موضوع مميز الجزء الـــ14 من واش طيبتي اليوم؟؟ - الصفحة 17

لمسة حنية · 2013-07-01, 22:39

اقتباس:

المشاركة الأصلية كتبت بواسطة أم ماجد

السلام عليكم
لبنات ابقاو في الطبخ لا نعودو في اشكال
الهام قاطو حفيظة يحمر الوجه ؟
قداه قطعلك ؟هل هو زاكي ؟

وعليكم السلام اهلا ام ماجد
انا درته تاع حفيظه وقطع كمية معتبره نسيت شحال بصح هايل
لاني في وقتها بعتو لخالي

لمسة حنية · 2013-07-01, 22:40

اقتباس:

المشاركة الأصلية كتبت بواسطة ام خالد اسلام

مساء الخير بصحتكم طيابكم يشهي انا ليوم طيبت كسرة رخسيس وبطاطا الامنيات وراني فرحانة بزاف اختي ادات الباك

مساء الورد الف مبروككككك على اختك

إلهام07 · 2013-07-01, 22:48

أهلين بأم تقي واش هذا وين راكي تغطسي

مبروك ام خالد على أختك الباك واش كاش قاطو

اقتباس:

المشاركة الأصلية كتبت بواسطة أم ماجد

السلام عليكم
لبنات ابقاو في الطبخ لا نعودو في اشكال
الهام قاطو حفيظة يحمر الوجه ؟
قداه قطعلك ؟هل هو زاكي ؟

قاطو حفيظة بنين سامبل بصح يحمر الوجه شوفي كيلة نتاع ربع بيضات تقطعلك ستين حبة او شوية أكثر راهو زاكي بزاف وحذاري الحربوش رققيه مليح راهو يخشان ويطلع فيه زوج خميرة وزيد ديريلو القلاصاج يزيدو الحبات يكبرو
شوفي كي يطيب في الأول يبانلك يابس بصح كي ديريلو الشكلاطة يطرى وحدو أنا كي نشف خبيتو في باط وسكرت عليه الغدوة لقيتو يذوب في الفم

وبنين لاخاطر فيه الشكلاطة بصراحة معولة نشرب بيه القازوز او القهوة في عرس اختي لو مايحمرش الوجه مانديروش

*بيتي مملكتي* · 2013-07-01, 22:51

كيف أحوالكن حبيباتي الغاليات ليكم وحشة

بسملة والله هدا وين قريت ردودك قتلتيني بالضحك حنونة مواااااااااااااااااااااااح أس مليار تكفي ولا مازال
نتمنالك حنونة حظ وفيييييييييييييير في المسابقة تستاهلي عزيزتي

ألف مبروك لكل من جوز البيام و الباك

ما قريتش الأرشيف اسمحولي والله ما عاد عندي الوقت كي بكري
المهم صح طياباتكم و مواح لكل من سألت عني ربي يخليكم ليا

أم ماجد · 2013-07-01, 22:56

اهلا ام اياد واش مازلت مع الاعراس
لبنات نطلب طلب كي تروحو للاعراس والحفلات هاذ الايام صوروا الاكل وهاتوه
عندي في هاذ الاسبوع 2حفلات وعرس عندي مانصور انتظروني لا ماطردونيش هههههههههه
شكرا الهام شكرا لمسة حنية ان شاء الله ندير
راهم الطلبات تاع الحلوى بدات ههههههه اختي سلفتي صديقتي
غدا نبدا البز اذا كنت من الاحياء وكان عندي الجهد
لازم ابو ماجد يكون ماكانش لانه رافض نظرا لحالتي هذه الايام
اقترحوا علي بعض الحلويات اللي ماتعبش وتكون اقتصادية نوعا ما لان الجزامة هههههههههه تمت علي

*بيتي مملكتي* · 2013-07-01, 23:02

لا لا حنونة أم ماجد دوك انتقلت من شقاء العرس لشقاء الخدمة

للأسف ما قدرت نصور والو لأنو ما قعدتش خلاص و ما صبتش نصورلكم القاطو

المهم نقلكم على القاطو نتاعنا كان مقروظ و بقلاوة و قاطو النيسلي و قاطو مخبز و قريوش الفراشة مشري
العشا كان شربة و بربوشة و سلاطة خضرا و خيار و أوردافر روز و زرودية مفورة و بيطراف و خيار مكعبات ة طاجين الحلو زبيب و عين و مشمش و مزين بلوز ‘يفيلي محمص و الديسار العين و قازوز

هدا نهار العرس و ليلة الحنة كان شخشوخة و سلطة عادية
الغداء نتاع نهار العرس كان بكبوكة راااااااااااااااااااائعة بالزيتون الأخضر و قطع ليمون يميم حمراء

*أم كوثر* · 2013-07-01, 23:03

اقتباس:

المشاركة الأصلية كتبت بواسطة basmala farah

عسلامتك ذي غيبة
قالك الزمباية ما الزمباية
شوفي شوفي لمسة شحال شطارت شدرتي للعشا

اللهيسلمك
حتى انا سمعت ودرت هك

اقتباس:

المشاركة الأصلية كتبت بواسطة لمسة حنية

مساء الفل حبيبتنا العزيزة رانا مع ضياف ههههه

الله يسلمك ويعزك

اقتباس:

المشاركة الأصلية كتبت بواسطة touta2010

اهلا جديد عندي الوسااااام هههه

ايه راني نششوف
في اي قسم تحصلتي عليه؟؟؟

*أم كوثر* · 2013-07-01, 23:06

بصحتكم الاعراس
وبصحتكم النجاحات في الباك والبيام
لعقوبة للشهادات العليا

إلهام07 · 2013-07-01, 23:06

أهلين ام إياد وين راكي تغطسي واش راكي ديري

أم ماجد أنت درتي قاطو نتاع سعيدة واش جاك طري ؟ بنين ؟ يحمر الوجه في عرس ؟ نحوس ندير نوع ولا زوج اقتصاديين بزاف علينا كل شيء جوز ولوز ماما هذي لازم تنقص تكسال قلت بالاك قاطو سعيدة نخلي العجين فقط ونبدل في الشكل والتزيين باش نهف بيه هههههههههه

شوفي نقترح عليك الملفوف ساهل اقتصادي وزاكي
ثاني الغريبية
ثاني قاطو مول الشاش
ثاني الصابلي اخدميه ومدي للبنات يلصقو ههههه
ثاني النقاش
ثاني قلوب الجلجلان بصح بصراحة نتاع فلة جاوني شوية يابسين هكذا قالولي الأخوات
ثاني التشاراك زاكي
المشوك ساهل ماهل وزاكي
هذا واش جا في بالي رايحة نطيح بالتعب

إلهام07 · 2013-07-01, 23:08

أم كوثر وانا ماشفتينيش راني مازال نزيد نطبقلك وصفات اربحيني خير لك

إلهام07 · 2013-07-01, 23:11

حقة ام كوثر الوسام نتاعك نتاع احسن تطبيق نتاع واش من وصفة ؟ حابة نشوفو كيفاش ندير

إلهام07 · 2013-07-01, 23:12

واقيلا رقدتو وانا راني وحدي كي المهبول
رايحة نرقد
وهاهو وجهي لازدتو شفتوني في الليل

*بيتي مملكتي* · 2013-07-01, 23:13

اقتباس:

المشاركة الأصلية كتبت بواسطة *أم كوثر*

بصحتكم الاعراس
وبصحتكم النجاحات في الباك والبيام
لعقوبة للشهادات العليا

شكرا حنونة والله ليك وحشة كبييييييييرة

اقتباس:

المشاركة الأصلية كتبت بواسطة إلهام07

أهلين ام إياد وين راكي تغطسي واش راكي ديري

أم ماجد

أنت درتي قاطو نتاع سعيدة واش جاك طري ؟ بنين ؟ يحمر الوجه في عرس ؟ نحوس ندير نوع ولا زوج اقتصاديين بزاف علينا كل شيء جوز ولوز

ماما هذي لازم تنقص تكسال قلت بالاك قاطو سعيدة نخلي العجين فقط ونبدل في الشكل والتزيين باش نهف بيه هههههههههه

شوفي نقترح عليك الملفوف ساهل اقتصادي وزاكي
ثاني الغريبية
ثاني قاطو مول الشاش
ثاني الصابلي اخدميه ومدي للبنات يلصقو ههههه
ثاني النقاش
ثاني قلوب الجلجلان بصح بصراحة نتاع فلة جاوني شوية يابسين

هكذا قالولي الأخوات
ثاني التشاراك زاكي
المشوك ساهل ماهل وزاكي
هذا واش جا في بالي رايحة نطيح بالتعب

والله يا لهومة راني حصلت مع الخدمة هاد ليامات اللي يخدم عندي خرج كونجي قبل رمضان

راني وحدي وععععععععععععععععععععع

أم ماجد · 2013-07-01, 23:17

هههههههههه الهام هاذو كامل بزاف علينا
قاطو سعيدة اقتصادي ويذوب في الفم تقدري تشربي بيه القهوة
حبيت نطبق بعض الوصفات
لبنات قالولي ديريلهم تاع الشوكولا
اشريت شوكولا قلاص عندي 2علب الان ونزيد نشري كاش ماخص
ام كوثر انا ايضا ماانتبهتيش ليا
حقا واش احوال ام محمد تاج خايفة تكون ماتت بالبرد واحنا ماسمعناش هههههههههههههههههههه
ربي يجيبها سالمة غانمة
ام اياد ربي يعينك نصيحة ادي العطلة في رمضان
الهام حنونة روحي ترقديغدا عندك العمل ماتعانديناش احنا روتراتي هههههههههههه

sissou nrdn · 2013-07-01, 23:18

ما تزعفيش الهام راني جيت رحت رقدت شوية و ضرك نضت نقصر واش تقولي في هذا العوج