عرضة الزربة اللي درتها لصحب راجلي اتفضلو باش تعلقوا

غيداق · 2013-07-02, 22:12

السلام عليكم حباباتي : اليوم حبيت نشاركم العرضة اللي درتها لصحاب راجلي سميتها عرضة الزربة على خاطر راجلي جابلي القضيان على 3.30 نتاع لعشية وقالي راني عارض 3 صحابي حمريلي وجهي يمالا مع زعاف مع حصلة توكلت على ربي وقلت باسم الله وعلى الكوزينة وهذا واش قدرت نطيب نتمنى يعجبوكم :

اولا هذي المايدة الجمل بما حمل ناقصة منها بسبوستي لعزيزة والحليب نتاع البقرات راجلي قالي صحابي موالفين يشربو الحليب ورا العشا ايا حطيتلهم لحليب

هذا طاجين الزيتون بالكفتة والشونبينيو

وهذي المقلوبة نتاع حبيبتي ام رامي الف شكر ليها بصح راهو التطبيق ناقص راكي عارفة الوحدة كي تعود وحدها ما تلحقش تدير كلش

هذي السلاطة نتاع بيطراف وزرودية وجلبان و وبطاطا وبيض ومايوناز وبيض

وهذوما لي شوصون محشيين بالجاج والمرقاز والطون والفرماج والزيتون والفلفل حار وجاو روعة ومعاهم سلاطة الخيار مع الزرودية المقلية مع الخس

الديسار كان حب الملوك والنيكتارين

هذي كسرة الرخسيس

وهذي بسبوستي الي في كل محضر تحضر ههههههه امممممممممممم تهبل

وهذي المايدة في الحلقة الاخيرة

هذي الصورة دارها وليدي للمايدة كيما شافني نصور هز الايفون وقالها اضحكي نصورك ههههه عمرو ثلاث سنوات ربي يحفظو ويبارك فيه

وربي يعيني عل الماعن غدوةههههههههههههه راكم علابالكم الدوخة نتاع السكر طالع هابط ونتاع الوحم وراني في حالة يمالا سلااااام ودعوة خير من عندكم تكفيني ادعيولي ربي يشفيني وتمملي حملي بخير ويحفظلي راجلي واولادي

نور السلام 16 · 2013-07-02, 22:20

بارك الله فيك الله يعطيك وقفة سهلة ان شاء الله و يحفظللك اللاولاد و الزوج

faizarbh · 2013-07-02, 22:21

ممممممممممممم ما شاء الله عرضة و عليها الكلام يعطيك الصحة

amina bourennane · 2013-07-02, 22:22

rabi ykalik rajlek w wledek nchalah wya3tik esaha.........

ساندي 28 · 2013-07-02, 22:29

ماشاءالله يعطيك الصحه اختى لحقتي تديري هدا كامل برافو عليك
قوليلي اختى عندي مشكل مع المرقاز كي نقليه ونحطو يطلق بزاف ليدام كيفاش درتيلو انتى
وفي الاخير بصحتكم وربي يتمملك حملك ويعطيك وقفه ساهله يارب وربي يحفظلك عائلتك

اولادي حياتي · 2013-07-02, 22:33

الله يبارك عشا بالطبع ..ربي يحفظلك لولاد ويعطيك وقفة ساهلة .

غيداق · 2013-07-02, 22:35

اقتباس:

المشاركة الأصلية كتبت بواسطة نور السلام 16

بارك الله فيك الله يعطيك وقفة سهلة ان شاء الله و يحفظللك اللاولاد و الزوج

شكرا ليك حبيبتي نور السلام بارك الله فيك علو مرورك العطر بصفحتي شكرا

اولادي حياتي · 2013-07-02, 22:37

اقتباس:

المشاركة الأصلية كتبت بواسطة omnadjem.10

ماشاءالله يعطيك الصحه اختى لحقتي تديري هدا كامل برافو عليك
قوليلي اختى عندي مشكل مع المرقاز كي نقليه ونحطو يطلق بزاف ليدام كيفاش درتيلو انتى
وفي الاخير بصحتكم وربي يتمملك حملك ويعطيك وقفه ساهله يارب وربي يحفظلك عائلتك

اسمحيلي ام نجم نجاوبك انا نطيب المرقاز وكي يطلق ليدام تاعو نصفيه ونديرو في لاصوص تاع الروز

ونزيدو نشوفو طريقة الاخت .

ladymillion · 2013-07-02, 22:47

كلشيء هااااااايل بدون مجاملة يعطيك الصحة

غيداق · 2013-07-02, 22:54

اقتباس:

المشاركة الأصلية كتبت بواسطة omnadjem.10

ماشاءالله يعطيك الصحه اختى لحقتي تديري هدا كامل برافو عليك
قوليلي اختى عندي مشكل مع المرقاز كي نقليه ونحطو يطلق بزاف ليدام كيفاش درتيلو انتى
وفي الاخير بصحتكم وربي يتمملك حملك ويعطيك وقفه ساهله يارب وربي يحفظلك عائلتك

*شكرا ليك ام نجم على المرور الطيب اما فيما يخص المرقاز راهو كاين انواع انا ساعات يجبلي راجلي مرقاز كي تشوفيه تقولي حبة تشبعني يومين ههههههههههههههه انا نحطو في المقلا وهو يولي ما يشبعش الفلوس ههههههه يخرجلي كامل ليدام في هذي الوصفة راني قليت المرقاز ورميت ليدام لاني بطبعي ما ناكلش الدهون واخذيت منو 3مغارف برك درتهم في لاصوص باه يزيدو في البنة وبطبيعة الحال تبعت كامل الخطوات نتاع الاخت ام رامي ربي يحفظها شوفي الموضوع نتاعها فيه الوصفة بالتفصيل

ام مريم اسراء · 2013-07-02, 22:57

الله يبارك العرضة رائعة ...... ماشاء الله راهم كلاو صباعتيهم اكيد فنانة ربي يهطيك الف عافية و يسهل حملك و ولادتك و يحفظ ابنك الكتكوت و مولا بيتك و المرة الجاية راني معروضة عندك

غيداق · 2013-07-02, 23:02

اقتباس:

المشاركة الأصلية كتبت بواسطة ام مريم اسراء

الله يبارك العرضة رائعة ...... ماشاء الله راهم كلاو صباعتيهم اكيد فنانة ربي يهطيك الف عافية و يسهل حملك و ولادتك و يحفظ ابنك الكتكوت و مولا بيتك و المرة الجاية راني معروضة عندك

مرحبا بيك ام اسرا ء العرضة نتاعك نديرهالك سبيسيال ونزيدلك عليها حبات حلوى _ بارك الله فيك على المرور الطيب شكرا

نسيم الإيمان · 2013-07-02, 23:12

الله يبارك ربي يشفيك و يتمملك حملك ان شاء الله
يعطيك الصحة درتي الواجب و زيادة

fani09 · 2013-07-02, 23:19

الله يبارك كلش هايل في بلاصتو
معليهش وصفة البسبوسة ..اذا امكن . ولك جزيل الشكر

oum anas 69 · 2013-07-02, 23:22

و الله نحييك على شطارتك و فحولتك و نتي حامل والسخانة و الدوخة درتي عرضة بالشأن و الطبع يعطيك الصحة و بوسيلي الكتكوت لي قال للطابلة أضحكي نصورك ...... ههههههههههه الطابلة كهكهتلو و هو صورها .... ربي يتمملك حملك على خير و يحفظلك عائلتك كلها