نعشيها عندي
الرايب كاين وحتى اللبن علابالك مايخطيش هههههههه عشق الشيخ ابو ماجد
الهام كنت رايحو ندير قاطو صوفيا وهبت منه الشوكولا ماخرجتلكش وجاك طري
ديري القلا صاج وفطرينا بيه غدا
حقا عندنا الديسار وهو

ladymillion · 2013-07-03, 21:37

مممممممممممممم صح عشاكم أم ماجد وعلى الحبابات كاااامل انا تعشيت بطاطا كمون الحمد لله
أم ماجد نزيد نتعشى عندك نحب البربوشة بالحليب والبصل والبطاطا ممممممممممممممممم يعطيك الصحة

basmala farah · 2013-07-03, 21:37

مساء الفل لبنآآت واش راكم كاملين

ladymillion · 2013-07-03, 21:39

بسملة حبيبتي صح عشاك ومساااء الانوار واشراكي انشاء الله بخير واش تعشيتي

basmala farah · 2013-07-03, 21:43

اقتباس:

المشاركة الأصلية كتبت بواسطة ladymillion

مممممممممممممم صح عشاكم أم ماجد وعلى الحبابات كاااامل انا تعشيت بطاطا كمون الحمد لله
أم ماجد نزيد نتعشى عندك نحب البربوشة بالحليب والبصل والبطاطا ممممممممممممممممم يعطيك الصحة

واش بطاطا كمون حطيها موضوع ولا نجيفككككككك كلش من يديك بنيييين

basmala farah · 2013-07-03, 21:47

اقتباس:

المشاركة الأصلية كتبت بواسطة ladymillion

بسملة حبيبتي صح عشاك ومساااء الانوار واشراكي انشاء الله بخير واش تعشيتي

طعام باللبن هههههههه أنا كنت ناويةندير عشاء مطحطح لدادو ليوم عيد ميلادها هههههه كبرت بصح خسارة ما باتتش عندي أيا درت طعام و هنيت روحي

basmala farah · 2013-07-03, 21:51

اقتباس:

المشاركة الأصلية كتبت بواسطة أم ماجد

تعشينا والحمد لله اللهم ادمها نعمة واحفظها من الزوال

زعمة راني في مطعم واش تاكلوا

درت بربوشة بنوعين خيريواش تحبي بالحليب البطاطا والبصل امممممممممممممممممم

او بالرايب

هيا اللي تحب تتعش تتفضل

واللي ماعجبهاش الحال او الاكل الله غالب هذا الموجود ههههههه:d:d:d:d:d:d:d:d
المهم ام اياد خليتلك سهمك وحطيتلك معانا في السينية انت واياد ولينا3ملاعق

و أنا نشوفكم تتكلمو و تقولو بربوشة ما بربوشة و حشمانة نسقسيكم هههههههه
أحنا نقولولو طعآآم
بصح عمري ما شفتو بالبطاطا و البصل هذي أول مرة
أحنا نديروه بالمرقة أو العنب الحليب و مشتقاته الدلاع التعمير اللحم المفروم
أو نديروه سفة بالسكر و المكسرات
صحة عشآآآكم

staifia · 2013-07-03, 21:52

مسااااااء المحبة
مساء القاطو و الحلويات :d

توححححشتكم
وصح عليكم العشااااااا كاااااااااااااااااااااااامل
الهام ويناه هدا قاطو الصوفيا ؟؟؟

دزي شوي لخيتكـ علاه علاه ما نغيضكش ههههههههههههه