الجزء الـــ14 من واش طيبتي اليوم؟؟

[إلهام07]

بعدولي نشطح

ام ماجد هاتي كاش بينوار سطايفي ضياق عليك

[إلهام07]

أهدي تحياتي إلى أمي وأبي وأختي الوسطانية ومدام بغريرة ودادو المهبولة التي هبلتها في البريد الخاص وأم نجم التي شجعتني على تطبيق وصفة أم أماني والأخت بشرى الشريرة التي خلصتلي أيقونات الشكر على دعمها لي و ياسو التي سوف تاكل نصف الصحن وماتعرفش الدير القلاصاج هههههههههههوكل العضوات المشاغبات في قسم واش طيبتي اليوم

[إلهام07]

شوفو من اليوم كل القاطوات نديرهم بالقلاصاج حتى القريوش والغريبية والكروكي :d:d:d:d:d

ماكنتش على بالي باللي ساهل هكذا من كثرة ماخوفوني منو لقيتو ساهل خلاص

[أم ماجد]

المشاركة الأصلية كتبت بواسطة إلهام07

شوفو من اليوم كل القاطوات نديرهم بالقلاصاج حتى القريوش والغريبية والكروكي :d:d:d:d:d

ماكنتش على بالي باللي ساهل هكذا من كثرة ماخوفوني منو لقيتو ساهل خلاص

نعتيلي اللي خوفاتك
القلاصاج درته منذ كنت عمري 10 سنين واش بيك الهام اسهل حاجة
اعطنا الرابط نزد نشوفو مليح هههههههههههههههههه

[ام احمد وصال]

مبروك الهام على القلاصاج هاتيلنا الطريقة حتى انا نموت بالخلعة منو بعو

[إلهام07]

هههههههههههه يبارك فيك أم ماجد لعقوبة للفرح نتاع ماجد

لالا أم ماجد ماعنديش رابط درت القلاصاج نتاع ام رامي نتاع الحليب لاخاطر الأخوات قالولي القلاصاج نتاع بياض البيض يرجع يابس بعد 2-3 أيام ونتاع الحليب يبقى طري
القلاصاج دارولي بزاف ناس منو عقدة كل مانسأل وحدة باش تعطيني الوصفة نتاع القلاصاج وتعلمهولي ( قبل مانعرف المنتدى ) تقلي راهو واعر ومايصلحش للناس كامل ولازم بالممارسة سنين باش تتقنيه حسبتو صاروخ

أوففففف تهنيت من عقدة وحدة اخرى
واقيلا خلاصو العقد أستناي نتفكر واش مازال

[إلهام07]

مازال نزيد نجرب القلاصاج ناع البيض ونشوف

[إلهام07]

إييييييييييه طارلي بينوار الجهاز نتاع أم ماجد واااااااااااااااااااي

حقة بنات راني درت تشاراك نتاع أم أماني والله يذوب في الفم ، كانت عندي وصفة مليحة جبتها من العاصمة من عند وحدة تقري الحلويات بصح هذي راهي تفوقت عليها
والقلاصاج نتاع أم رامي هاهو :
عطاتهولي دادو كثر خيرها :

كيلة ماء الزهر
كيلة زيت
كيلة ليمون
كيلة حليب
و سكر مسحوق
لكن كي تضيفي سكر مسحوق خصك تضيفي بزاف حتى يثقل
انا نثقله و نسيي حبة و نحطها و يليق القلاصاج ما يسيلش خصه يبقى في بلاصته باه يخرج زين
و لاكان سال القلاصاج من الحبة زيدي ثقليه بالسكر مسحوق حتى تولي تمشي فيه باصبعك فوق الحبة تاع الحلوى
و لما ينشف القلاصاج مسحي عليه الملمع لكن بقطنة جافة ديريها في الملمع و مسحي فوق القلاصاج

النصائح نتاعي : القلاصاج لازم يجي قاسح زثقيل هذا ماكان والوصفتين 100/100 مضمونة دون تغييرات

[أنواار الإيماان]

المشاركة الأصلية كتبت بواسطة إلهام07

أهدي تحياتي إلى أمي وأبي وأختي الوسطانية ومدام بغريرة ودادو المهبولة التي هبلتها في البريد الخاص وأم نجم التي شجعتني على تطبيق وصفة أم أماني والأخت بشرى الشريرة التي خلصتلي أيقونات الشكر على دعمها لي و ياسو التي سوف تاكل نصف الصحن وماتعرفش الدير القلاصاج هههههههههههوكل العضوات المشاغبات في قسم واش طيبتي اليوم :d:d:d:d:d

الف مبروك باين فرحانة اهداء وشطيح وزيد ناسيا التوقيع على الصور هههههههههههههههههه يالله قدمي النصائح كي العادة
القاطو خرجلك

[اولادي حياتي]

المشاركة الأصلية كتبت بواسطة أم ياسين الزهراء

صحى فطوركم ونعمة دايمة على الكل

اولادي جيتي لباتنة ومطليتيش علي وين كنتي اماني على سلامتك
ام ماجد ربي يعاونك انا خلاص عيت راني نريح لرمضان بسلامت ولادي يحبو يتقلشو بزاف

الهام فرحينا معاك

مساكم بالخير راني وليت باتنية خلاص
ام ياسين انا كانت امنيتي نشوفك ونشوف الهام وام ماجد والسطايفية خفت نحرجكم وما تحبوش وادا نوغمال نتلاقاو في اوت راح نولي عجبتني باتنة
رحت لسطيف فطرنا تما في ريستورو مقابل الماناج ورحنا لباتنة عندي لافامي تاع ماما تما في بوعقال ورحت بلاد بابا في منعة طلعنا للجبل ودرنا شوا لتما روووووووووووووعة ورحنا لتمقاد هاايلة .
خيتطلي بنت عمتي جبة ستيل شاوي نصورها ونحطها عشيا .
راجلي ماشي شاوي دوك تعلم يهدر كلمات
مازال نولي ونروح عند خالتي في غوفي .

ام ياسين واش درتي لغدا انا غدايا تاع لبارح قعدلي كباب وسوفلي وحميص .

المشاركة الأصلية كتبت بواسطة إلهام07

أهدي تحياتي إلى أمي وأبي وأختي الوسطانية ومدام بغريرة ودادو المهبولة التي هبلتها في البريد الخاص وأم نجم التي شجعتني على تطبيق وصفة أم أماني والأخت بشرى الشريرة التي خلصتلي أيقونات الشكر على دعمها لي و ياسو التي سوف تاكل نصف الصحن وماتعرفش الدير القلاصاج هههههههههههوكل العضوات المشاغبات في قسم واش طيبتي اليوم

الهام مبروووووووووووووووك خرجلك
حطينا الرابط نجربو ياخي يقولك عاند ولا تحسد .

[sidali 2007]

المشاركة الأصلية كتبت بواسطة إلهام07

أهدي تحياتي إلى أمي وأبي وأختي الوسطانية ومدام بغريرة ودادو المهبولة التي هبلتها في البريد الخاص وأم نجم التي شجعتني على تطبيق وصفة أم أماني والأخت بشرى الشريرة التي خلصتلي أيقونات الشكر على دعمها لي و ياسو التي سوف تاكل نصف الصحن وماتعرفش الدير القلاصاج هههههههههههوكل العضوات المشاغبات في قسم واش طيبتي اليوم :d:d:d:d:d

ههههههههههههههههههههههههههههههه
راهم قريب يحوزوني ملخدمة قتلتني بضحك مقدرتش نحبس حسبوني مرت بو بقرة جابولي طاس ماء
مبروووووووك لقلاصاج لعقوبة لام ياسين وليا هههههههه

[إلهام07]

المشاركة الأصلية كتبت بواسطة sidali 2007

ههههههههههههههههههههههههههههههه
راهم قريب يحوزوني ملخدمة قتلتني بضحك مقدرتش نحبس حسبوني مرت بو بقرة جابولي طاس ماء
مبروووووووك لقلاصاج لعقوبة لام ياسين وليا هههههههه

هههههههههه خلي تنحي على قلبك هههههههههههههه
والله ساهل ماهل ماحطيتوش هكذا

[إلهام07]

حقة بنات قداش لازم وقت باش ينشف قلاصاج الحليب ؟ أنا البارح في الليل صورتو وهو طري ماصبرتش

مالفة ناكل القاطو نتاع القلاصاج يجي يابس كي الحجرة مانعرف لاه بصح هذا بقى طري يهبل

حقة بنات نصيحة فقط أنا جربت الحشو الثاني نتاع أم أماني اللي فيه حلوة الترك والكاوكاو والمعجون جا بنين بصح كيما قاتلي أم نجم حلو يقطع القلب خاصة مع القلاصاج ، نقصو من كيلة حلوة الترك والمعجون إذا حبيتو جربوها

[sim1]

[QUOTE=إلهام07;1053384251]



بعدولي نشطح

ام ماجد هاتي كاش بينوار سطايفي ضياق علي

[أم ماجد]

المشاركة الأصلية كتبت بواسطة إلهام07

بعدولي نشطح

ام ماجد هاتي كاش بينوار سطايفي ضياق عليك

عندي واحد مخبياته من جهازي نهار تزوجت كذكرى ايجي قدك هاكي مسامحة